منتدى موقع بانياس والساحل الرئيسي

أهلاً بكم في منتدى موقع بانياس والساحل الرئيسي

بتسجيلكم والدخول الى حساباتكم تصبحون قادرين على المشاركة وارسال المساهمات وتبادل المعلومات والرسائل الخاصة مع باقي الأعضاء ضمن حدود الإحترام..

نرجو منكم الالتزام بالأخلاقيات العامة واحترام الآخرين وارسال المساهمات ذات القيمة المضافة وذكر مصدر أي معلومة جديدة تضيفونها الى المنتدى في مشاركاتكم تحت طائلة العقوبة..

شكراً لإهتمامكم

انضم إلى المنتدى ، فالأمر سريع وسهل

منتدى موقع بانياس والساحل الرئيسي

أهلاً بكم في منتدى موقع بانياس والساحل الرئيسي

بتسجيلكم والدخول الى حساباتكم تصبحون قادرين على المشاركة وارسال المساهمات وتبادل المعلومات والرسائل الخاصة مع باقي الأعضاء ضمن حدود الإحترام..

نرجو منكم الالتزام بالأخلاقيات العامة واحترام الآخرين وارسال المساهمات ذات القيمة المضافة وذكر مصدر أي معلومة جديدة تضيفونها الى المنتدى في مشاركاتكم تحت طائلة العقوبة..

شكراً لإهتمامكم

منتدى موقع بانياس والساحل الرئيسي

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

+6
الحق الواجب النظام القوة
soso
OUBAI
نجمة بانياس
محمدعثمان
إياس بياسي
10 مشترك

    قضايا مفتوحة

    إياس بياسي
    إياس بياسي
    رئيس "هيئة التحرير" .. نائب "الإدارة العامة"
    رئيس


    ذكر عدد الرسائل : 1198
    العمر : 45
    العمل/الترفيه : Graphic Designer
    المزاج : مقبول
    تاريخ التسجيل : 06/10/2007

    فري زون
    ملاعب بانياس الساحل: eiasb@hotmail.com

    قضايا مفتوحة Empty قضايا مفتوحة

    مُساهمة من طرف إياس بياسي 9/2/2009, 19:43

    مرحبا..
    موضوع قضايا مفتوحة يعنى بكل القضايا.. سأشرح مقترحي
    كثير من مواضيع المنتدى قد لانستطيع الرد أو المشاركة بها
    إلا أننا نحتاج للتعبير عن آرائنا أحياناً إلى من يبدأ بالحديث..
    ثم إننا نرى في كثير من الموضوعات أنها قد بدأت بفكرة وأغلقت على فكرة أخرى دون أن نشعر أننا عبرنا عنها
    تماماً كما تمليه علينا شخصياتنا الحقيقية.. لذلك:
    فإن قضايا مفتوحة هو موضوع لطرح كل شيء بأبسط لغة كانت..
    اطرح هنا كل فكرة تحب أن تثيرها وتناقش بها في كل شؤون الدنيا
    اطرح مسألة تقلقك مثلاً .. أو مسألة تملك لها إجابات كثيرة .. أو مسألة تحب أن تعرف رأي الآخرين فيها بكل بساطة
    أو حدث ما أثارك اليوم وتحب أن تشارك به الآخرين .. أو فرح تحب أن تشعر الناس به معك
    أو قضية مستعصية, ولم تجد لها إجابة.. أو عُرف تحب أن تعترض عليه .. أو رأيك بمنتديات بانياس بشكل عام وخاص
    سلبياً كان أم إيجابياً ومايزعجك به أو ما يجعلك تتعلق به.. أو ... أو ... أو...
    أي شيء من شأنه أن يجعلنا أننا نعالج ونناقش قضية جادة ومهمة ومفيدة..
    إذاً.. في كل شؤون المجتمع والإنسان .. بأي لغة أحببت ..وببساطة
    ..
    لا أريد أن أضع مثالاً هنا حتى لايصير كأنه الموضوع الأوحد وتتم المناقشة فيه
    هل أنتم مقتنعون بهذا؟
    من سيطرح موضوعاً الآن؟
    محمدعثمان
    محمدعثمان
    إبن البلد
    إبن البلد


    ذكر عدد الرسائل : 707
    العمر : 35
    الموقع : pk125s@hotmail.com
    العمل/الترفيه : حاليا طالب....... علم
    المزاج : هاليومين بس مزهزه.....
    تاريخ التسجيل : 24/11/2008

    فري زون
    ملاعب بانياس الساحل: ممكن ليش لأ .....

