الغربة

السلام عليكم جميعا:

الغربة

يا ريت من خلال هالصفحة نحنا المغتربين نكتب شو أضافة الغربة لنا سواء إضافة سلبية أو إيجابية

شو الأثر اللي تركته بحياتنا
هل أثرت على شخصيتنا على نظرتنا على أفكارنا على عاطفتنا للأهل و للبلد
استفدنا منها و لا لأ
اتعودنا عليها
الغربة شو معناها لكل شخص منا
المعارف و الأصدقاء بالغربة و أهل البلد هل عوضونا عن الأهل و البلد و لو شوي
أولادنا اللي انولدوا بالغربة عم نغرس فيهم حب بلدهم الأم و نحببهم بأهلهم اللي هنيك اما الموضوع متروك و ما بيمثل اهمية كبيرة عند البعض منا


يمكن كترت اسئلة بس الحقيقة الأسئلة اللي بتخص الغربة كتيرة لأنها تجربة غنية و فيها من المعاناة الكثير

انا رح جاوب اكيد بس مو هلئ

اول شي عملتو فينا الغربة نضوج الشخصية الذاتية بعيداً عن تأثير المقربين
كمان الخبرة بالتعامل مع الآخرين بزمن يقعتبر قصيرلأنو الواحد ببلدو بيعرف الناس وبيتعامل معهون بالمونة والمحسوبيات أما بالغربة مافي يا امي ارحميني
كلو جاي ليشتغل وكللو مضغوط وصابر لتأمين مستقبلو ومافي مكان للمونة والمحسوبيات
كمان الغربة بتخليك تعرف بلدك على حقيقتو فعلاً لأنك بتكون عم تشوف البلد من فوق
واكيد مشاعر الانسان بالغربة بأول فترة بتلتهب شوق ولهفة
بس بعدين بتنضج هالمشاعر وبتضل ذكريات حلوة بس
والغربة بالنسبة الي قطار بعض الناس بيركبوه ليوصلو لأرض وحلم تاني ويكسبو مننون ويرجعو بنفس القطار لبلدون
لأننون كمان بعد غربتون برى حايرجعو لبلدون غريبين
وهاد هوي تمن العربة للأسف
تقبلو مروري وشكرا
مغترب متلي متلكون
الله يفرج

بشكرك كتير اخي الكريم samosyria
أنا بأيدك بكل شي قلته 100% هاد حالنا كلنا نحنا المغتربين بيعين الله

انا تأثير الغربة عليي كان كبير خلت شخصيتي تتكون اكتر و تقوى اكتر
و نظرتي للامور صارت اشمل و اوسع
و بالفعل صرت شوف البلد و كأني ماسكة مجسم للبلد و عم شوفها من كل النواحي و بشكل اوضح بكتير حتى العالم صرت حسه بالفعل قرية صغيرة
التعامل مع الناس اكيد اصبح مدروس بحيث انه صعب الشخص يتعامل مع انسان غريب عن بلده و عاداته و تقاليده و ممكن دينه غير
بالنسبة لاهل البلد اللي صدفناهم بالغربة للاسف لم نجد من أعطانا الشعور بالرضا او بتخفيف شعور الغربة بل العكس
ربما يكون الموضوع مجرد صدفة
الاهل و البلد زادت محبتهم بالقلب اكتر و اكتر بس الاستقرار بالبلد اصبح صعب كصعوبة الغربة ذاتها لاسباب كتيرة للاسف
و بوجود الاولاد تزداد الحالة سوء خصوصا اذا كانو كبار ما بيعرف الواحد يرجع بلده و وضع البلد ما رح يرضيهم اكيد حسب كتير حالات شفتها
و انه يبقى الواحد بالغربة و يموت فيها كمان صعب لان الخيط اللي بيربط الاولاد ببلدهم احتمال ينقطع و هاد بيعتمد على بلد الاغتراب
بس في شيء لا بد منه هو انه نخلي اولادنا دائما على اتصال مع اهلهم و بلدهم الام و يكون في زيارات دائمة هاد الشيء مهم جدا
انا دائما بشكر الله و بحمده على الغربة غربة البلد لاني بنظرلها على انها نعمة كوني اتعلمت منها كتير
و الغربة ممكن تكون بالبلد اكتر من البلد الغريب
و الغربة غربة الروح مش الجسد
يمكن طولت شوي عليكم لان الحكي عن الغربة ما بيخلص لانها غنية

مشكورة عزيزتي ندى الايام على مرورك العطر
انا كنت متلك بس لما سافرت تغيرت نظرتي كليا

بالفعل اخي الكريم مصطفى الغربة بدها صبر و تحمل
و بالفعل بالبداية الواحد بيتعرض لظروف صعبة بس بتبقى ذكرى ضمن ذكريات كتيرة حلوة او مرة بس المهم انه نتعلم و نستفيد منها
مشكور كتير عالمرور و التعليق

والله من خلال تجربتي بالغربة الغربةالغربة مع كل مرارها بتعلم كثير بتعلم الواحد يعتمد على نفسه بتنميلك شخصيتك
بتعزز ثقتك بنفسك بتعرفك عناس كتير من كل البلدان هي ايجابيتها
واوعى تصدق انو رفقاتك بالغربة ممكن يكونوا مثل رفقاتك اللي ربيت معهم ودرست معهم وكبرت معهم
وسلبياتها كتيري فبعد عن الاهل وعن البلدوكتير اشياواخبرا اللي مانو مضطر عالغربة لا يتغرب ولا يعذب نفسه

مشكور اخي الكريم سفير بانياس على مرورك و تعليقك
و أسأل الله ان يصبرك و جميع المغتربين على الغربة و ان تكون باب خير للجميع