من طرف تحية سورية من دبي,من مغترب ولد في دبي,
تربى فيها وأتم تعليمه من الحضانة للمرحلة الجامعية..وها هو يعمل فيها الان ايضا
اليوم و بعد قرابة 28 عاما من غربتي و 38 عاما من غربة والدي مازال انتماؤنا و ولاؤنا المطلق لسوريا بالرغم من عدم أحساسنا بالأغتراب في وجود الألفة بيننا و بين الشعب الأماراتي الكريم.
الدوري السوري
الدوري السوري لا يعني لي الكثير فأنا لا أشجع أي من الفرق في الدوري السوري أنا أشجع فقط من يمثل سوريا خارجيا بغض النظر من أي محافظة أتى هذا الفريق فبالنهاية هذا الفريق يمثل الوطن و يحمل معه رائحة الوطن و مشاعري للوطن
المنتخب السوري
المنتخب السوري بالنسبة لي! هو السفارة المتنقلة التي تحمل أسم الوطن اينما حل هذا المنتخب! يمثل 23 لاعب من أفضل اللاعبين على مستوى سوريا.
هو جيشنا السلمي لرفع راية الوطن في جميع المحافل الأقليمية و الدولية, جيش مسموح أستخدام جميع اسلحته التقليدية و الغير تقليدية, يستدعي جميع جنوده الأساسيين و الأحتياطيين متى ما نادى الوطن و اجتاج لخدماتهم
من هم لاعبو المنتخب و كيف يتم أختيارهم!
سأقسم هذا العنوان لقسمين:
1-قبل تدخل الجندي المجهول
العضو الأخ الأهلي حبي الأول و الأخير و جميع المسؤولين عن صحيفة المحترفين و موقع المحترفين السوريين هم الجنود المجهولين لهذا المنتخب!
مع كل أحترامي لأبو شاكر لكن لولا جهد القائمين على صحيفة المحترفين و موقع اللاعبين السوريين المغتربين لما وصلت لأبو شاكر و لا لغيره معلومات عن لاعبينا المحترفين! هؤلاء الأعضاء و أخوتي بالوطن قاموا بدور الصف الأمامي للجيش الذي ينقل الأخبار للقيادات عن حال المعركة و عن ما تتوفر لهم من معلومات كانت من المستحيل وصولها للقيادات بدون هؤلاء الجنود! الفرق أن الجنود يكونوا بمهمة أوكلت لهم من القادة أما جنود منتدانا فقد قامو بواجبهم تطوعا ً و حبا بالوطن و من منطلق الغيرة على أسم سوريا و رغبتهم برؤية راية الوطن خفاقة في جميع المحافل الدولية!
نعود للموضوع وهو فترة ما قبل الجندي المجهول و كان الأختيار لمنتخب الوطن من نصفين النصف الأول لللاعبين الذين يثبتون فعاليتهم على المستطيل الأخضر و النصف الأخر كان ممن لديه الثقل و الدعم للصعود على أكتاف من يستحق ان يتشرف بارتداء أغلى لباس, لباس المنتخب الوطني!
لا ننكر استدعاء بعض اللاعبين المحترفين سابقا كفراس الخطيب, محمد عفش سيد بايزيد! لكن هؤلاء اللاعبين خرجوا من الدوري السوري و الجمهور بسوريا يعرفهم و يعرف ثقلهم و مدى أهمية وجودهم بالمنتخب و مع ذلك كانوا يستدعون بصعوبة بالغة و مع طلوع الروح لحجج واهية لا يتقبلها منطق و لا أي عقل سليم!
