الأحتفال بمولد النبي صلى الله عليه وسلم

[size=12]اكيد كلنا بنحب سيدنا الرسول (ص)بس في شغلة بدي اخد رايكم فيها وهيي لأحتفال بمولده(ص) هل هيي من السنة او شو وضعها بالظبط؟؟؟

انا مقيم بالسعودية من حوالي 3 سنين بس ولا مرة شفتن عم يحتفلو بمولد النبي صلى الله عليه وسلم واليوم بكون يوم عادي جدا حتى انو فضولي زاد ورحت هالسنة على المدينة المنورة وقضيت حوالي نص نهار بالحرم النبوي ورحت زرت سيدنا الرسول صلى الله عليه وسلم ومابتصدقوني اذا قلتلكن انو مافي اي مظهر من مظاهر لأحتفال او الزينة مع انو بلد اسلامي وهون قبر الرسول ....
فيا ترى مين الصح نحنا ولا هنن؟؟؟؟؟؟
واذا جيتو وشفتو الأحتفالات اللي بتصير بجوامعنا نصها اولاد جاييين ياخدو الملبس ويروحو وقبل مايتوزع الملبس بتلاقون عم ينطو ويلعبو ؟؟؟؟
وبس يروحو ممكن تسمعو شو عم يقول الخطيب او شو عم ينشد المنشدين بس شو بعد ماتكونو جنيتو من لأولاد
فيا ترى لو كان لأحتفال سنة اوحتى شغلة محببة للرسول كانو اهل السعودية تركو هاليوم يمر متل باقي لأيام؟؟؟؟

لا بالعكس تماما الاحتفال بمولد النبي يعتبر بدعةغير حسنة
يكافحونها بالسعودية حتى مرة قرات بكتاب مادة الفقه للصف الثالث الثانوي
عن البدع وغيرها وانو فيه بلدان بتمارس هاي البدع( اللي بتدخل صاحبها النار)
وهاي البلدان نحن وغيرنا المقصودين
وما بس بالمولد هنن ما عندن اي مناسبات إلا العيدين فقط
وأما غيرها فبدع بدع

ليس كل من يحتفل بالمولد يحب النبي حق الحب
وليس كل من لا يحتفل بالمولد لا يحب النبي

في شغلة مهمة نسيت قلكن عليا يمكن انتو بتعرفو فيا او سمعتو شي مرة عنها وهييي انو أئمة المساجد والخطباء بيصيرو يزعلو من بعضن كيف هدا اجى عمولد جامع النور وماراح عمولد جامع البحر او ليش دور جامع البحر قبل جامع النور وووووو؟؟؟

بشكر مداخلتك بس بعتقد انو اذانهم متل اذانّا ونحنا اللي بنختلف عنهم انو بنزيد الصلاة على الرسول بأخر الأذان وبرمي العالم كله ماحدا بقولا غير ببانياس حتى بسوريا في محافظات مابتقولو؟؟؟

اكيد لأ؟؟؟لأن الحديث الصحيح بقول(من صلى عليّ صلاة واحدة صلى الله عليه بعشرة)بس انا عم الفتلك نظرك انو لأذان ما هنن المختلفين علينا نحنا المختلفين علييين

لبيك وسعديك يارسول رب العالمين و خاتم المرسلين ياسيدي يامحمد

جزاك الله كل خير على سؤالك ليش عزمان الصحابه ماكانوا يحتفلوا بمولد الرسول ص عفكرا بس بسوريا في هل ا ل و الله اعلم

اول شي خلينا نطبق كل الامور الي امرنا الله فيها ونطبق ماتيسر لنا من سنه الرسول بعدين منحتفل بعيد المولد هيك بظن انو الرسول صلى الله عليه وسلم بيكون سعيد
بعدين انا بسمع كتير من الشيوخ مابتحتفل بعيد مولدها بقولو حرام الواحد يحتفل بعيد مولده بس بالتالي بيحتفلو بعيد المولد النبوي
كيف صارت هي ؟
شكرا للموضوع

سؤالك يا انس بمحلو
شكرا للمداخلة

اما معك ياسلام فورايفيرانو الفرق كبير بين السنة والوهابية بس هدا مانو حديثنا وانا ماجبت سيرتو لأن متل مابيقلك المتل مل مين على دينو الله يعينو بس انت قلتي انو اهم شي رضى الله ورسوله بس انت بالبدعة بتكون عم ترضي الله والرسول؟؟؟؟؟؟ا

ع فكرة مزبوط ...هون بالسعودية بقولوا انو بدعة واكبر دليل انو
الصحابة ولا التابعين ماكانوا يحتفلوا بمولد الرسول صلى الله عليه وسلم
بقا نحن من وين جايبين هالشغلة؟؟؟
مابعرف...نحن هيك اخدنا بالمدارس

