ثمن الغربة

مرحبا للجميع ..
والله يا بنت العم الغربة غربة مو شرط تكون خارج الوطن ممكن نكون غرباء بأوطاننا او حتى بين أهلنا


هي النفس أمارة بالحنين

هذ القسم على حد زعمي لازم يكون فيه "كلينكس" كتير..
وصدقت يا أخ عمار "النفس أمارة بالحنين" وهي أيضاً أمارة بالحب... أليس ذلك؟
أم أن الزواج قد "جبّ" ماقبله..؟؟

السيد رئيس التحرير !!!!!!!!

متل ما قلت انا لاحقتك ع الدّعسه , اذا قصدك بكلمة جبّ , قَطَعَ, فهي سليمه ...

واذا كان قصدك تقول دفع عنه وابعد فلازم تقول : ذَبّ ...

وبقول للاخت( هنا )يمكن قريت الاسم صح : التي للمفرد المؤتث ما بدها لامين , وعلى الاغلب هي انكتبت على السريع , اللتي .

المثل يقول : الغربة كربة ....والله يكون بعون المغتربين ....

وأنا أؤيد زوربا بقوله أن الغربه ليست بالضروره غربة الأوطان ,بل الغربه الحقيقية التي يشعر بها الإنسان وهو مازال بين أهله وأصحابه ....فإذا كان يختلف في طريقة وأسلوب الحياة مع من حوله ,
وطريقة التفكير وتحليله للأمور تختلف عن طرقهم , وإذا كان صاحب مبدأ يناضل من أجله ولا يقدّره الآخرون ...ويختلفون معه وعليه ....وما إلى ذلك ...فهو حتما غريب غربة موحشة , وكان الله بعونه .

ولزوربا رح قول : نيالك ياعم .....طلعت صهر لكتير ناس .....وعم تطلع ابن عم ناس كتير كمان !!!!

وكفاك الله شر الأشرار , وأبعدك عن الأوزار , وحماك من كل غدّار , وجنبك الأغلاط والأخطاء والعثرات ...

شكرا للتوضيح ....صار المعنى مفهوما أكثر .....

أقول للسيدة لوتس هي فعلا كتبت ولم تراجع وأنا لا أرضى لنفسي بهذا الخطأ فعذرا. وياسيد زوربا لن يعرف معنى الغربة إلا من جربها أنا معك أنو الغربة ممكن تكون في قلب الوطن ولكن البعد أمر قاس ...(بس منيح انو تعلمنا المسخن ما هيك )

هلأ إذا الواحد بدو يفكر بموضوع الغربة صعبة ومابعرف شو
إي بدو يهر شعرو
أحسن شي يتصرف الواحد عادي
هي أنا قاعد بجدة وآخر رواق
لا حاسس بغربة ولا بكربة