شكرا أيها الجندي المجهول
أذكر عندما دخلت مصادفة بعد مقاطعة طويلة لمنتدى كووورة سورية فلم يكن المنتدى يقدم لي اي جديد! مواضيع عادية تتكلم عن نتائج أخبار الدوري التي اتابعها احيانا هنا عن طريق الجرائد و عشرات المواضيع التي تحتوي على شكوى المواطنين على فرق و حكام لاعبين! كل هم المنتدى كان ينحصر بالدوري و اخباره و هي لا تهمني بقدر ما يهمني مواضيع تمس بالمنتخب أو تمس مشاركاتنا الخارجية للفرق
شدني عنوان غريب, مختلف لم أعتد أن اراه من قبل و كان مثبت! صحيفة المغتربين السوريين! معقول! نحنا عنا لعيبة مغتربين؟! ليكون قصدن فراس! معقول عملوا صحيفة كاملة لفراس! دخلت للصحيفة و لم أكن أأمل بالكثير يمكن بلاعبين أو ثلاثة بالدوري العماني الدرجة التانية أو حتى بالهندي لطالب سوري بالجامعة هناك و لعب بدوري الجامعات و سمي بمحترف مغترب سوري
مفاجأة
نعم مفاجأة و صاعقة لي! كل هدول ما حدا بيعرف عنن شي؟! طيب ليش؟! و مين المسؤول؟! الأتحاد؟ المدرب؟ هنن أو نحنا يلي نايمين؟!
الدوري السويدي فريق سوري بالكامل! الدوري البلجيكي, الدوري الروسي, الدوري الأرجنتيني, الدوري الكرواتي, الدوري الأيطالي و الدوري الأسباني!
يا لمصيبتي و يا لفرحتي! أبكي؟ أفرح؟ أهلل! و الله ما بعرف! و الله حرام طيب ليش هالأهمال؟ و مين السبب فيه؟
نحنا بهدول اللعيبة سنكون الأفضل على مستوى آسيا على الأقل! بدون مبالغة و بدون سيطرة العاطفة على الواقع! فهناك فرق بين محترف بأوربا و محترف بالدوري السوري! المحترف بأوربا لديه نظام غذائي صحيح, لديه نظام صحي صحيح, لديه نظام تدريبي صحيح! المحترف بسوريا نظامه الوحيد هو تنظيم راتبه لأخر الشهر!
استدعاء سانحريب للمنتخب البلجيكي! استدعاء لؤي شنكو للمنتخب السويدي! استدعاء انس الشربيني للمنتخب الكرواتي!
يعني معقول! و لسه بتقولو مو اضافة! و لشو الدوري السوري و خلينا نلغي الدوري السوري على هيك و نستدعي المحترفين و بلا دوري سوري!
عم تتمسخرو على محترفينا! ما هو هدف الدوري الأساسي؟! الهدف ليس اللقب بنهاية الموسم و لا الكؤوس! الهدف واحد وهو اختيار الأفضل لتمثيل سوريا عن طريق المنتخب! طيب و اذا في سوريين برا الدوري؟ ما إلهم حق يلعبو للمنتخب؟ حتى لو كانو بالدوري الصومالي! مين يلي وضع الدوري السوري بأنه أفضل دوري بالعالم؟!
المنتخب ليرفع راسنا كلنا و ليمثلنا كلنا بغض النظر عن نادي الذي أتى منه اللاعب! سواء من الدوري المحلي أو من دوري المريخي! فبالنهاية الأتحاد يرسل الدعوة للاعب ايتشرفو بحمل اسم سوريا على صدره! و من يلبي نداء الوطن فيا أهلا و من يرفض فقد خسر شرف ارتداء قميص المنتخب السوري!
ما بيعرفو عربي و لا بعمرن زارو سوريا...ما في ولاء!!
أسمحولي أوصف هاد الحكي بالحكي الفاضي أو الكلام المدسوس! لما يرفض لاعب متل سنحاريب دعوة منتخب البلجيكي الأولمبي و لاعب متل لؤي شنكو و أنس الشربيني اللعب بأمم أوربا 2008 تاني أكبر بطولة بالعالم بعد كأس العالم بل و هي أقوى من كأس العالم ليلتحقو بالمنتخب السوري ليلعبو تصفيات التمهيدية بكأس العالم هاد شو أسمو؟ جنون؟ يمكن...فعلا ً ممكن...جنون بالعشق.
