فات وقت النسيان

مش بعد ده كلو
أطلع كمان غلطان
صبرت وإتحملت
وغرقت فى الأحزان
ورسمت بدمعى فرح
وفرحى ماله مكان
بكفايه لحد كده
أنا يعنى مش إنسان
غلطت فى إختيارى
ايوه أنا غلطان
صدقت ناس بتكدب
ووفيت لقلب خان
وسقيتهم شوق وحب
وشوفت العذاب ألوان
وبإيدى جرحت قلبى
ياقلبى أنا ندمان
ماجاش يوم فى بالى
أقول ده حلم كان
وفضلت أدارى وأدارى
وبردو الجرح بان
جرحى اللى عاش جوايا
سجين بين قضبان
آن له الآوان يتحرر
والصرخه تملى الكون
ده انا عيشت عمرى فى وهم
أصعب من الحرمان
ويوم ماقولت أنساه
كان فات وقت النسيان