أعمال بلدية .. سرعة وسوء في التنفيذ (1)

لا والله لاسرعة ولاشئ
سوء الاداء والتنفيذ كمان
والله ع طريق بيتنا كل جوررة اكبر من تانية
وحتى في محلات مالون شي مغيرين الارصفة فيون كسرون ورجعو عملون من جديد ليش هل صرف على فاضي في ارصفة بتستحق تتغير ما غيرو وبس ليوصل دور عليا بيكونو خربو لارصفة لي عملون
والحبل جراررررررر
مشكور مديرنا

سرعة بالتنفيذ و سرعة بالتخريب اكيد هيك قصدكن يا اخي ما بيعرفو هالمتعهدين يشتغلوا غير هيك مساكين طول مو بانياس بتشتغل فيا هيك ناس محا تتغير

لك شو بدنا نحكي لنحكي
البلاط متل البسكوت
وبلاطة طالعة وتانية نازلة
هاد عداك عن البلاط الي منشال من محلو
لك بدن ياكلو صحة وهنى سم بس يشتغلو منيح
ولله عيب حاجي كل تلت اربع سنين بدن يغيرو الارصفى

شكراً لكم!

أصدقائي نسبياً هناك سرعة غير مسبوقة بتنفيذ العمل رغم الأداء السيء فالمساحات المغطاة تجاوز الكيلومترات وهو أمر سابقاً كان يتطلب 3-4 رؤساء بلدية حتى ينتهي صدقاً, وأنا كما تعلمون ألاحق هذه الأمور بشكل متواصل واعرف جيداً النسب المتغيرة في التنفيذ..
الأداء سيء بالكثير من المناطق وربما يعود الأمر للضغط الكبير على المتعهد لإنهاء المشروع بأسرع وقت ممكن (ضغط شخصي لجيبتو, وضغط من البلدية لجيبتها) والمهم بالنهاية أن يكون هناك نتائج مقبولة ويصرفوها على صحتهم بإذن الله لا مشكلة!
هذا النوع من الحجر قابل للفك والتركيب بسهولة أي الأمور تقبل الصيانة من جديد بأقل وقت وتكاليف ربما يكون ذلك مع صحوة ضمير قادمة, وهذا النوع من الحجر مدروس من عدة نواحي حتى أنه غير قابل للإستخدام داخل المنازل لارتفاعه ولا يقبل التعديل كما أن طريقة تركيبه مشكلة في المنازل مما يقلل من رغبة المواطنين بسرقته
..
.
دمتم للأفضل