انا فعلا ادمعت عيوني لما قريت لؤي شنكو عم بقول الأن تحقق حلمي! لاعب كان رح يلعب يعد أقل من اسبوعين بكأس الأمم الأوربية و لعب بكأس الأتحاد قال حققت حلمي و هو اللعب لمنتخب سوريا! طيب هي مو وطنية؟ مو ولاء؟ مو عشق لحد الجنون؟
لاعب ثاني هدافين الدوري البلجيكي اجا على سوريا و لعب 8 دقايق للمنتخب رغم الأرهاق و التعب ليسجل أسمو بالفيفا انو سوري! يا عالم انا سوري مو بلجيكي! انا سوري و يمكن ما وصل بحياتي لكأس العالم مع انو مستواي يأهلني لألعب بكأس العالم بس بعلم مو علمي و بلبس مو لبسي؟ و بالصيف كنت رح العب بالأولمبايد بس قميص المنتخب السوري أهم من كل انجازاتي الشخصية! شو هاد؟ ولاء و لا لأ! شو بتسموه! يمكن كمان جنون...جنون بالعشق!
إلياس لاعب عمرو 21 أو أقل! المستقبل قدامو يلعب للسويد قالو يا الياس سوريا عم بتناديك قال لبيك يا بلدي لبيك!
رونالدينهو سوري!
أي و ليش لأ! و اذا كان سوري استدعوه! رح يفيدنا! لا تقللو من قيمتنا لأنكم عم بتقللو من قيمتكم! فالسوري استلم أعلى المناصب و وصل لرئيس دولة (الأرجنتين سابقاً) فما كتير علينا يطلع من عنا لاعب بمستوى رونالدينهو! يلي خلقو خلق غيرو و لا نسيتو جابرييل عمر باتستوتا؟! يلي ما بيعرف بنقلو انو باتيستوتا جدو من الشام!
و نصيحة يلي ما عندو حكي غير المسخرة لا يفتح مواضيع و لا يرد على مواضيع بتحكي عن الوطن و عن منتخب الوطن فالمنتدى بيقراه كل العرب مو بس انتو! و يلي ما بيعرف خليه يعرف في فرق بين النقد البناء و النقد الهدام و الحكي يلي ما إلو داعي غير أنو صاحبو عم يتسلى!
طيب نلغي الدوري!
لا أبدا ً و مو هاد المقصود و يشهد عليي الله! بس ليمثل سوريا الأفضل سواء كان بداخل سوريا أو بخارجها! دولة بكبر البرازيل و بقوة دوريها يلي بيكسح دورينا و نحنا عم نضحك و نلعب ما عندو و لا لأعب من جوا البرازيل! كلن من برا! طيب ليش؟ ببساطة لأنهم الأفضل لتمثيل البرازيل!
و اليوم يلي بصير الدوري السوري أفضل دوري على الأقل على مستوى أسيا! ساعتها تعو و قولو ما بدنا حدا من برة! بس لما بكون مستوانا المستوى التالت اسيويا بعد دول كرة القدم ليست اللعبة الشعبية الأولى لازم نستعين بكل أسلحتنا! فيقو يا شباب منتخبنا الوصيف! اي الوصيف لبطولة نهرو بعد المنتخب الهندي و يا للأسف!
لا تشككوا في وطنيتي و لا بأصلي.. أنا سوري مهما طال أغترابي
أنا سوري, و والدي سوري لا تحكم عليي بعدم الولاء! لن أتوانى ولو للحظة بوضع أصابعي بعيونك! لن أتوانى للحظة أن أقتلك فأنا لست بخائن! أنا حكم عليي الزمن عيش بره سوريا, بس كون أكيد قبل ما يناديني الوطن رح أجي زحف و قول لبيك يا وطن!
بالنهاية ما فيني قول غير سوريا فوق الكل! و خلينا كلنا نسعى لتحقيق غاية وحدو و هي الأرتقاء بكرتنا الأرتقاء بوطننا! مين منا ما بيحلم يسمع النشيد الوطني السوري بجنوب أفريقيا؟! انا عن نفسي أحلم و ازدادت واقعية حلمي بعد التغيرات الأخير التي حصلت بالمنتخب!
فدمتم سالمين و دامت سوريا
...........مغترب سوري في الامارات........
