بعد مرور مايزيد على عام على إستلام رئيس مجلس المدينة الجديد ..

ولا انا مو راضية ابدا ابدا ابدا بيخربو وبينطرونا نحنا نصلح!!!!!!!! يمكن بس عم يحسنوا بمناطق وبمناطق هلأ روحو شوفو الحارة يلي جنب جامع ابو بكر كتيييييييير متحسنة بس الباقي ؟؟؟؟؟؟؟

الله بعين

يعني عدم المؤخذة واحد بيدفع 7 مليون ليصير رئيس بلدية شو رح يعمل معناتها على القليلة رح يطلع ضعفهون اذا ما اكتر

مرحبا ..
لما إجى رئيس البلدية الحال استبشرنا خيرا لأمرين ..
الأول إنو أول مهندس بيستلم رئاسة البلدية واللي قبلو كلن ما معن شهادات أو شهادات ما إلها علاقة بالبلدية وأمورها
التاني إنو كان مهندس بالبلدية يعني المفروض يكون .....
بس للأسف طلع نفس الشي وبرأيي إنوبينلام لهالسببين ..
بنظرة بسيطة لأعرق شارع ببانياس إبن خلدون بتعرفو النتيجة ..العمى السيارة صارت يا دوبها تمر ..وشو هوي اللي بدو انتظار بدي افهم .؟؟
بعدين الله يعطيه العافية ما ترك حدا من خيرو .. يعني شايف الناس مخنوقة والشغل ضارب أطنابو وهوي لاحقهم على تراخيص وهدم ومدري شو .. يبدو إنو جايي ليقطع رزق العالم مم ليزبط البلد ..
ولنا عودة عضلت من الحكي ..

لا تنسوا إنو بانياس بلد الكثافة السكانية فيا مانا ئليلة ... يعني مرتفعة بيغض النظر عن الضيع و الجبال
و الناس اللي فيا من النور و البربر ،، ما تاركين شي منيح فيا
يا حيف عالحديقة اللي كنا نشوفا جنة و هلأ ما في بنت بتسترجي تفوت عليا
بعدين ... في بلدان كتيرة فيا تقصير
بتعرفوا نحنا إذا شتت الدنيا عنا بأبوظبي .. بتخرب الدنيا لأنو تخطيط المصارف فيا بالمرة .. و دبي ع ألعنين لسا
تصوروا ... بدبي !!! بلد العجائب
بئا احمدوا ربكم
طبعا البلدية في من طرفا تئصير بس هادا ما بيخليا تنحط بالتقييم من هلأ....
و من شان التراخيص ... ما بتئدروا تئولوا إنو البلدية ظالمة ،،أ،ا بشوف العكس

يعني يلي سمعته من العالم انو مافي حدا رضيان والكل مستاء

!!!!والله شي بيضحك
انا مو رضيان عن اعمالو ولو 1% عن جد ما في رئيس بلدية متل عبدالرحمن بياسي صح هوي............بس عمل كل اشياء مهمة وهوي اللي عملها لا بانياس جنة
وهاد رأيي الشخصي مع الاحترام للجميع