    قضايا مفتوحة Empty رد: قضايا مفتوحة

    مُساهمة من طرف محمدعثمان 9/2/2009, 20:22

    عفوا ولكني لا أرى أي قيمة مضافة فأي موضوع يمكن المناقشة فيه محل مانو نازل
    هذا رأيي أو بركي انا ما فهمت الفكرة
    مشكور اياس
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 9/2/2009, 20:34

    مرحبا ..
    يا ريت توضح أكتر يا صديقي ..
    ما بعرف شو أصدك . بس يعني المواضيع اللي ما منقدر نشارك فيها لسبب ما رح نرجع نفتحها هون ونشارك فيها ونثيرها ..
    هيك أصدك ؟؟
    بتصور نفس القصة ..
    إياس بياسي
    إياس بياسي
    رئيس "هيئة التحرير" .. نائب "الإدارة العامة"
    رئيس


    ذكر عدد الرسائل : 1198
    العمر : 45
    العمل/الترفيه : Graphic Designer
    المزاج : مقبول
    تاريخ التسجيل : 06/10/2007

    فري زون
    ملاعب بانياس الساحل: eiasb@hotmail.com

    قضايا مفتوحة Empty رد: قضايا مفتوحة

    مُساهمة من طرف إياس بياسي 9/2/2009, 20:42

    mohamad كتب:عفوا ولكني لا أرى أي قيمة مضافة فأي موضوع يمكن المناقشة فيه محل مانو نازل
    هذا رأيي أو بركي انا ما فهمت الفكرة
    مشكور اياس
    ممكن يكون معك حق.. يا mohamad
    رح ضيف شرح صغير تفصيلي..
    مثلاً كالمواضيع التي بدأت بمسائل الفتوى التي عرضت في خبر وتعليق
    وانتهت إلى الآن بمناقشة أفكار قد لاتمت بصلة إلى الموضوع الأساسي..
    فمثلاً: موضوع "حياتي كلها لله" عن الأغاني .. أو غيره .. كثيراً ماينتهي بأفكار تشذ عن الموضوع..
    هو أو غيره من الأعضاء الذين ينشرون مواضيع كثيرة.
    هنا.. لايمكن أن يقول لك أحدهم أنك قد خرجت عن الفكرة أو تناسيتها لعرض وجهة نظر أخرى فتأخذ بالحديث والحوار نحو فكرة أخرى
    الأفكار هنا وإبداء الرأي مفتوح..
    يمكنك أن تنشيء قضية وتناقش بها وتبدي رأيك ومن يريد طرح أفكار شبيهة خلال الحديث فليفعل..
    إلا أنها قد لاتتصل مباشرة بالموضوع وهذا "جائز هنا"..
    ..
    وصلت؟
    ولا تحتاج لمزيد من التفصيل؟
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 9/2/2009, 20:48

    مرحبا ..
    وصلت يا صديقي ..

    مشكور .. وأنا سأبدأ ..
    الله جميل ويحب الجمال ..
    ماهو تصوركم لهذه المقولة .. وماهو الجمال ومواطنه برأيكم ؟؟
    محمدعثمان
    محمدعثمان
    إبن البلد
    إبن البلد


    ذكر عدد الرسائل : 707
    العمر : 35
    الموقع : pk125s@hotmail.com
    العمل/الترفيه : حاليا طالب....... علم
    المزاج : هاليومين بس مزهزه.....
    تاريخ التسجيل : 24/11/2008

    فري زون
    ملاعب بانياس الساحل: ممكن ليش لأ .....