(مازن جدعان)
تربى فيها وأتم تعليمه من الحضانة للمرحلة الجامعية..وها هو يعمل فيها الان ايضا
اليوم و بعد قرابة 28 عاما من غربتي و 38 عاما من غربة والدي مازال انتماؤنا و ولاؤنا المطلق لسوريا بالرغم من عدم أحساسنا بالأغتراب في وجود الألفة بيننا و بين الشعب الأماراتي الكريم.
الدوري السوري
الدوري السوري لا يعني لي الكثير فأنا لا أشجع أي من الفرق في الدوري السوري أنا أشجع فقط من يمثل سوريا خارجيا بغض النظر من أي محافظة أتى هذا الفريق فبالنهاية هذا الفريق يمثل الوطن و يحمل معه رائحة الوطن و مشاعري للوطن
المنتخب السوري
المنتخب السوري بالنسبة لي! هو السفارة المتنقلة التي تحمل أسم الوطن اينما حل هذا المنتخب! يمثل 23 لاعب من أفضل اللاعبين على مستوى سوريا.
هو جيشنا السلمي لرفع راية الوطن في جميع المحافل الأقليمية و الدولية, جيش مسموح أستخدام جميع اسلحته التقليدية و الغير تقليدية, يستدعي جميع جنوده الأساسيين و الأحتياطيين متى ما نادى الوطن و اجتاج لخدماتهم
من هم لاعبو المنتخب و كيف يتم أختيارهم!
سأقسم هذا العنوان لقسمين:
1-قبل تدخل الجندي المجهول
العضو الأخ الأهلي حبي الأول و الأخير و جميع المسؤولين عن صحيفة المحترفين و موقع المحترفين السوريين هم الجنود المجهولين لهذا المنتخب!
مع كل أحترامي لأبو شاكر لكن لولا جهد القائمين على صحيفة المحترفين و موقع اللاعبين السوريين المغتربين لما وصلت لأبو شاكر و لا لغيره معلومات عن لاعبينا المحترفين! هؤلاء الأعضاء و أخوتي بالوطن قاموا بدور الصف الأمامي للجيش الذي ينقل الأخبار للقيادات عن حال المعركة و عن ما تتوفر لهم من معلومات كانت من المستحيل وصولها للقيادات بدون هؤلاء الجنود! الفرق أن الجنود يكونوا بمهمة أوكلت لهم من القادة أما جنود منتدانا فقد قامو بواجبهم تطوعا ً و حبا بالوطن و من منطلق الغيرة على أسم سوريا و رغبتهم برؤية راية الوطن خفاقة في جميع المحافل الدولية!
نعود للموضوع وهو فترة ما قبل الجندي المجهول و كان الأختيار لمنتخب الوطن من نصفين النصف الأول لللاعبين الذين يثبتون فعاليتهم على المستطيل الأخضر و النصف الأخر كان ممن لديه الثقل و الدعم للصعود على أكتاف من يستحق ان يتشرف بارتداء أغلى لباس, لباس المنتخب الوطني!
لا ننكر استدعاء بعض اللاعبين المحترفين سابقا كفراس الخطيب, محمد عفش سيد بايزيد! لكن هؤلاء اللاعبين خرجوا من الدوري السوري و الجمهور بسوريا يعرفهم و يعرف ثقلهم و مدى أهمية وجودهم بالمنتخب و مع ذلك كانوا يستدعون بصعوبة بالغة و مع طلوع الروح لحجج واهية لا يتقبلها منطق و لا أي عقل سليم!
