نبع ونهر بانياس - عودة قوية بدعم من البلدية

كاميرا: اسماعيل خليل

بصراحة اليوم زرت الموقع
يعني صار فينا نقول انو صار عنا نهر
مو مكب نفايات أو مستنقع
بتمنى كمان من البلدية انو تساوي مراقبة جدية
على المطاعم الموجودة على ضفاف النهر
لحتى ما ترجع الحالة على ما كانت عليه
مشكور عبد

فعلا اليوم مريت صوب النهر

لما كنت راجع من الامتحان شي روعة جد

لاول مرة بحس اني قاعد ببلد حضاري

بس انتوا شفتوا كمان المرفأ كيف ضووه ؟ كمان شي خيال .......

والله عم حس انوا عم تظبط هل البلد ولاول مرة

مرحبا ..
اي بالله معكن حق .. اليوم نزلت خصوصي لشوفو واتفرج عليه ..
انو فعلا شغلة لاول مرة بشوفو هيك .. يعطيهن العافية بس انو ما يرجعو ينسوه .. وزوروني كل سنة مرة ..
شكرا خيي عبد

شكرا الكم اصدقائي عالمشاركة الوجدانية والحس البلدي
بعد تنظيف النهر في تنفيذ لمشروعين حسب علمي
الأول: رح تقوم فيه البلدية وهوي عملية تمديد لصرف صحي على جانبي النهر لجر كل ما ينزل الى النهر من المجارير الى مكان مناسب في البحر دون تلويث مياه النهر الجارية وقام بالدراسة المطلوبة والتي كلفت 100000 ل.س المهندس المسئول عن الصيانة في البلدية محمد حديفي
الثاني: مشروع استثماري سياحي ثلاث نجوم سيقوم به رجل اعمال بانياسي الاقامة وأنا من وضع التصاميم المبدئية لهذا المشروع وهو الآن بإنتظار الموافقة المطلوبة للشروع به

دمتم داعمين

و الله يا عبد : يا هيك الإدرات يا بلا ........... Top One
عن جد النهر رجع روعة .... عقبال تنوير الكورنيش " الأصلي " بأنوار بيضاء مناسبة .

شي رووووووووووووووعة عالاخر بجد

عاشت بانياس والى الامام باذن الله تعالى

ودمتم

يا رب يبقى هيك من هون لحتى انزل
مشتهي شوفه نظيف شي يوم
شكرا على الموضوع

مشكور كتير عبد
بس العطل فينا مو بالبلدية نحنا الي عم نوسخوو
يعني هون برومانيا يازلمة اذا دعست عالعشب بيصيرو يزوروك
اذا رميت وسخة عالارض بيعطوك مخالفة
بس المشكلة عنا ما في سلات للاوساخ
وفي هون 100 بحيرة ونهر ماحدا بيرمي اوساخ فيه على عكسنا تماما
بس منتطور شوي شوي
والحمد لله عم نتطور

ييييييييييي صح والله شفتو عند الكراجات كتييير حلو ونضيف وميتو بتشهي
يلا اسا بدنا الكافتريات من عند كافتيريا الخدام هييييييييييييييييييييييك عالكهف

شكرا للجميع عالإهتمام البالغ
أعمال البلدية مستمرة لنهاية المشروع كما قلنا ويبدو هناك تصميم حقيقي هذه المرة على النهوض بالنهر ورفع مستواه الحضاري
هناك معلومات ايضاً عن أن مديريات وزارة الزراعة والبيئة ستكون المسؤولة عن نظافة بيئة المياه في البحر والنهر وستكون هناك غرامات كبيرة على المخالفات ومن الطبيعي ان تقوم البلدية بتنظيف الأنهار والبحر كبداية.. والمزيد قادم
.
.
دمتم على ثقة

ما بعرف انا عايش بالخسة من ايمت ظبطو النهر انا من كم يوم لشفته