    قضايا مفتوحة Empty رد: قضايا مفتوحة

    مُساهمة من طرف محمدعثمان 9/2/2009, 20:54

    أخ zorba69 انا أرى من وجهة نظري أن المقصود هنا أن يعتني الانسان بنفسه
    وبالنظافة ويكون شكله ولبسه مرتب لا يكون مبهدل
    وليس مقصود عمليات التجميل
    وانا ما بقصد انو الواحد لازم يشتري كل غراضو من ماركات وووو ...الخ..
    لا ولا كل ما بدو يطلع يحط جل لا
    الاهتمام بحالو كيف ما يكون وشو ما يلبس
    نجمة بانياس
    نجمة بانياس
    بنت البلد
    بنت البلد


    انثى عدد الرسائل : 637
    العمر : 30
    العمل/الترفيه : Born 2 be A star .... or a Student
    المزاج : Mnee7
    تاريخ التسجيل : 07/12/2008

    فري زون
    ملاعب بانياس الساحل:

    قضايا مفتوحة Empty رد: قضايا مفتوحة

    مُساهمة من طرف نجمة بانياس 9/2/2009, 20:56

    أو فرح تحب أن تشعر الناس به معك

    نجحت الحمدلله
    بالنسبة للفكرة مقتنعة (بعد التوضيح) ....لأنو في كتير ردود متل ما وصفتا تشذ عن الموضوع

    شكرا استاذ إياس
    نجمة بانياس
    نجمة بانياس
    بنت البلد
    بنت البلد


    انثى عدد الرسائل : 637
    العمر : 30
    العمل/الترفيه : Born 2 be A star .... or a Student
    المزاج : Mnee7
    تاريخ التسجيل : 07/12/2008

    فري زون
    ملاعب بانياس الساحل:

    قضايا مفتوحة Empty رد: قضايا مفتوحة

    مُساهمة من طرف نجمة بانياس 9/2/2009, 20:58

    بالنسبة لفكرة زوربا
    طبعا الله جميل و يحب الجمال
    بس الجمال جمال القلب و الأخلاق قبل جمال المظهر
    و هادا ما بينفي إنو نحسّن من مظهرنا و نعتني بأناقتنا ....
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 9/2/2009, 20:59

    مرحبا ..
    يا محمد الجمال مجالو كتير كبير مو بس اللي حكيت عنو ..
    الجمال موجود في النظر والسمع واللمس والشم والتذوق ..
    أي منظر جميل بتشوفو بتسبح الله عليه وكذلك أي شي جميل بتسمعو وأي شي بتلمسو وأي شي بتشمو وأي شي بتتذوقو ..
    كلو هالجمال بيشعرك بعظمة الخالق وجمالو ..
    محمدعثمان
    محمدعثمان
    إبن البلد
    إبن البلد


    ذكر عدد الرسائل : 707
    العمر : 35
    الموقع : pk125s@hotmail.com
    العمل/الترفيه : حاليا طالب....... علم
    المزاج : هاليومين بس مزهزه.....
    تاريخ التسجيل : 24/11/2008

    فري زون
    ملاعب بانياس الساحل: ممكن ليش لأ .....

    قضايا مفتوحة Empty رد: قضايا مفتوحة

    مُساهمة من طرف محمدعثمان 9/2/2009, 21:02

    لا ابدا يا نجمة بانياس الله طبعا بيطالبنا بجمال القلب والاخلاق ولكن
    أيضا إن رأيتي شخصا في الشارع ومبهدل ومشرشح وشكلو بيقطع الرزق
    وانت مش مسلمة وهو مسلم
    اي شو رح تكون ردة فعلك رح تاخدي فكرة سيئة عن الاسلام وانو هدول مبهدلين
    ومش بشر وووو من اسماء متعددة يمكن أن تطلقيها عليه
    محمدعثمان
    محمدعثمان
    إبن البلد
    إبن البلد


    ذكر عدد الرسائل : 707
    العمر : 35
    الموقع : pk125s@hotmail.com
    العمل/الترفيه : حاليا طالب....... علم
    المزاج : هاليومين بس مزهزه.....
    تاريخ التسجيل : 24/11/2008

    فري زون
    ملاعب بانياس الساحل: ممكن ليش لأ .....