شكرا أيها الجندي المجهول
أذكر عندما دخلت مصادفة بعد مقاطعة طويلة لمنتدى كووورة سورية فلم يكن المنتدى يقدم لي اي جديد! مواضيع عادية تتكلم عن نتائج أخبار الدوري التي اتابعها احيانا هنا عن طريق الجرائد و عشرات المواضيع التي تحتوي على شكوى المواطنين على فرق و حكام لاعبين! كل هم المنتدى كان ينحصر بالدوري و اخباره و هي لا تهمني بقدر ما يهمني مواضيع تمس بالمنتخب أو تمس مشاركاتنا الخارجية للفرق
شدني عنوان غريب, مختلف لم أعتد أن اراه من قبل و كان مثبت! صحيفة المغتربين السوريين! معقول! نحنا عنا لعيبة مغتربين؟! ليكون قصدن فراس! معقول عملوا صحيفة كاملة لفراس! دخلت للصحيفة و لم أكن أأمل بالكثير يمكن بلاعبين أو ثلاثة بالدوري العماني الدرجة التانية أو حتى بالهندي لطالب سوري بالجامعة هناك و لعب بدوري الجامعات و سمي بمحترف مغترب سوري
مفاجأة
نعم مفاجأة و صاعقة لي! كل هدول ما حدا بيعرف عنن شي؟! طيب ليش؟! و مين المسؤول؟! الأتحاد؟ المدرب؟ هنن أو نحنا يلي نايمين؟!
الدوري السويدي فريق سوري بالكامل! الدوري البلجيكي, الدوري الروسي, الدوري الأرجنتيني, الدوري الكرواتي, الدوري الأيطالي و الدوري الأسباني!
يا لمصيبتي و يا لفرحتي! أبكي؟ أفرح؟ أهلل! و الله ما بعرف! و الله حرام طيب ليش هالأهمال؟ و مين السبب فيه؟
نحنا بهدول اللعيبة سنكون الأفضل على مستوى آسيا على الأقل! بدون مبالغة و بدون سيطرة العاطفة على الواقع! فهناك فرق بين محترف بأوربا و محترف بالدوري السوري! المحترف بأوربا لديه نظام غذائي صحيح, لديه نظام صحي صحيح, لديه نظام تدريبي صحيح! المحترف بسوريا نظامه الوحيد هو تنظيم راتبه لأخر الشهر!
استدعاء سانحريب للمنتخب البلجيكي! استدعاء لؤي شنكو للمنتخب السويدي! استدعاء انس الشربيني للمنتخب الكرواتي!
يعني معقول! و لسه بتقولو مو اضافة! و لشو الدوري السوري و خلينا نلغي الدوري السوري على هيك و نستدعي المحترفين و بلا دوري سوري!
عم تتمسخرو على محترفينا! ما هو هدف الدوري الأساسي؟! الهدف ليس اللقب بنهاية الموسم و لا الكؤوس! الهدف واحد وهو اختيار الأفضل لتمثيل سوريا عن طريق المنتخب! طيب و اذا في سوريين برا الدوري؟ ما إلهم حق يلعبو للمنتخب؟ حتى لو كانو بالدوري الصومالي! مين يلي وضع الدوري السوري بأنه أفضل دوري بالعالم؟!
المنتخب ليرفع راسنا كلنا و ليمثلنا كلنا بغض النظر عن نادي الذي أتى منه اللاعب! سواء من الدوري المحلي أو من دوري المريخي! فبالنهاية الأتحاد يرسل الدعوة للاعب ايتشرفو بحمل اسم سوريا على صدره! و من يلبي نداء الوطن فيا أهلا و من يرفض فقد خسر شرف ارتداء قميص المنتخب السوري!
ما بيعرفو عربي و لا بعمرن زارو سوريا...ما في ولاء!!
أسمحولي أوصف هاد الحكي بالحكي الفاضي أو الكلام المدسوس! لما يرفض لاعب متل سنحاريب دعوة منتخب البلجيكي الأولمبي و لاعب متل لؤي شنكو و أنس الشربيني اللعب بأمم أوربا 2008 تاني أكبر بطولة بالعالم بعد كأس العالم بل و هي أقوى من كأس العالم ليلتحقو بالمنتخب السوري ليلعبو تصفيات التمهيدية بكأس العالم هاد شو أسمو؟ جنون؟ يمكن...فعلا ً ممكن...جنون بالعشق.
