من طرف lill miss sunshine 15/8/2009, 00:21الزمان:
الساعة 2:30 من العام 1971 وحتى العام 2008 وعقبال الألفية التالتة وعليكن نور
المكان:
شاشة التلفزيون السوري- قناة البرنامج العام
الموسيقى التصويرية:
موسيقى رقصة ستي أو موسيقى حلوة يا بلدي
الخلفية التصويرية:
شلالات تل شهاب/ بحيرة مزيريب/ أم الطيور/ البنجكية/ عين مريزة........وكل المناطق اللي وصلتلها كاميرا التلفزيون قبل ا توصلها الكهربا والمي
وفجأة وبدون سابقة إنذار وعن طريق إبداع المخرج الخلاق تتراءى لنا صورة المذيعة – لك ريتو تضرب بهالهيئة_ تنساب مع مياه الشلالات أو تنقشع من بين الغيوم لتستقبلنا بابتسامة صفراء طالما اعتدنا عليها وبتكشيرة طالب بكالوريا بعد ما تطلع النتائج
وبالكلمة المعهودة أعزائي مشاهدي قناة البرنامج العام أهلا وسهلا بكم في عرض وقائع يوم الخميس الموافق ؟/؟/19وخشبة
...............................
بس تصير الساعة 7:30 حتى نقعد أيام الشتي بكلسات الصوف وعم نسقسق جبنة عالصوبيا وتكبسها بإبريق الشاي وتشرشر وتفوح الروايح وتاكل بهدلة بدال ما تتزهرم الجبنة
ونحنا مو مصدقين ايمتا بدو يخلص برنامج من الالف الى الياء ب موسيقا الشارة تبع زقزقة الصراصير وصوت مروحة الهلكوبتر حتى نتابع اخر اخبار الفن والفنانين واحدث الالبومات ونسمع بادننا الاهداءات اللي بعتوهن قرايبينا يوم خلقنا .......
مساء الخير عيوني
يسعدنا ان نقدم لكم في حلقة جديدة من برنامجكم المعتق ما يطلبه الجمهور باقة مختارة من احدث الاغاني المصورة _عيب نقول فيديو كليب _ لآخر المطربين العرب آملين أن تنال إعجابكم ورضائكم
ويسرنا أن نتلو عليكم سيل من أطيب واعطر الاهداءات والامنيات
نبقى الآن مع اشرطة البرنامج
شريط رقم 1:
(مجنوووونة مجنونة مجنونة بيك) لفنانة مجهولة الهوية- اليي يعرف شو اسمها بيطلعلو مكافأة سخية بقيمة 100 ل.س من الزميل مهران يوسف _ غنت هال غنية وانقرضت الظاهر طارت من على ضهر السيارة قد ما انفعلت وانبحتت وشوشحت ولولحت فوق السيارة
شريط رقم 2
(طول البنية يوب) مطرب حلب الشهباء الفنان شادي جميل والكليب ثورة بالاخراج والأفكار العصرية لما بينفرط عقد اللولو و البنت هيك عم تتخلوع وتتلوى بقلب القفص وبدها مين يطالعها بس ابو الشيد واقف كالعادة متل الصنم شقفة وحدة ويا جغل ما يهزك ريح
شريط رقم 3:
( ليل ورعد وبرد وريح) الفنان وائل كفوري
وقت بكون طالع ببرنامج اهلا بهالطلة اهلاا مع مي متى ولابس هالطقم الاحمر عم يصج صج وبلاك الدهب بايدو وجنزير الدهب برقبتو عم يتمرجح ع شعرات صدرو وهوي فاتح اول خمس زرار من القميص
ولا تنسو دقنو اللي كانت توصل قبل عالموعد بنص ساعة
شريط رقم 4 :
( تقول أهواك) فرقة ميراج الأردنية
والكليب اللي اضرب من أفلام الرعب والزلمي مقتول محمل عالاكتاف والمطربة عم تندب حظها ونحسها
شريط رقم 5:
(ياورد يا ورد يا ماوردي) سلطان الأغنية الطربية واللحن العذب والاكلام الركيك عفوا قصدي الرقيق عصمت رشيد
والطقم المزمرك وقميص ابو قبة كويلة وكرافة متل مصران الدبان لا تقرفو
والفرقة المعهودة وراه على نط وقمز وخلع
شريط رقم 6:
(لو ألف احبك لو أكتر) للفنانة السورية البحرينية أصالة
قبل ما يشفطوها لأصالة ويطبخو من دهنها وشحمها شاكرية وقت بتكون راكبة هي وأخواتها وبنات خالتها وجيرانها على الموزة الصفرا المربوطة بالشختورة بالبحر وعم يتصهصنو ويتغشغشو و الموزة المسكينة رح تنفس من تقل وزنن ومن تقل دمن
نصل إلى ختام برنامجنا
وبانتظار اهدائاتكم على موقع البرنامج .......-عم احكي جد-
وأهلين عيوني
............................................
