منتدى موقع بانياس والساحل الرئيسي

أهلاً بكم في منتدى موقع بانياس والساحل الرئيسي

بتسجيلكم والدخول الى حساباتكم تصبحون قادرين على المشاركة وارسال المساهمات وتبادل المعلومات والرسائل الخاصة مع باقي الأعضاء ضمن حدود الإحترام..

نرجو منكم الالتزام بالأخلاقيات العامة واحترام الآخرين وارسال المساهمات ذات القيمة المضافة وذكر مصدر أي معلومة جديدة تضيفونها الى المنتدى في مشاركاتكم تحت طائلة العقوبة..

شكراً لإهتمامكم

انضم إلى المنتدى ، فالأمر سريع وسهل

منتدى موقع بانياس والساحل الرئيسي

أهلاً بكم في منتدى موقع بانياس والساحل الرئيسي

بتسجيلكم والدخول الى حساباتكم تصبحون قادرين على المشاركة وارسال المساهمات وتبادل المعلومات والرسائل الخاصة مع باقي الأعضاء ضمن حدود الإحترام..

نرجو منكم الالتزام بالأخلاقيات العامة واحترام الآخرين وارسال المساهمات ذات القيمة المضافة وذكر مصدر أي معلومة جديدة تضيفونها الى المنتدى في مشاركاتكم تحت طائلة العقوبة..

شكراً لإهتمامكم

منتدى موقع بانياس والساحل الرئيسي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

    الفرق بين السورية والأردنية‏

    الإدارة
    الإدارة
    الإدارة العامة .. إدارة موقع بانياس والساحل
    الإدارة العامة .. إدارة موقع بانياس والساحل


    ذكر عدد الرسائل : 614
    العمر : 45
    الموقع : www.baniascc.net
    العمل/الترفيه : المدير العام
    المزاج : متوازن
    تاريخ التسجيل : 06/10/2007

    فري زون
    ملاعب بانياس الساحل: لا حدا يلعب مع الإدارة

    الفرق بين السورية والأردنية‏ Empty الفرق بين السورية والأردنية‏

    مُساهمة من طرف الإدارة 9/6/2008, 18:21

    طبعاً منقول...
    اذا وقع زوجها عن الدرج:

    السوريه : ولي على آمتي، سلامتك حبيبي إن شاء الله انا ولا انتا ابن عمي ( ميته خوف عليه )



    الاردنية : شو مالك دخت ؟ مهو الله ما برمي الناس بحجار، خطيتى... الله لا يردك يالبعيد ( بتستناه يموت علشان تورث)



    اذا الزوج بدو يسافر:

    السوريه : دير بالك على حالك ابن عمي، جهزتلك الشنته،والله كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، ان شاءالله تطلع على أبري، تروح وترجع بألف سلامه.

    الاردنية :اسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )



    إذا الزوج تأخر بره فى شغل او مع صديق:



    السورية : شو إبن عمي ! غلي ألبي عليك تؤبرني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )



    الاردنية : شرّفت !! وين لهسا؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ شو جبتلنا معك، ها ؟وللا جاي إيد من ورا وإيد من قدام، كويس إللي عرفتلك دار وانظبيت ( لا تعليق)



    إذا طلبت شى منه :

    السورية : إبن عمـــــــــي تؤبرني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.



    الاردنية : وك إغلطلك مرة وجيبلك شغله حلوة معك، بقلاوة وللا كنافة يا زلمة، خليني أحلي ثمّي إللي مرّر من هالعيشة إللي بتقلعط! ( هاي طخها حلال )



    إذا جابلها هدية :



    السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري



    الاردنية : إه، والله غاب وجاب، طلّو طلّو حبايبنا ! ولك من وين جايبها هاي؟ وقديش حقها ؟ الله يقطع هيك ذوق، والله لو جبتلنا طبخة للدار أحسنلك ( حسبي الله )



    اذا بدك شي منها :



    السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي



    الاردنية : مهو حرام نستريح شوي، لازم حياتي تظل تعب ونكد، هو فش غيرك فى الدار؟ مش فاضية، وللا أقلك اطلع من الدار حل عني روح شوفلك شغله سويها، فقعت مرارتى من شغل البيت اففففف اففففف.



