النوم النوم النوم هل من مغيث

السلام عليكم

يا جماعة بصراحة أنا عم عاني من "الأرق المزمن" اللي ما بعرف حالي ارتححت منه الا "بالخدمة العسكرية" لدرجة أني عم حن لأيام الخدمة العسكرية ويشهد الله
شو الحل اذا الارق بيحرمني النوم قبل صلاة الصبح وأحياناً بلا نوم ومهما حاولت ما عم استفيد علماً أني جربت كل الاساليب بما فيها لعب الرياضة والعمل المجهد قبل وقت النوم وكمان عم اتعشى قبل ساعتين يعني الساعة 10 تقريباً وأحياناً بلا عشى وقراءة القرآن, وجربت قاوم النوم يوم كامل لحتى صلح دورة حياتي بلا فائدة والسبب أني بعد أرق طويل بس نام ماعاد اعرف قوم من السرير وبعرف حالي من الطفولة بدي 10 ساعات نوم يومياً ما خالفتها الا بفترة الخدمة العسكرية الله يذكرها بالخير..
وبالمناسبة يوم اللي بنزل عالكورنيش رياضة صباحية بكون مو نايم طول الليل

شو الحل رجاء اللي عنده شي وصفة منشطة لا يبخل علينا والله يجزيكم الخير علماً أنو هي مو حالتي لوحدي بالعكس معروفة عند البانياسية وبعض أصدقائي عم يشتكو منها

ومنعرف انه طقس بانياس هيك بيعمل بس من المؤكد أنه في ناس عم تعالج هالحالة وشو بدنا نعمل اذا ليل بانياس ونهارها وكلو احلى وما بيتفوت
حلمي بهالبلد استيقظ بعد صلاة الصبح صلي حاضر بالجامع وانزل عالبحر رياضة صباحية وتابع شغلي بعد الحمام طبيعي بلا نوم وبعد الغدا قيلولة ونام زي الناس بكير يعني شي الساعة 12
يا ترى طلبي مستحيل؟

شو الحل؟

للأسف عنجد هي مشكلة وكل شئ حكيتو أنا عم عاني منو صار معي وجع بعيوني من كتر السهر العالم بيروحوا على الشغل وأنا سهرانة وحتى هلأ بأيام الأمتحان بضل هيك لقيت مين يعاني متلي لا تنسى إذا لقيت الحل تقلي

مارح عيد اللي قاليتو ندى ......بس إي نعم طلبكم مستحيل إلا إذا صارت معجزة وغيِّرنا حالنا.....
بس إيمت الله أعلم .

حاول أخي بالتدرج تعود نفسك على النوم في هذا الوقت واستعن بذكر الله والدعاء ..يوجد بكتاب حصن المسلم بعض الأدعية والأذكار التي تتحدث عن الأرق قد تجد ضالتك فيها

انا بصراحة وجدت الموضع هيدا بمجلة الجزيرة وحبيت حطلكم اياه

استعن بذكر الله واقرا الفاتحة والمعوذتين واية الكرسي واقرا هذا الدعاء
اللهم غارت النجوم وهدأت العيون وانت حيي قيوم لا تاخذك سنة ولا نوم اللهم اهدا ليلي وانم عيني

اسمع يا صديقي بالنسبة للحل لا يوجد أي حل أبدا" بسبب
1
-بما أنك تأكل الهمبرغر والوجبات السريعة
2-بما أنك تأكل البندورة والخضروات المهرمنة
3-بما أنك تأكل الدجاج المهرمن
4-بما أنك حياتك في مجتمع مليء بالتلوث الطبيعي والهواء غير نقي

لا تحاول أبدا" أن تفكر بالنوم المريح وأن تنتهي من مشكلة الأرق إذا لم تتخلص من المسببات

ملاحظة مهمة((على فكرة أنا ضد فكرة النوم وبكره النوم كثيرا"))

من مبدأ أن الإنسان يعيش بحياته مرة واحدة فإذا افترضنا أن متوسط عمر الإنسان 70 سنة فهل يقضي 25 سنة نوم

مع حبي وتقديري