مصطلحات لادقانية

اللغة اللادقانية من أحلى اللغات اللي ممكن يسمعا الواحد
رح نبلّش بالكلمات المنتقاة من معجم أبو صطيف خبّيني الشهير و رح شكّل كل كلمة مشان تنعرع كيف عم تنلفظ

الكلمات :
اهم كلمة في اللهجة اللاذقانية هي كلمة عيّن ، حتى انو اللادقاني بينعرف من
هالكلمة ،
عيِّن = انظر
زتـّا = ارمها
اشْلفا = ارمها
ازِرْكو = احْشكو = حاصرو
خـَيسو = اضربو بالسكين
لمّط = لم = شيل
قـبّوع = كيس و تقال أحياناً للشخص الغبي بغيابو
أبتول = غبي
كريم (تلفظ الكاف متل الجيم المصرية)= كريم اللي يستعمل للدهن متل كريم الوش
تتشيّع = هادا الفعل حالة خاصّة جداّ ، لأنو يستعمل بدل أي فعل ، طبعاً و تشتقّ عنو الشايعة و الشايع ولكن طبيعة هالفعل بتنقال في حالة الاشمئزاز من شيء أو الانزعاج من شيء معيّن
مسكليتة = بسكليتة = الدراجة
ريحة = بارفان
جاكيّة = جاكيت
باكيّة = باكيت
خفّافة = بوط رياضة
عليا طول = على طول ولكن نادراً ما تسمع هالكلمة
السيبا = السلـّم
العمىىىىى = تقال في حالة الصدمة و غالباً من شي ما كويّس
كتّ = عبّي
إبّا = ارفعها
جلموء = مصلحجي
حمزة = يلي يحشر حالو بكل شي
معلاء = بيتدخل بكل شي
اسْكمْبري = نوع من السمك = جحش
اشْكمو= اخذلو
يبأبــِش = يلخْبــِص = يلعب بأصابعه
بالورب = بالمايل
عواءبك = شرف العيلة
آآآ ( مد لازم 12 حركة مع فتح الفاه ) = للتعجب و الإستفهام
اعْركا = حكّا
شْـفاتير = شفايف
كلاكيش = غراض
مأنتن = وسخ
صفدعة = ضفدعة
ملنـّص = واصل عل قمة ( توب )
ضبع = طنط
إيّاعااا = إيّا عزّةةة = شَحّاري= شحميطي ( هيدي جبلاوية ) = التعجب الكثير
مكن = قوي
عكّيد = أبضاي
عَمْشة = وسخ الانف
سأرأ = علبة معدنية
دَرْبَكو = دَعْتـَرو = اوقعه ارضا
زنزوءة = مرجوحة
شئليبة = قلّيبة
مْأنشِح = وسخ
ألشين = جرابات
ألْشِت = زحطت
أشأ = الطريق الغير معبد = خرج عن الطريق
طـَرْوَشو = صرعو
زْلاعيم = لوزات
خروء = ضعيف
اكْعَرو = اصْغـَرو = اطردو
زَمَأ = مر
بَحَت =مات
طـَشّة = أهبل
إيش ياه = شو ياه
مَكـَـنة (الكاف هون متل حرف الجيم بالمصري) = موتور
مشْنِص = نوع من الموتورات في عام ال 20
مشنص ( مصطلح ) = حظو حلو
دشّـو = تركو
أهتر = أهبل
جيعان = جوعان
هبّور = شرشوح
معتـّر = مسكين = ضريب سكاكين
تليانة = مليانة
صحفة = نفاضة سواكير
بتـّو = بنتو
أخوّي = أخي
زاوة = زاوية
هردبشت = هبور
يا بو = للمناداة
لألوء = الذي يتنقل من مكان الى آخر و يلي بيلزق عليك
عليّ ما عليّ (مع تسكين الياء) = للحلفان
مَـش = دليل على اللاشيء
إتـّة = انت
فـَهْنه = يوجد
آي = نعم
بردلي = أنا بردان
بربيش = خرطوم أو مربيش
فا = يوجد ( في واحد دخل عمحل و سألو : فا فا ؟ ( فا : نوع صابون ) ... قام قلو البياع : و الله فا بس ما فا
إسّا = لسّا
يحمّك = دعوة بالشر و الحمى
فلوكا = مركب الصيد المتوسط الطول
لنش = مركب الصيد الطويل و الكبير
بَبّور = سفينة
رَيسي = معلمي
ما عن طـَيبي = ما عن قصدي
يلعن سلسفيلك = يلعن اجدادك
لزّ = زيح = بعّد
خمخوم = الذي يحشر انفه في كل مكان
شو دحشك = شو دخلك
أتـّورة = نـَتـّوسه = أتـّوسه = شوي صغيرة
فط = نط = اقفز
خربر = مثقب وهو أداة كهربائية للنجّاريين و الكهربجيّة
حربوْء = ذكي
كـَحَشو = طردو
دَرمِل = احليء = انقلع
فوِّج = انقلع
ليش عم تزاور = ليش عم تتطلع
مسأسئ = مليان مي أو متشتش
شنتيانة = سيف طويل طري جدا للعلئة = للمشكلة
حبْكت = كمْشت = لـَنـْصِت = وصلت للذروة
يو عين = يا عين
بلعِط = لوص = تحرك بسرعة أو احتار لحالك وهي مشتقة من بلعوط و هو ابن الضفدع
قرقوعة = مهرهرة
سيبو = اتركو
شكودري = شاوي جحش
يطلع صوب برا = يذهب إلى دورة المياه
كل يوم تعا = يا ميت اهلا و سهلا بس لا بآ تعيدا
شكارة = شكيلة ، وهي كلمة سيئة للفتاة الرخيصة جداً
ولا خَي = يا أخي تقال تحبّباً أو إذا كنت آخد وش عالشخص اللي عم تحكي معو
طرْوَشو = طـَوَشو = خـَيَـلو = جنـّنو
صرْضْعو = مشتقة من الصرضعون وهو السلطعون ، الحيوان البحري الذي يمشي على جنب و معناها = جننو
طيك العوفة = يعطيك العافية
لأ ولو (مع التشديد على الهمزة في الـ لأ) = للاندهاش الشديد
بسّة = قطة
مريّة = مراية
طبعاً لسّا في كتير كلمات ،
طيكُن العوفة شبوب

والله مابعرف يوم بتتمسخر على الحلبيه ويوم على اللاذقيه اسا شايفلك رح تحكي عن بانياس

لك بانياس ام الدنيا مافيني انمسخر
الصراحة بيني وبينك تمسخرت بس الاعضاء الاكارم فتحو جبهة ضدي

حلوين لازم نفتحلهون قاموس

شكرا على تعليقاتكن الحلوة
يا سلام انا بحط مصطلحات بانياسية بس بخاف الاعضاء يفهموها غلط
بعدين ببانياس كل حارة والها لهجتها

شكرا لك يا الوسوف على المصطلحات
كتيييييييييييييير حلوين مثلك

صار بدي إدخل كورسات سورية
طبعا بعد شي ساعتين تحتى فهمت إنو لادقاني
هو من اللاذقية
عبارات بس كتير بعيدة عن المفهوم
أو يمكن عليي
مشكور على الكلمات
وهلاوغلاوالله

مشكورين كلكم