سؤال للمغتربين ولي اغتربو

aboOody
شكرا الك نورت صفحة
سفير يانياس
شكرا لمرورك

انا بالأمارات
حسنات هالبلد راحت وخصوصا بعد الأزمة المالية
ماعاد فيها شي
الرواتب تضائلت واشغل خف يعني الوضع مش كل هالقد
علاقات اجتماعية بالمرة
مامنتنفس غير هواء المكيف
ايجابياتها بالتكنولوجيا تبعها بس والله البساطة احسن من هالتكنولوجيا
اما عن الأنتماء
هههههههههههههههههههههه
انا بنتمي لراس النبع قبل ما انتمي لبانياس وقبل ما انتمي لسوريا
كيف بدكم ياني انتمي لهيك بلد
ما بطلب من ربي غير اني ارجع على بلدي باقرب وقت

انا مغترب في قطر
صحيح بدولي متطورة وغنية بس الحياة هون كتير قاسي مافي شي الا الشغل وبس لاعلاقات اجتماعية
ولا في اي انتماء لهون بالعكس بحس اني بكره وجودي بين هيك عالم
انتمائي الاول والاخير لبلدي سوريا الاسد

مساء الخيرانا مغترب بقطر وحالي حال كل الشباب اللي مغتربين وكلامي مابيفرق عنهم شي, من ناحية الشغل كل الوقت وانعدام العلاقات الاجتماعية .
والحسنات بهي الدول يمكن تزول وتنساها بدقيقة وحدة وبكلمة وحدة اسمها (كنصلة)يعني ضب غراضك والله معك من مطرح اللي اجيت منو لها السبب مهما كثرت الحسنات بتظل مقيدة اما السيئات فكثيرة واصعب شي فيها معاملة اهل البلد الك بكلمة (اجنبي)لذلك بلدي احلى واجمل وانظف بلد في العالم واهل سورية اطيب ناس
حبيبتي سورية

مافية الغربة شي حلو ينذكر
بس لضرورة احكامة وانا ماشفت احلى من سوريا

انامقيمة بالامارات من9سنين ولمابرجع عبانياس بحس بالحريةوهواء بانياس مع التلوث اللي فيه انقى واخف من هواء المكيفات والفوضى والعجقة ببانياس اجمل بكتير من خنقة النظام وكل سنة بتمنى تكون اخر سنة غربة وارجع لاسهر عالنهر والبحر وبالقلعة وشم ريحة المطر

سؤال جميل ولكن الرد عليه صعب جدا لاي مغترب..................
اولا ان مغترب في الولايات المتحده الامريكيه لاكثر من 23 سنة زرت بانياس في هذه المده مرتين اول مرة كانت عام 1990 والمره الثانيه كانت عام 2007
وابدا بالتعليق على مداخلات الاخوه المغتربين في دول عربيه وبالتحديد الاخوة الذين قالو ان من حسنات الغربه انهم قادرون على العودة بدقيقة واحدة
نعم كلامك صحيح لانك تعيش في بلد يتحدث لغتك وعاداته مثل عاداتك واهله يشاركونك الحب والاحترام وكانك تعيش في بلدك وكل ماتفتقره في غربتك هو الام والاب والاخ والاخت والاهل والاخباب والاصحاب................فاذا كانت هذه هي الغربه فماذا تقول لمن يعيش في بلد لايتحدث بلغتك ولا يعترف بعاداتك وليس فيه علاقات اجتماعية تربط الناس ببعضهم البعض وليس له من الاهل من يخفف عنه الم الغربه واعرف ماذا سيكون ردكم ....البعض سيقول عد الى بلدك......كلام رائع لكنه صعب جدا فالحياة ليست بهذه السهوله
ام الانتماءفمها بعد المكان وطال الزمان ......انتمائي لبلدي الحبيب سوريا ووطني واحلى مكان على وجه الارض على الاقل بالنسبة لي هو عروسة الساحل ...............بانياس