استفتاء الأعضاء على إدارة منتدى بانياس للعام 2008-2009

بالتوفيق لللإداراة

توصيتي سري

نعم من المؤيدين لعبد الرحمن الجندي

بغض النظر عن كوني مؤيد أو غير مؤيد ( وعبد الرحمن بيعرف اذا انه معه أو ضده ) فأن برأيي الشخصي أن لا يكتب أحد هنا عن كونه مع او ضد أخي الحبيب عبد
طبعا أنا صوتت من زمان وكنت من أول المصوتين ( حتى ما حدا يحاول يعرف بشو صوتت )
لأن الوقت الآن للإدلاء بالأصوات وليس من أجل إظهار الأخطاء أو عدمها
،،،،،،،،،،،،،
وسؤالي للإدارة
إلى متى سيستمر التصويت ؟
ننتظر النتيجة النهائية ونريد أن نعلم متى ننتهي
وشكرا للجميع

[ انا مؤيد

انا اتمنى ان يبقى الاستاذ عبدالرحمن الجندي لانه اجدر بهذه المسؤليه واتمنى له النجاح الدئم

وانا الاخت الخامسه اؤيد بقاء الاستاذ عبدالرحمن الجندي

الله يذكرها بالخير انستي بالابتدائي لما كنت اخد علامة قليلة كانت تحطلي هالاشارات؟؟؟؟

السلام عليكم انا من ناحيتي عضو جديد بالموقع لهيك ما بقدر حدد بس اعملت استفتاء على اساس الاستفتائات الجارية وعديت مين مع ومين ضد لئيت انو الضد غالبين المع لهيك بضم صوتي لصوت اياس
شكرا..........

يلا إذا طارت الإدارة من ايدينا مندور على شو بيت تاني يآوينا
وبالنسبة لتساؤل السيدة لوتس:
موقع بانياس موجود عالخارطة من 6 سنوات وأنا والحمد لله المؤسس
ومنتدى بانياس اللي هوي ابنه البكر عمره حوالي سنة
يعني معارفي كتار إذا الله راد وكله خير

يعني رتبتي أقدم رتبة بالمنتدى
معقول ما كون معروف من الناس الطيبة

الإدارة تتابع أي عضو جديد وفي حال ظهر اشتباه في شخصية العضو الجديد او انقطاع سيتم تسوية الأصوات حسب النتيجة النهائية
وهنا ننوه الى الأخوة الأعضاء المهتمين لمتابعة الأصوات وإحصائها وتحديد شخصية الأعضاء المشبوهين من قبلهم وتقديمها للإدارة وتقديم تقييمهم الخاص حول النتيجة لتقارن في النهاية مع بقية التقييمات والنتيجة الظاهرة في الإستفتاء العام

شكراً للإهتمام

الأعضاء الكرام

نرجوا منكم وللمرة الألف الانتباه الى نص الإستفتاء في بداية الموضوع حيث كل شيء واضح ولا جديد في طرحكم حيث من الطبيعي أن يكون في الإنتخابات أكثر من شخص ولكن نحن الآن في استفتاء...

وشكراً لإهتمامكم

انا بالنسبة الي مليت من هالموضوع
لازم تحسموا النتيجة
لايمت ناطرين ممكن نعرف؟؟؟

الأعضاء الكرام وخصوصاً "عروس المنتدى" روريتا
الهدف من الفترة الطويلة للإستفتاء هو إتاحة الفرصة لأكبر عدد من الأعضاء بالاطلاع والتصويت ومن المعروف أن الكثير من الأعضاء يغيبون لفترات طويلة عن المنتدى بسبب المشاغل والدراسة والظروف

شكراً لإهتمامكم

غير مؤيد

الموضوع صار ممل وبتعب النفسية الله يوفق الجميع
يا أخي لازم المشرفين عالمنتدى هني يلي يعينوا مدير الإدارة
أو أفضل عشر أعضاء بالمنتدى هني يلي بيعينوا المدير
وبرأي ست الكل وأم المنتدى هي يلي لازم تكون الحازمة بهالموضوع

شو هالحكي يا جماعة ... مليتو

هي انتخابات الرئيس الأمريكي الإستفتاء فيها بيضل شهور

شو هوي أحسن مني.؟

حدا يحكي يا جماعة

لا والله مانو أحسن منك يا عبد
شو جاب لجاب
انت وين وهو وين

انا برأيي هاد الموضوع كلو بلا طعمة
لان اصلا يلي تع بالفكرة وهلك وهو عم ينفذها ويحافظ على وصولها لاحسن الدرجات ما بيكون اسمو مدير بيكون اسمو صاحب هي الفكرة ولهيك برأيي هاد استفتاء باطل تماما
وانا ما رح ادخل وشارك فيه
واعترض بشدة عليه

إدارة المنتدى شيئ مختلف عن ملكيته وصاحب الفكرة

يبقى صاحب فكرة الموقع والمنتدى من حيث المبدأ هو (عبد الرحمن الجندي) ومن حيث المنطق لا فكرة في الأمر وإنما هو أمر موجود مسبقاً للكثير من المدن, أما تميزها فيكون بأعضاء الموقع ومشرفيه

ملكية الموقع هي ملكية عامة من حيث المبدأ لأهالي المدينة وتبقى الأأفضلية لمن أسسوا الموقع ومن ساهموا مادياً في تطويره لأهمية المادة في تأمين خدماته

أما الإدارة فيجب أن تكون الأن أو في المستقبل بالانتخاب كي لا يتعرض المنتدى للضياع بغياب المدير الحالي فليس من المنطق أن يحرم أهل بانياس من منتداهم لمجرد موت أو اختفاء أو قرار من مؤسس المنتدى

وشكراً للاهتمام

طيب سؤال يجول في عقلي دائما
من هي الإدارة ؟
بمعنى عندما نرى رد للإدارة من هو الكاتب له ؟
عبد الرحمن ؟
اياس بياسي ؟
من ؟
ومن الممكن كثير يتسائل عن ذلك أيضا