    قضايا مفتوحة Empty رد: قضايا مفتوحة

    مُساهمة من طرف محمدعثمان 9/2/2009, 21:03

    نعم أخ زوربا هي فاتتني من اللي كتبتو معك انا
    لازم الواحد يعتني بأناقة كل شيئ من حوله
    مشكور
    إياس بياسي
    إياس بياسي
    رئيس "هيئة التحرير" .. نائب "الإدارة العامة"
    رئيس


    ذكر عدد الرسائل : 1198
    العمر : 45
    العمل/الترفيه : Graphic Designer
    المزاج : مقبول
    تاريخ التسجيل : 06/10/2007

    فري زون
    ملاعب بانياس الساحل: eiasb@hotmail.com

    قضايا مفتوحة Empty رد: قضايا مفتوحة

    مُساهمة من طرف إياس بياسي 9/2/2009, 21:27

    الحبّ ... مدينة من مدن الجمال أيضاً
    الموسيقى الجميلة التي قد ترقى بنا إلى مصاف الملائكة .. هي أيضاً من ضروب الجمال
    الرّحمة .. جمال في الروح

    أما الوجه الحسن .. فإنه أحد معايير الجمال, الذي يقيّم أيضاً بمستوى الجاذبية له مثلاً
    أو بقدرته على عكس الراحة فيمن ينظر, أو بثّه لأحاسيس الرضا والقبول حتى ولو كان بـ "تكوينه الفيزيائي"
    لايدخل ضمن معايير "الجمال" التي يؤخذ بها مثلاً في مسابقات ملكات الجمال..
    شكراً لاسترسالكم..
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 9/2/2009, 22:46

    مساء الخير
    اقتراح جيّد... وربما سينتهي المطاف بنا هنا على سطح كوكب آخر
    بالنسبة لتساؤل "زوربا"... فعلاً كم نسمع تلك المقولة وكلّ يراها على هواه...
    الجمال... هو البساطة بكل شيء... لا تصنّع... لاتكلّف
    والجمال ليس وقفاً على الأجساد..!
    فالبحر ومداعبته للأرض... جمال
    والغيوم... ورقصها في السماء... جمال
    همسات الثريّا الخجولة مع القمر... جمال
    ...
    ولكن صلاة الروح في محراب الطبيعة... هو قمة الجمال
    والكلام عن الجمال لا ينتهي...
    OUBAI
    OUBAI
    خيرة شباب البلد
    خيرة شباب البلد


    ذكر عدد الرسائل : 457
    العمر : 44
    العمل/الترفيه : ManyThings
    المزاج : Always in love
    تاريخ التسجيل : 05/04/2008

    فري زون
    ملاعب بانياس الساحل:

    قضايا مفتوحة Empty رد: قضايا مفتوحة

    مُساهمة من طرف OUBAI 9/2/2009, 23:31

    بعد كلامكم يا شباب و خاصة ميسون ما ضل شي ينحكى .. بس بقول:

    كلّ شيء تنظر اليه بحب و ينتمي للإيجابية فهو غاية في الجمال.
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 9/2/2009, 23:54

    كتير حلوة فكرتك يا إياس كالعادة
    وبما انو زوربا كتب بأنو
    الله جميل يحب الجمال
    احدى المواد التي قدمتها هالفصل هي (الفكر الجمالي)تتناول حديث 12 فيلسوف عن الجمال
    ورح شارككن اما هون او بموضوع مستقل عن اهم ما يتضمن مذهب كل فيلسوف عن الجمال
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 9/2/2009, 23:57


    شكرا رئيس التحرير ... رائعة جدا فكرتك

    مع أني أستغربت قليلا ,,نفس الفكرة خطرت لي ( ربما صدفة هي أو توافق أفكار)

    قضايا مفتوحة .. عنوان جميل لأمور قد تبدو لا شأن لها مع أنها تشغل مساحة كبيرة من

    التفكير......

    شكرا zorba .. سؤالك جميل جدا

    الجمال ليس محدودا أو متناهيا .....

    هو واسع وسع الكون بتفاصيله الصغيرة .....بألوانه .. بأحيائه وبكل ذرة فيه

    هو جمال الروح و الجسدأيضا .. جمال الطبيعة بكل طيوفها

    أمثلة عن الجمال...

    ضحكة طفل بريء.... ابتسامة خجلى في وجه حسن .. قلب عطوف ..

    مطر يغسل الأرض ..... قطرات ندى تتمايل مثقلة أوراق الصباح .. سكون ليل

    وقد أبدو سطحية ان قلت أن جمال اللباس (الأناقة) له أهميته عندي كما دوما هو جمال

    الداخل والأخلاق ....

