من طرف لاتعتبي
لاتعتبي ياحلوة الحلوات
ان ماقدرت وصٍلك حكي
عاشفافي ماتت الكلمات
والدمعات نشًفها البكي
******
لاتسألي وين هك البسمات
ولا من الأسى لاتشتكي
عادراجنا دبلت الوردات
وعالصدر ماعاد فيكي تتكي
******
صار القلب يزفر الآهات
بعد ماصرت محيًره وملبكي
ماعاد تسألي عن الغنيات
الكنت اكتبها وابعتها لكي
*********
لاتعتبي شوعاد رح ينفع عتب
زاد الأسى والهم بالصدر التعب
تاري الهوى بيبدلوا ظلم الزمان
والدهب وحدو بيضلو دهب
*****
شو ناطره بعد مقتلت الحنين
ومرمرت هالقلب عاطول السنين
ياحلوتي دبلت زهور الياسمين
طال الجفا وبالدمع ماضينا انكتب
********
لاتسألي عن أيام عشناها سوى
ومراسيل الحب وغناني الهوى
من ظلمك كتاب ماضينا انطوى
وبعدك بتسألي مين السبب
*******
مبتعرفي اللي بيترك حبيبو بالأسى
مع هالزمان رح يفل وينتسى
واللي مايبقى على حبو وفي
بيرجع عالعتب بس مابينفع عتنب
******
/ابو العبد/
