من طرف JAD 7/4/2009, 17:48يمكن العنوان غليظ شوي بس حبيت أني أطرح هالموضوع
من العانس : هي البنت أو الرجل الذي لم يتزوج
ويقال عنست الفتاة أي طال جلوسها عند أهلها هو مصطلح في المفهوم الشعبي يطلق على المرأة أكثر من الرجل
وفي المجتمعات التقليدية تطلق على أنثى بعد عمر 30 سنة لأن مفهوم البنت في مجتمعنا يعتمد على إعدادها لتكون
محط أنظار رجل يختارها كي تكون زوجته وعندما لا يأتي هذا الشخص فهذا يعني أنها بارت
نعود إلى مجتمع مدينتا
فحيث أنه يوجد عدد كبير من البنات اللواتي تجاوزن سن الزواج مع رفضي إلى تسمية عانس
ترى ماهي أسباب هذا العدد الكبير ؟
( بالعامية رح نحكي )
بالحارة اللي ساكنين فيها حوالي 40 وحدة غير متزوجة عدد كبير بمدينة صغيرة وكيفكن إذا هيك عنا بالحارة
كيف لكن بانياس في منهم من تجاوز الدهر عليهم وفي بعدن بريعان شبابن
معئول ولا وحدة منهم تئدم لخطبتها اي شب
مرة سئلت وحدة منن شفت أنو عالم كتير عم تتئدم لخطبتا وهي عم ترفض فسألتا طيب لي عم ترفضي هالعرسان
جاوبتني وما بنسى جوابا ( أبو الجوخا ما يجينا وأبو العباية ما نريدو )
وصار عمرا 45 سنة ولسا أبو الجوخا ما ايجاها
فهل السبب هو الأهل أم شوفة الحال أم هنن فوء والناس تحت وهادا اللي وصلن لهون أم الجمال أم................
بالنهاية
ليس الهدف هو ندب حظ البنت التي لم تتزوج ولكن الهدف فتح نافذة على المجتمع لتغيير المفهوم الأجتماعي
ولا سيما اللغوي لمن تخطوا سن الزواج الرسمي
فأكثرنا ننعم بالحياة الكريمة بكافة أشكالها والسعادة لا تستمد إلا من تحقيق الأحلام في الحياة