    لو طلبت منها فنجان قهوة :



    السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )



    الاردنية : بدك قهوة ؟ هي اخوانك مرميين فى الحوش روح اشرب معهم، وللا أقلك روح عند امك بتعملك، أترك شغلي وأعملك قهوة؟؟ هاظ اللى ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )



    اذا حكالها (بدك شي؟) وهو طالع :



    السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )



    الاردنية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ ان شالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي.



    الذوق والتنويع فى الاكل:



    السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.



    الاردنية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.

    طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.

    وأهم إشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق.

    أحلى صباح!!



    السورية : حبيبي، تشكل آسي، يسعدلي هالصباح، أووم حبيبي صارت الساعدة 6 يا بعدي... أهوتك جاهزة تشربها بالهنا.



    الاردنية : يا زلمة أي قوم عاد قرفتني صارللي ساعة بصحي فيك، والله لونك متعشي حمار مش هيك!!



    حمام الهنا

    السورية : أوم حبيبي عشان تتحمم. حمامك جاهز ودفيتلك اياه، (وبس يخلص الحمام)، إي تسلملي هالطلة يا تاج راسي، ريتو حمام الهنا والسعد، تؤول ملاك مقابلني... تطلع على قبري يا حءءءء



    الاردنية : يا زلمة قوم اتحمم عاد، بكفي، خنقتنا بريحتك، سخنلك شوية مي إرميهن على بوزك (وبس يخلص القلعاط)، خلصت؟ والله ماهو مبين على بوزك الحمام، وبعدين لويش كل هالوقت جوة! طيب لا تنسى تشطف المي من وراك (ريتني أموت اذا بتحمم مرة ثانية)


    عدل سابقا من قبل إدارة في 9/6/2008, 21:41 عدل 1 مرات
    Anonymous
    زائر
    زائر


    الفرق بين السورية والأردنية‏ Empty رد: الفرق بين السورية والأردنية‏

    مُساهمة من طرف زائر 9/6/2008, 18:25

    هههههههههههههههههه ....هذه السورية قديما لما كانت تقول لزوجها ابن عمي وتخجل تنظر بوجهه أما الحين سبقت السورية الأردنية هههههههههه....شكرا على الموضوع
    Anonymous
    زائر
    زائر


    الفرق بين السورية والأردنية‏ Empty رد: الفرق بين السورية والأردنية‏

    مُساهمة من طرف زائر 9/6/2008, 21:15

    إننا نعاني من مشكلة غباء الزوجات ......" موضوع زوجات حكيمات "

    أما الحين سبقت السورية الأردنية......" الفرق بين السورية والأردنية "

    مابال أخي أبي الفداء ....كلما ذُكرت الزوجات سارع إلى وصفهن بأوصاف تحط من قدرهن ...

    أخشى أن تكون تعيسا مع زوجتك , التي يبدو أنها تنكل بك , فجعلتك لا ترى المرأة إلا من منظار أسود ....

    شكرا عبد الرحمن ...الموضوع ظريف وخفيف , بيشبهك .
    Anonymous
    زائر
    زائر


    الفرق بين السورية والأردنية‏ Empty رد: الفرق بين السورية والأردنية‏

    مُساهمة من طرف زائر 9/6/2008, 21:16

    .
    Anonymous
    زائر
    زائر


    الفرق بين السورية والأردنية‏ Empty رد: الفرق بين السورية والأردنية‏

    مُساهمة من طرف زائر 10/6/2008, 07:02

    عفوا أختي لوتس أنا أتكلم الواقع وهذا هو الذي خلفته لنا ثقافة التلفاز والدش .......أما عن حياتي مع زوجتي ( وهو موضوع خاص ) فأنا ولله الحمد من أسعد الناس معها وهي من أِشد الناس طاعة لي وخوفا لله في تعظيم حقي وهي مثال للزوجة المثالية الصالحة ولا أشكو منها شيئا أبدا بل هي والله أفضل من المرأة السورية التي وصفها أخي عبد الرحمن في معاملتها لي ....وشكرا

      الوقت/التاريخ الآن هو 28/5/2024, 22:06