يا هالغريب

يا هالغريب
يلي ما عم أعرف
شو سميًك
يمكن تكون كذبة
جمعتني فيها الصدفة
يمكن تكون غيمة
حلت فوق بيتي ضيفة
تتاخدني ع دنيا بعيدة
أو تتاخدني وحيدة
ع جنة كانت عني غريبة


يمكن تكون نور جديد
حامل حياة لهل الوريد
يلي تعب يلف و يدور
يدًور بالكلمات و بين هل السطور
ع حب طالع متل بدر النور

قلي ...خبرني
شو يلي جابك ع غفلة
و سرقني من وراقي؟
شو وصلك لعندي
و فيق جنوني الغافي؟

يا هالغريب
يلي ما عم أعرف
شو سميًك
رح ضل عيد
يمكن تكون كذبة
جمعتني فيها الصدفة
يمكن تكون غيمة
حلت فوق بيتي ضيفة


بس ما بعرف يا هل الغريب
يلي ما عم بعرف شو سميًك

يمكن حان الوقت
أعلن اسمك من جديد
و سميًك ......حبيي

وانا كمان عجبتني هي
يمكن حان الوقت
اعلن اسمك من جديد
وسميك...... حبيبي
فعلا روعة عنجد هبة شكرا طلعتي شاعرة وما بنعرف

فعلا روعة عنجد هبة شكرا طلعتي شاعرة وما بنعرف
لكان لكان
شكرا مرورك و تعلقيك الجميل رنود

شكرا كتير هبة على هالكلام الجميل
الشكر إلك على المرور الأجمل

والله كتابتك رائعة والظاهر بتحبي الشعر والافق البعيد بهنيكي عالاحساس

طارق كتب:والله كتابتك رائعة والظاهر بتحبي الشعر والافق البعيد بهنيكي عالاحساس

شكرا إلك على المرور و التذوق الأدبي الجميل

اكيد الحب دق بابك
لازم تحافظي عليه والغريب راح يكون قريب انشاء الله
اكيد بعد الغيم بينزل مطر وراح يجي الخير

حلوة بجد ... مشكورة .. مافي شي ملحن بالمنتدى يلحنها ؟؟؟

ما احلى خواطرك ! بتعرفي انه دمك خفيف ؟؟؟؟ بتكتبي وبتردي بتعليق على كتابتك

ملاحظه للأخ ابراهيم بشور .....إن شاء الله ..تُكتب بهذا الشكل , لأن إن شرطيه , وهي كلمه تنفرد بنفسها .