العنوسه في تزايد

لقب يطلق على النساء اذا تاخرت او لم تتزوج لا يطلق على الرجل حتى لو بلغ من العمر ما بلغ
تزداد نسبة النساء غير متزوجات في مجتمعناالعربي بشكل كبير ومن اهم اسبابها تزايد طلبات اهل العروس حتى تصل الى حد التعجيزبسب الحاله الماديه للشباب
توفر ما يلبي حاجات الشب الجنسيه من غير مسؤوليات الزواج بسبب قلة الدين و انتشار الاباحيه و الزنا

كلام صحيح100%وبراي انو سبب العنوسة الرئيسي هو اهل البنت وانا عم احكي هالحكي من تجربة شخصية وانا مستعد لسرد امثلة كثيرة من واقعنا في مدينة بانياس والكلام طويل هنا في هذا المقام لاتكفيه مجر كلمات في رد
اقول فقط حسبنا الله ونعم الوكيل

وكمان في سبب اخر وهو كثرة البنات في مجتمعنا
فلو ذهبتي إلى دائرة النفوس في بانياس لوجدتي عدد البنات يساوي ثلاث أضعاف عدد الشباب
وشكرا

وهالزيادة بالعدد كانت هيي من اهم الاسباب اللي جعلت رب العالمين يحلل الزواج اربع مرات
ولما الناس بمعظمهن تركو هالفكرة بدعو تساوي المراة والرجل
وبدعوى انو المراة لاتقبل بمن يشاركها زوجها
ومافينا ننسى الظروف الصعبة من الناحية المادية على الشب
كلو هاد تضافر وجعل العنوسة تزداد بمجتمعنا

غير هيك من اسباب تزوج شبابنا من بنات غير عريبة

أنا مع نيرفانا بكل اللي قالتو بس موضوع انه الشباب ماعليهم حكي مو سليم
لو بتعرفي قديش بيتعرض الشب للنقد وتسميع الكلام ومن العيار الثقيل جداً حتى يصل أحياناً للتشكيك بقدراته الجنسية إذا كان آدمي وبيخاف الله ومابيلحق الزنا وهالأمور
ثم أنه الشب تحت الضرب المباشر بينما البنت فيها تتوارى عن الأنظار بالبيت او بأي شي تاني المهم فيها تهرب من الواقع ولو نسبياً
أنا بشوف السبب أصلاً من طلبات الأهل وتقاليد المجتمع المتطورة بإتجاه خاطئ ولو كان هناك من يحاول الوقوف في وجهها
الشاب في بانياس يسعى لكسر هذه التقاليد والعادات وهو بحاجة لدعم حقيقي من البنات لتغييرها والتعليم والاستقلالية للفتاة من الأمور اللي بتساهم بهالشي
تعلموا يا بنات وحبونا كتير لانو الحب بيكسر كتير من الحواجز وبيهون الأمور ولكن ضمن المعقول والمنطق
ودمتم

من دون تفصيل
امها للبنت
شكرا

ليش عم تقولوا اما لبنت وليش اب شو دوره بالبيت

بس لانظلم ام او اب كمان هم بخافوا على مصلحة بنتهم

المهور التي لا تطاق التي تفرضها بعض العائلات


ابو علندى

واله يالورا صحيح مو كل الامهات متل بعضون بس في نسوان بتفلج الي عمره ما انفلج يعني ما بيعجبها العجب ولا الصيام برجب وغير مين مابيعرف شو بدها نوع العريس تبع بنتهايعني لازم تفصلها واحد تفصيل على قياسها هيي وكانها هيي الي بدها تتزوج

يا اهل ما توقفوا بنصيب بناتكم فاذا جائكم عريس ذو اخلاق و دين فزوجوه لو بخاتم من حديد الفقر مش عيب و الله يعين الشباب على هالزمن الصعب

الله يوفق الجميع يارب

وإذا ذقنا مرارة الأيام فلابد أن نغص بها..
وإن صفعتنا الحياة فلابد أن نصرخ من الألم
لا حول ولا قوه إلا بالله أحسن شي
اللهم انصر غزه