انا فعلا ادمعت عيوني لما قريت لؤي شنكو عم بقول الأن تحقق حلمي! لاعب كان رح يلعب يعد أقل من اسبوعين بكأس الأمم الأوربية و لعب بكأس الأتحاد قال حققت حلمي و هو اللعب لمنتخب سوريا! طيب هي مو وطنية؟ مو ولاء؟ مو عشق لحد الجنون؟
لاعب ثاني هدافين الدوري البلجيكي اجا على سوريا و لعب 8 دقايق للمنتخب رغم الأرهاق و التعب ليسجل أسمو بالفيفا انو سوري! يا عالم انا سوري مو بلجيكي! انا سوري و يمكن ما وصل بحياتي لكأس العالم مع انو مستواي يأهلني لألعب بكأس العالم بس بعلم مو علمي و بلبس مو لبسي؟ و بالصيف كنت رح العب بالأولمبايد بس قميص المنتخب السوري أهم من كل انجازاتي الشخصية! شو هاد؟ ولاء و لا لأ! شو بتسموه! يمكن كمان جنون...جنون بالعشق!
إلياس لاعب عمرو 21 أو أقل! المستقبل قدامو يلعب للسويد قالو يا الياس سوريا عم بتناديك قال لبيك يا بلدي لبيك!
رونالدينهو سوري!
أي و ليش لأ! و اذا كان سوري استدعوه! رح يفيدنا! لا تقللو من قيمتنا لأنكم عم بتقللو من قيمتكم! فالسوري استلم أعلى المناصب و وصل لرئيس دولة (الأرجنتين سابقاً) فما كتير علينا يطلع من عنا لاعب بمستوى رونالدينهو! يلي خلقو خلق غيرو و لا نسيتو جابرييل عمر باتستوتا؟! يلي ما بيعرف بنقلو انو باتيستوتا جدو من الشام!
و نصيحة يلي ما عندو حكي غير المسخرة لا يفتح مواضيع و لا يرد على مواضيع بتحكي عن الوطن و عن منتخب الوطن فالمنتدى بيقراه كل العرب مو بس انتو! و يلي ما بيعرف خليه يعرف في فرق بين النقد البناء و النقد الهدام و الحكي يلي ما إلو داعي غير أنو صاحبو عم يتسلى!
طيب نلغي الدوري!
لا أبدا ً و مو هاد المقصود و يشهد عليي الله! بس ليمثل سوريا الأفضل سواء كان بداخل سوريا أو بخارجها! دولة بكبر البرازيل و بقوة دوريها يلي بيكسح دورينا و نحنا عم نضحك و نلعب ما عندو و لا لأعب من جوا البرازيل! كلن من برا! طيب ليش؟ ببساطة لأنهم الأفضل لتمثيل البرازيل!
و اليوم يلي بصير الدوري السوري أفضل دوري على الأقل على مستوى أسيا! ساعتها تعو و قولو ما بدنا حدا من برة! بس لما بكون مستوانا المستوى التالت اسيويا بعد دول كرة القدم ليست اللعبة الشعبية الأولى لازم نستعين بكل أسلحتنا! فيقو يا شباب منتخبنا الوصيف! اي الوصيف لبطولة نهرو بعد المنتخب الهندي و يا للأسف!
لا تشككوا في وطنيتي و لا بأصلي.. أنا سوري مهما طال أغترابي
أنا سوري, و والدي سوري لا تحكم عليي بعدم الولاء! لن أتوانى ولو للحظة بوضع أصابعي بعيونك! لن أتوانى للحظة أن أقتلك فأنا لست بخائن! أنا حكم عليي الزمن عيش بره سوريا, بس كون أكيد قبل ما يناديني الوطن رح أجي زحف و قول لبيك يا وطن!
بالنهاية ما فيني قول غير سوريا فوق الكل! و خلينا كلنا نسعى لتحقيق غاية وحدو و هي الأرتقاء بكرتنا الأرتقاء بوطننا! مين منا ما بيحلم يسمع النشيد الوطني السوري بجنوب أفريقيا؟! انا عن نفسي أحلم و ازدادت واقعية حلمي بعد التغيرات الأخير التي حصلت بالمنتخب!
فدمتم سالمين و دامت سوريا
...........مغترب سوري في الامارات........
(مازن جدعان)
