قهوة سادة صباحية على (بلكونتنا) البحرية

يا سيدي شكرا على احساسك وشعورك وان شاء الله توصل بالسلامة
بس يا رجل لا تقول تحسدني "الحسد" مو كويس ولكن قول "تغبطني" وانا بتمنالك هالشعور وكل عيد وانت بخير

والله يا عبد الرحمن حرام بهيك جو راااائع تفكر بشي متل باب الحارة ....
الجلسة بتستحق شي أحلى الواحد يفكر فيه .

: كلمة ولاء كتير كبيرة على مجرد إعجاب بشخصية درامية أو مسلسل !!

شكرا عبد الرحمن على الموضوع انا كمان كنت قاعد عبلكونتنا المميزه قبال البحر بس كنت عمبشرب شاي مو قهوه وكنت عمفكر بالجامعه الي رح تبلش مو بباب الحاره

اما باب الحاره انا بظن انو عمل ناجح وشد المشاهد العربي لانو وجد فيه كتير اشياء ناقصه وبيتمنا انو تكون موجوده بالمجتمع
مثال بسيط ابو شهاب مين فينا ما بيتمنى وجود شخص في حينا او مدينتنا متل ابو شهاب بساعد الكل وبحل اي مشكله لابناء مدينتو وبيحميهن من كل خطر وحامل هموم البلد على اكتافو بكل صدق وامانه

ولا معتز مين فينا مابحب اخو يكون متل معتز بيفدي اخو بدمو وبيعمل اي شي ليرضي امو وبهب لمساعده اصدقائو
اكيد الكل بحبو يعيشو قصه باب الحاره بالواقع

حتى اني قرات باحدى الصحف انو اسرائيل درست مسلل باب الحاره بتمعن شديد
وانا براي المتواضع ما بظن اسرائيل تعمل هيك شي لهوا ولعبا

يمكن أنا من القلائل الذين لم يشاهدوا باب الحارة بالرغم من جماهيريته الكبيرة على مستوى الوطن العربي

هو نجح لأن الناس أصبحت هذه الأيام تتوق للشهامة , للأصالة وللأخلاق العربية القديمة ....

لم اشاهد المسلسل لاننا اصبحنا نعرف ما سيقول الممثل قبل كل حلقة جديدة

ربما من كثرة ما شاهدنا مسلسلات عربية من نفس النمط ..........

وعلى صعيد المنتدى نتمناه يكون كما باب الحارة من اقبال جماهيري !!!!!!!

أجمل ما في المو ضوع أغاني كاظم الساهر . .

أول الأمر بهنيك من قلبي على هالصبحية الرائعة بموقعها المميز والأغاني الجميلة
أما بالنسبة لباب الحارة أنا مجمل الحلقات يلي حضرتها منه شي 10 حلقات خلال الشهر الكريم
والولاء للمسلسل لما يحمله من قيم وعادات نفتقدها في يومنا هذا
ولأبطال المسلسل لأنهم أشخاص شاميين قديمين
يعني (جدعان) بكل معنى الكلمة
نفتقدهم في أيامنا
أما أبو عصام فقد أحدث فراغاُ كبيراً لم يملأه أبو حاتم
بس شو المسلسل ما بيوقف عند شخص
وهيك الدنيا بدها تمشي وما بتوقف ولا بتتعطل منشان شخص

يعني هو أنت مشكور على الموضوع
بس للأسف ما بعرف شو بدي احكي يعني شو هي مقومات النجاح عندك يا صديقي حتى تعتبر باب الحارة ناجح هل هو المتابعة الجماهيرية .....أو هو من مبدأ معالجة الواقع.... أو هو من مبدأ نجاح العمل إعلانياً.......أو هو من مبدأ نقل صورة الحياةالدمشقية القديمة........أو لسبب آخر

مع احترامي الشديد لفنجان قهوتك اللذيذ الذي أتوقع أن مذاقه أطيب بكثير من باب الحارة

ملاحظة بسيطة هنالك أعمال قدمت أهم بألف مرة من هذه السلسلة التي لا نعرف متى تنتهي مثال رياح الخماسين


وشكراً لك على الموضوع وعلى الفكرة