الموضوع مانو تزمت ابدننن نحنا عم نتناقش لنشوف مين الصح نحنا ولا باقي الدول ماشرط السعودية لأن في غير سعودية كتير مابيحتفلو وبيعتبرو بدعة يا يحيى...اما انو المهم بلموضوع هي الصلاة على النبي فمافي داعي للمولد لأن كل واحد مننا عندو لسان يصلي عنبي فيه لحتا يشبع وانا اولكن اما اذا كنت شايفي انو مافي وقت للصلاة على النبي غير ب المولد فهدي مشكلة كبيرة يانوربانياس د

عليكم بسنتي وسنة الخلفاء الراشدين المهديين من بعدي ، تمسكوا بها وعضوا عليها بالنواجذ ، وإياكم ومحدثات الأمور ، فإن كل محدثة بدعة ، وكل بدعة ضلالة ) أخرجه أحمد 4/126 ، والترمذي برقم 2676 .


قال تعالى ( اليوم اكملت لكم دينكم واتممت عليكم نعمتي ورضيت لكم الاسلام دينا )


( لا تطروني كما أطرت النصارى ابن مريم فإنما أنا عبده ، فقولوا عبد الله ورسوله ) أخرجه البخاري 4/142 رقم 3445 ، الفتح 6/551

( إياكم والغلو ، فإنما أهلك من كان قبلكم الغلو ) أخرجه النسائي 5/268 ، وصححه الألباني في صحيح سنن النسائي رقم 2863 .


اقرؤا معي هذه الصور من الصحابه

، قال عمر بن الخطاب عندما قبّل الحجر الأسود: ( إني لأعلم أنك حجر لا تضر ولا تنفع ولولا أني رأيت النبي يُقبلك ما قَبّلتك ) [رواه البخاري].

قال ابن القيم: ( كان عمر يهم بالأمر ويعزم عليه فإذا قيل له: لم يفعله رسول الله انتهى )


عن ابن عمر رضي الله عنهما قال: ( بينما الناس في الصبح بقباء جاء رجل فقال: إن رسول الله قد أُنزل الليلة عليه قرآن وقد أُمر أن يستقبل الكعبة ألا فاستقبلوها وكان وجه الناس إلى الشام فاستداورا بوجوههم إلى الكعبة ) [رواه البخاري] وفي رواية: ( فمالوا وهم ركوع ) [رواه أبو داود وابن ماجه والنسائي].

عن نافع قال: ( لو نظرت إلى ابن عمر إذا اتبع أثر النبي لقلت: هذا مجنون!! )


فيا اصدقائي هل كان من أحدث المولد أهدى منهم وأعظم شكراُ لله عز وجل واكثر حبا لمحمد عليه الصلاه والسلام

محبته باتباع سنته

الله ينور عليك يا انس

https://baniascc.ahlamontada.com/montada-f96/topic-t5029.htm

وشكرا

يا اخي صحيح انه بعض المسلمين يعتبرون المولد بدعة بس هو يعتبر من البدع الحسنة حيث ان ما يتم فيه من قراءة للقران و القاء قصص من السيرة النبوية ومن اناشيد اسلامية هادفة لا تتعارض مع الشرع وبالتالي ينطبق عليها حديث الرسول (ومن سن بالاسلام سنة حسنة فله اجرها واجرة من عمل بها الي يوم القيامة) صدق رسول الله
بعدين يا اخي انا الى عايش في السعودية من سنة ونصف وفي منطقة القصيم المعرفة بتشدد شعبها وهي مركز للوهابيين المتشديين .
هون بتحس انه الدين ناشف ولا روحانية فيه ابدا . مو مثل ما بتشعر فيه في بلدك وعابتقول انه يوم المولد النبوي في السعودية بتحسه يوم عادي . اي اصلا هون الاعياد الاسلامية الاضحى والفطر ما بتحس انها اعياد وما بتشعر انه في عيد حتى لو انك كنت بمكة والمدنية . وهناك الكثير من الاشياء التي نقوم بها في بلدنا يعتبرونها بدع فالاذكار عقب الصلاة بشكل جماعي بدعة . وتسيد الرسول بالصلاة بدعة(الرسول مثله مثل اي انسان وما بصير تقول سيدنا . فقط تقول محمد حاف). بالاضافة الى ان المسبحة تعتتبر من البدع . وتهذيب اللحية من البدع ويجب اطلقها فما باللك بالذي يحلقها(يعتبرنه كافر). بالاضافة ان رفع القران بالمادنة قبل صلاة الجمعة تتعبر من البدع .وحتى انك تقول للمصلي بعد انتهاءه من الصلاة (تقبل الله) بدعة . وهذا القيل من الكثير .