ملاحظة خطيرة:
يمكن لبعض الأشخاص أصحاب القلوب الضعيفة والأحاسيس المرهفة والمعد-جمع معدة- الرقيقة
الإصابة ببعض الأعراض الطفيفة كالإسهال والإعياء والاقياء -حشا السامعين- عند الاستماع ل هذه الجرعة الدسمة من الأغاني
لذلك ننصحكم بمايلي:
برنامج سؤال عالماشي يوميا عالريق
من 3 الي 4 مرات يوميا برنامج الأيدي الماهرة ويمكن الاستعاضة عنه بمرة واحد لبرنامج أرضنا الخضراء
قبل النوم مراجعة سريع للبرامج التعليمية و الأحد الرياضي
وعليكن العافي
حقوق النشر محفوظة..........ومدروسة واللي مو مصدق هلأ بسمعللو اياها
الساعة 2:30 من العام 1971 وحتى العام 2008 وعقبال الألفية التالتة وعليكن نور
المكان:
شاشة التلفزيون السوري- قناة البرنامج العام
الموسيقى التصويرية:
موسيقى رقصة ستي أو موسيقى حلوة يا بلدي
الخلفية التصويرية:
شلالات تل شهاب/ بحيرة مزيريب/ أم الطيور/ البنجكية/ عين مريزة........وكل المناطق اللي وصلتلها كاميرا التلفزيون قبل ا توصلها الكهربا والمي
وفجأة وبدون سابقة إنذار وعن طريق إبداع المخرج الخلاق تتراءى لنا صورة المذيعة – لك ريتو تضرب بهالهيئة_ تنساب مع مياه الشلالات أو تنقشع من بين الغيوم لتستقبلنا بابتسامة صفراء طالما اعتدنا عليها وبتكشيرة طالب بكالوريا بعد ما تطلع النتائج
وبالكلمة المعهودة أعزائي مشاهدي قناة البرنامج العام أهلا وسهلا بكم في عرض وقائع يوم الخميس الموافق ؟/؟/19وخشبة
...............................
بس تصير الساعة 7:30 حتى نقعد أيام الشتي بكلسات الصوف وعم نسقسق جبنة عالصوبيا وتكبسها بإبريق الشاي وتشرشر وتفوح الروايح وتاكل بهدلة بدال ما تتزهرم الجبنة
ونحنا مو مصدقين ايمتا بدو يخلص برنامج من الالف الى الياء ب موسيقا الشارة تبع زقزقة الصراصير وصوت مروحة الهلكوبتر حتى نتابع اخر اخبار الفن والفنانين واحدث الالبومات ونسمع بادننا الاهداءات اللي بعتوهن قرايبينا يوم خلقنا .......
مساء الخير عيوني
يسعدنا ان نقدم لكم في حلقة جديدة من برنامجكم المعتق ما يطلبه الجمهور باقة مختارة من احدث الاغاني المصورة _عيب نقول فيديو كليب _ لآخر المطربين العرب آملين أن تنال إعجابكم ورضائكم
ويسرنا أن نتلو عليكم سيل من أطيب واعطر الاهداءات والامنيات
نبقى الآن مع اشرطة البرنامج
شريط رقم 1:
(مجنوووونة مجنونة مجنونة بيك) لفنانة مجهولة الهوية- اليي يعرف شو اسمها بيطلعلو مكافأة سخية بقيمة 100 ل.س من الزميل مهران يوسف _ غنت هال غنية وانقرضت الظاهر طارت من على ضهر السيارة قد ما انفعلت وانبحتت وشوشحت ولولحت فوق السيارة
شريط رقم 2
(طول البنية يوب) مطرب حلب الشهباء الفنان شادي جميل والكليب ثورة بالاخراج والأفكار العصرية لما بينفرط عقد اللولو و البنت هيك عم تتخلوع وتتلوى بقلب القفص وبدها مين يطالعها بس ابو الشيد واقف كالعادة متل الصنم شقفة وحدة ويا جغل ما يهزك ريح
شريط رقم 3:
( ليل ورعد وبرد وريح) الفنان وائل كفوري
وقت بكون طالع ببرنامج اهلا بهالطلة اهلاا مع مي متى ولابس هالطقم الاحمر عم يصج صج وبلاك الدهب بايدو وجنزير الدهب برقبتو عم يتمرجح ع شعرات صدرو وهوي فاتح اول خمس زرار من القميص
ولا تنسو دقنو اللي كانت توصل قبل عالموعد بنص ساعة
شريط رقم 4 :
( تقول أهواك) فرقة ميراج الأردنية
والكليب اللي اضرب من أفلام الرعب والزلمي مقتول محمل عالاكتاف والمطربة عم تندب حظها ونحسها
شريط رقم 5:
(ياورد يا ورد يا ماوردي) سلطان الأغنية الطربية واللحن العذب والاكلام الركيك عفوا قصدي الرقيق عصمت رشيد
والطقم المزمرك وقميص ابو قبة كويلة وكرافة متل مصران الدبان لا تقرفو
والفرقة المعهودة وراه على نط وقمز وخلع
شريط رقم 6:
(لو ألف احبك لو أكتر) للفنانة السورية البحرينية أصالة
قبل ما يشفطوها لأصالة ويطبخو من دهنها وشحمها شاكرية وقت بتكون راكبة هي وأخواتها وبنات خالتها وجيرانها على الموزة الصفرا المربوطة بالشختورة بالبحر وعم يتصهصنو ويتغشغشو و الموزة المسكينة رح تنفس من تقل وزنن ومن تقل دمن
نصل إلى ختام برنامجنا
وبانتظار اهدائاتكم على موقع البرنامج .......-عم احكي جد-
وأهلين عيوني
............................................
ملاحظة خطيرة:
يمكن لبعض الأشخاص أصحاب القلوب الضعيفة والأحاسيس المرهفة والمعد-جمع معدة- الرقيقة
الإصابة ببعض الأعراض الطفيفة كالإسهال والإعياء والاقياء -حشا السامعين- عند الاستماع ل هذه الجرعة الدسمة من الأغاني
لذلك ننصحكم بمايلي:
برنامج سؤال عالماشي يوميا عالريق
من 3 الي 4 مرات يوميا برنامج الأيدي الماهرة ويمكن الاستعاضة عنه بمرة واحد لبرنامج أرضنا الخضراء
قبل النوم مراجعة سريع للبرامج التعليمية و الأحد الرياضي
وعليكن العافي
حقوق النشر محفوظة..........ومدروسة واللي مو مصدق هلأ بسمعللو اياها
