ماذا يحدث عندما تبتسم المرأة

1. ابتسمت كليوباترا .. ففتنت قيصر روما .. وأودت بحياة انطونيو.. وهزت اكبر امبرطورية عرفها التاريخ .







2. ابتسمت دليلة لشمشون الجبار .. داهية عصره .. فخر صريعاً .. ودب في عينيه النعاس وهو على ركبتيها فسلبته قوته وأذلته لأعدائه







3. ابتسمت آن بولين لهنري الثامن ملك انجلترا فثار على البابا و الكنيسة و الدولة وثار على التقاليد جمعاء







4. ابتسمت لولا مونتيز للملك لودفيج الأول ملك بافاريا فسحرته من الوهلة الأولى ودمرته في أيامه الأخيرة ففقد هيبته كملك وأضطر أن يتنازل عن العرش .







و حين ابتسمت وضحه لابن عجلان..... سلخها كف على وجهها ... و قال لها اذهبي يا حرمة إنضبّي نحنا ما فشّ عنّا نسوان يضحكوا

هههههههههههههههههههههههههههههههه روريتا حلوة منك ..
وضحة بنت عجلان بتستاهل هالكف لانو اكيد ما عرفت ابتسمت متل كليو باترا وغيرها ..
يمكن ضحكت ضحكة هرو سنانها من تمها فيها لذلك بتستاهل الكف

والله حسب المرأة...اما تزهر لابتسامتها الايام... او يصير متل وضحة

شو لازم نقول انه الرجل العربي جدّع .......أو إنه جلف .

جدع بس على حريمه , وجلِف بس مع حريمه ....اما غير هيك فانا بقول انه تشتوش ...

عذرا يا شباب انا هدا اللي شايفته ....ما بفيدكن الإنكار ولا الاحتجاج .

شكرا روريتا الموضوع بفش الخلق .

حلوة كتير ....مشان هيك منشوف النسوان ببانياس على طول عابسين

حلوة روريتا
بس لا يانور بانياس أبداً النسوان ببانياس ما بيضلوا عابسين
لأنو ماحدا بيسترجي يضربهن كف
ولا شو رأيكن؟؟؟

جزاك الله خيرا على الموضوع
ولكن قصة دليلة و شمشون الجبار ما أظنها صحيحة لأن شمشون أصلا هو أسطورة على حد علمي
المهم الموضوع حلو مشكورة
وبالنسبة للسيدة لوتس ما أظن هذا ينطبق على الجميع ممكن هذا الرجل عربي وفيه من جلافة البادية لكن ليس فيه من لطف الإسلام
تقبلوا مروري