هلق ممكن نقول انو كلامكم سليم نظريا اما عمليا فالغلط كل الغلط انو نتساهل كتير كتير مع الشباب متل ماقلتو لان الشاب ومن تجربه انا شايفتها بعيني لما بيتساهلو معو اهل البنت بيتساهل هوي ببنتهم للاسف وبتتصير قدامو ولاشي لهيك منقول الوسطيه احسن حل الوسطيه لاتنسو لا الطلبات كتير ولا من دون طلبات حتى يحس هوي بقيمتها للبنت

مرحبا ..
للعنوسة أسباب كثيرة .. كل اللي ذكرتوه صحيح ..
بحب ضيف كمان سبب .. هوي الحروب ودك الشباب بالسجون ..
المشكلة هيي إنو هالشباب لما يطلعو من السجن بيجو ليتزوجو ما بيقبلو البنات اللي من سنهم وبياخدو بنات أصغر منهم بكتير ..
هيك بيكون كل بناات جيلهم صارو عانسين ..

شكرا إلكم

salam4ever كتب:يعني كبّرتوا الفلم..والقصة..وهولتوها..والواقع ما هيك...

شو رأيكن أنو من أهم أسباب العنوسة في مجتمعناهي البنت نفسها..بمعنى...دايما بتنظر للأمو أما بطريقة فوقية..أو بتلاقي حجج وعلل..أول مرة..تاني..تالت...خامس...بيبطل حدا يقرب منها هي شو خص أمها ولا أبوها؟

بعدين كله عند رب العالمين..ونصيب أولا وآخرا

كلام سليم كل البلا من البنات

انا برأيي ظاهرة العنوسة متعددة الأسباب :
1 / زيادة المهور .
2 / حجة اكمال الدراسة ( غير المعقولة الزائدة عن حدها )
3 / عضل الفتاة من قبل الأهل ( اي منع تزويجها )
4 / تكبر الفتاة في بعض الاحيان حيث انها لا تقبل باي زوج صالح مناسب بل لابد من البيت والسيارة والمحل والذهب .....خ
5 / زواج الشباب من غير بلادهم وخاصة في دول الخليج حيث يمنعون البنت من الزواج من غير المواطنين وهم يذهبون للزواج من دول أخرى


هذه بعض الاسباب التي استحضرتها حاليا
شكرا للموضوع اختي الفاضلة

غروب كتب:هلق ممكن نقول انو كلامكم سليم نظريا اما عمليا فالغلط كل الغلط انو نتساهل كتير كتير مع الشباب متل ماقلتو لان الشاب ومن تجربه انا شايفتها بعيني لما بيتساهلو معو اهل البنت بيتساهل هوي ببنتهم للاسف وبتتصير قدامو ولاشي لهيك منقول الوسطيه احسن حل الوسطيه لاتنسو لا الطلبات كتير ولا من دون طلبات حتى يحس هوي بقيمتها للبنت

البنت ما قيمتها بالطلبات ولا بالمهر العالي
ولو كان الرجل وسخ رح ينكد على البنت لو مهرها ملايين والرجل الصالح الي بيخاف الله بالبنت لو مهره البنت خمس ليرات ما رح يظلمها
وشكرا

لكان ياعمي نص الاهل مفكرين بناتهم اميرات

وما بيجوزوهن الا لعالم اغنياء و رفيعي المستوى

شو هاد يا الواحد فينا ما بيتزوج الا لما بيصير عمره فوق 30

كمان اهل العروس لازم يراعو العرسان كل ما قل المهر كل ما كانت حياة الزوجين أسهل

لانوا بهل المال فينون يعملو كتير شغلات ويسهلوا عيشتهون

يا جماعة والله العظيم بعرف اهل بنات اغنياء كتير هون ببانياس كان مهر بناتهون بليرة ذهب مو أكتر

بس يللي أكيد والمفروغ منه المأخر لازم يكون على أكتر من استطاعة العريس (نوعا ما )

مشان ما يشلحها لما يمل منها