الاباء يأكلون الحصرم والابناء يضرسون

اي فعلا هالشغلة احد الاسباب يللي خلتنا نتراجع للوراء

من لما بيكون الواحد طفل بيدحشولو براسوا انه هوي لازم يصير دكتور او مهندس

ما بيفكروا بشي معهد موسيقي, معهد فني, شي اختصاص قليل في منه بالبلد

بس بتصدق الاهل معهون حق نوعا ما
لانوا بالنهاية بهل البلد معظم الاختصاصات يللي بيطمح الها الشباب مابتطعمي خبز


لهيك الاهل بالمرتبة الاولى حرصين على مستقبل اولادهم حتى ولو كان ضد رغباتهم الشخصية

القصة كتير مشربكة و ما حدا بيعرف وين مصدر الخطأ

الصراحة يمكن هاد هوي السبب الأول
بأنو معظم الطلاب عنا بيدخلو على الجامعة وما عاد يعرفو يطلعو
وهي صارت معي لكن بالنهاية قررت فرع والحمد لله ما شي الحال
انا ما بأيد اكيد بأنو الطلاب هني يختارو على كيفن
لأن يمكن خبرة الأهل بالحياة بتلعب دور مهم
بس على القليلة يكون الهم الحرية في ابداء الرأي
لأن الطالب بيعرف يقدر مهاراتو
والمثال في الي اصحاب دخلو هندسات بفروع متعددة في منهم
بالمرة ماالهم اي خبرة لهيك لسى هني سنة تانية
مع انو الهم خمس سنين مخلصين بكلوريا يعني لازم يكونو تخرج
وفي منهم تركو الجامعة وهاد اكبر غلط
مشكور theboss

هلأ الشخص هوي بقرر شو بدو يكون بالمستقبل بس هيدا الشي ما بيمنع انو ياخد رأي أهلو بالشي البدو يدرسو يعني لازم يدرس شي يكون في الو مستقبل ما يروح يدرس شغلات بلا طعمة وأكيد بيختلف الموضوع من عيلة لأخرى لان في أباء ما خرج تناقشون وخصوصآ اذا كانو دقة قديمة بس بالنسبة لألي انا خترت الفرع الكان مناسب لالي ولمجموعي والحمد الله تخرجت ومشي الحال بس طبعآ أخدت رأي اهلي وما هني ختاروشو بدي سجل

انا برأي انو الاهل الهن دور كتييير كبييير
الاهل بيعرفوا اكتر من الولد وعندن خبرة اكتر
يعني بيعرفوا امكانيات ابنهن
انا برايي هيك قرار لازم يكون مشترك بين الاهل وبين الولد
منشان ما يندم الابن بعدين

وأنا من رأي دمعة حنين

موضوع مهم ...شكرا لك

معك حق با صديقي ذا بوس
انا بعرف كتير ناس المفروض يكونوا خلصوا جامعة
ولسا ما اخدوا البكلوريا ا هلاء بسبب ان اهلهم بدهم ياهم يدرسوا علمي وهني بدهم ادبي
مشكورررررررر صديقي العزيز على لفت الا نتباه

بس الاهل بحبو مصلحة اولادهم
الحمد لله بعد ما قدمت البكلوريا فتت الفرع اللي بحبو
وشكرا لاهلي اللي وصلوني لهذه المرحلة

انا أسى ماصرت بس من هلأ النزاع بين العلمي والادبي هو أنا بسأل بس بلأخير مرح أعمل ألا لي بالي
شكرا على الموضوع

أنا والحمد لله أهلي عندهم قناعة أنو أنا لازم حدد مصيري وكون مسؤولة عن اختياري لأنو هذا الشي هو أهم اسباب النجاح على فكرة موضوع كتير جوهري


...........................................................................
معاً لنجعل للحق دويّا في كل حنجرةً (علم+أخلاق+عمل=نهضة)

موضوع حلو
برأيي افضل شي للتخلص من هالمشكلة ان يصير حوار بناء بين الطالب والاهل وكل واحد يبدي وجهة نظره لانه هادا مستقبل طالب
وفي نقطة بمجتمعنا عم يصير اذا الاب او الام دكتور ما بيرضوا يطلع ابنهم غير دكتور مع انه يمكن ابنهم يفشل بالطب ويتفوق بفرع اخر
انا برايي افضل حل هو الحوار
وتكون نتيجة هالحوار دخول الطالب بفرع معين عن رغبة مو غصب
لانه مستحيييييييييييييل ينجح اذا دخل بفرع ما حبه
شكرا the boss