لاحول ولاقوة الا بالله انا لله وانا اليه راجعون(وفاة الحوت الازرق حطين)

اعزائي الاعضاء بمزيد من الاسى والحزن واللوعة انعي اليكم اليوم وفاة نادينا الغالي
حطين الحوت الازرق بعد 21سنة قضاها في مصاف اندية الدرجة الاولى
هبط اليوم حطين للدرجة الثانية بعد صراع طويل مع المرض نشره في جسده المسكين اتحاد كرة قدم فاسد وادارات متعاقبة لاتفقه بكرة القدم شيء
رحمك الله ياحوتنا الغالي دعواتي لك بالتوفيق في قادمات الايام
واسال الله الا يفجعكم بعزيز
ونلتقي باذن الله بعد موسم اخرفي الدرجة الاولى

اخوكم الحطيني المقهور والحزين جدا
غسااااااااااااااااان
الفااااااااااااااااااااااااااتحة

له له له
لا تنقهر ولا على بالك
المرتبة الثانية ماشي حالا
ولو بكرى أحلى
مابتعرف إنو الضربة المابتكسر الضهر بتقويه
خليك غدع ور تكون حطيني مبسوط

شو بدك تعمل
لاحول ولا قوة الا بالله

اي والله ياحرام بيزعل حطين
بعد كل هالوقت ينزل للدرجة التانية والله ما حلوة
البقية بحياتكن
بسيطة غسان

ياشباب ازرعوا فيه العزيمة
لا تيأسوا للزلمي شبكن
هلأ بروح فيا
ياالله حركوا الجو

له له والله مش خبرية هيدي
يعني تركتكم سنة وسافرت نزلتو حطين عالتانية؟؟
لك يا شماتت مازن جلول وياسر حبيب فينا......

طول بالك يا غسان والله حزنك صادء كأني متخايلك متل المتطوعين لي بشدو باالحيتان لما بتطلع على الشط وبحاولوا يرجعوها على البحر بس الفرء بين الحيتان هدون والحوت الأزرق (حطين) إنو الحيتان هدون مامعروف سبب خروجن من البحر ورسوهم على الشط أما الحوت الأزرق (حطين)معروف سبب خروجو من البحر وهاي الأسباب إنت ذكرتا بمعرض نعيك للنادي العريق. يالله طول بالك
بليلة سئوطك ياححطين غسان إنكسر ومن وجعو بكي مدمعو
سنين بحبك ها الوفي شغلتو وياحوت مابتعرف شو كنت مولعو
وهلاء يابطل هجرت بحرك ومأصعب ها الخبر لما إستأبلو مسمعو
ابتسم ياحوت ليصورك بعيونو ويطبئون وياخد ها الصورة معو
طول بالك وأحلى غسان

هيييي..
شبكن ولو؟
رور ليه بكيتي هلأ
شو حكينا؟
إي وأويها بكرى بتفوز
أويها ومنعملك حلو بلوز وجوز
أويها ياحطيني
ماحدا غيرك رح يبقى معزوز
ولولولو لوليش
ياالله ظلغتوا شوي

مرحبا ..
عظم الله اجركم .. يالا بكرا منشوفو بطل الدوري بالدرجة التانية انشالله
رح يرجع هلأأ سمكة بزري صغيرة وبكرا بيكبر انشالله بس بظن بحياتو ما بيرجع حوت يا دوب بليميدية عريضة أو إم عين

sailor كتب:له له والله مش خبرية هيدي
يعني تركتكم سنة وسافرت نزلتو حطين عالتانية؟؟
لك يا شماتت مازن جلول وياسر حبيب فينا......

هدول هالتشرينية التنين بالذات فشرو يشمتو فينا وحياتك
وبحب قلك الك ولكل الناس هون
الحوت حوت
واسمع يا اخ زوربا
الحوت لن يصبح ابدا بزرية صغيرة ونحن لانركع الا لله عز وجل

سنبقى اوفياء للحوت ما حييناااااااااااااااااا
حطينية حطينية حطينية ولو نزلنا عالدرجة مية

ارفع راسك وافتخر انت حطيني

حطيني وافتخر والي مو عاجبو ينتحر

حوتنا لن يركع
سنعود يوما
ولن يكون باذن الله بعيد
بس لامازن جلول ولا غيرو بيحقلو يحكي
لأن الكل بيعرف كيف تشرين وجبلة
ما عم ينزلو على الدرجة التانية
الدوري السوري مو للرياضة بالعكس
للتجارة
ستعود أيام المجد قريبا

ولك لفوا بقاااااااااااااااااااااااااااااااااااااااااااااا
لسا حطين وحوت وبزرية ومابعرف شوووووو
بعدين شو مجد ما مجد " منولكون المجد يابي
بتسمعو مني روحو دورو على مجدكون بمحل تاني
خلصت أيامك يامشمششششششششششششش
ألـــــــــــــــــــــــــــــ حطين ـــــــــــــــــــــــأل

soldier كتب:ولك لفوا بقاااااااااااااااااااااااااااااااااااااااااااااا
لسا حطين وحوت وبزرية ومابعرف شوووووو
بعدين شو مجد ما مجد " منولكون المجد يابي
بتسمعو مني روحو دورو على مجدكون بمحل تاني
خلصت أيامك يامشمششششششششششششش
ألـــــــــــــــــــــــــــــ حطين ـــــــــــــــــــــــأل

لك انت شو دخلك بهيك مواضيع قلي
بعدين رجاءا لاتتدخل لو سمحت
نحن حطينية بقلب بعضنا وعم نتناقش ما بدنا نزيد هم فوق همنا
لو سمحت حطين الك وهبنا ياه يا اخي
وشكرا على كلامك الجميل