    ..وعذرا لاطالتي
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 10/2/2009, 00:47

    الجمال..الحب..الرقي في المشاعر..تلك نسمة حياة..تلك ليست بقضية..ولا نقاش فيها..إنها كلمات تؤخذ بمجموع المشاعر..وبأغلبية ساحقة..

    بس في قضية صرلها كم يوم شاغلتلي بالي..وباعتبار إياس قال قضايا..شو رأيكن أسألكن فيا؟؟ فيدوني أرجوكم..

    من كم يوم..كنت عم شوف تلفزيون..وانتبهت على شغلة: المسلسلات الشامية..فيها شغلة مميزة جدا وهي "الكبير"..يعني رأس الحارة أو العيلة..مثلا الزعيم ومن بعده أبو شهاب بباب الحارة..وبعدين أبو الحسن بأهل الراية..وقيس على ذلك..

    خلتني هالشغلة فكر..أنه يمكن غياب هالكبير من حياتنا وهيبته هي اللي مودايتنا ورا.. يعني حسب المتل الشعبي صرنا هلأ( أنا أمير..وأنت أمير مين بدو يرعي هالحمير....)

    بجد..بيقول المتل المصري (اللي مالو كبير بيشتري كبير)..نحن ملاحظين هلأ أنه ما حدا بيهاب ولا بيحترم حدا؟

    وأنه صفت الدنيا خرابة والبيت اللي بده يخرب بيخرب لأنه العيلة مالها كبير وكل واحد ماشي بكيفه..

    لما شفت هاللقطة بأهل الراية حسب ما فهمتا لأني مش متابعة كتير..قاتل من برا الحارة..ومقتول من أهل الحارة..وإجوا المذنبين عند كبير الحارة وقدموا مدري شو..

    بس الحلاوة أنه الكل كانوا ناطرين عالباب..وبدن ينتقموا...وكلن رجال وبشنبات وما ناقصن شي..لما كبيرن قلن عندي..الكل سكت ورضي..ياترى عنا هلأ شو كانوا عملوا؟؟كانوا قتلوا الكبير واللي اتشددله...

    ياترى..بتتمنى نرجع بس بهي الشغلة لورا؟
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 10/2/2009, 01:09

    ههههه عجبني متل " أنا امير وانتي أمير... مين بدّو يرعى هالحمير"... ياستّي لما حضرت مسلسل "باب الحارة" و" أهل الراية" كنت دايماً اسأل حالي: ياترى فعلاً كان في هيك كبارية بالحارات والمجتمع الشرقي القديم؟ المثالية اللي شفتا بشخصيات الكبارية بهالمسلسلات ومقارنتا مع سوء الحال بهالأيام... خلّاني استبعد فكرة وجودا... شفتا حلم وقررنا تمثيلو... وأحياناً كنت حسّا متل العقوبة للمشاهد منشان يتحسّر ع شي بيتمناه يكون موجود ومانو موجود..!
    ياريت يصير عنّا كبارية بهيك أخلاق وهيك هيبة
    إذا بتذكري حلقة من بقعة ضوء اللي كانو فيها معترضين على غياب أبو عصام من الجزء التالت بباب الحارة... هون فعلاً بتلاقي كبارية المجتمع الحالي...
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 10/2/2009, 01:19

    كان في كبارية أي..أنا لحقتن لما كنت صغيرة ..لفترة من الزمن ..أنو العيلة ألها كبير والله يرحمه الشيخ عبد الرحمن عيروط كان كبير ببانياس وكلمته ما بتتنى ..هلأ تعي شوفي.....ياعيني..لا حدا بيسمع كلمة الأكبر ولا حدا عاجبه..أصلا صاروا الناس نفسن بيقلولك(أسألك نفسي أنا شو بدي لحط حالي بوجعه هالراس..) واتفرجي لا الشب بيكن ولا العيلة بتترابط والبيوت لاحقها الخراب..وكل مانا لورا..
    soso
    soso
    بنت البلد المميزة
    بنت البلد المميزة


    انثى عدد الرسائل : 596
    العمر : 40
    العمل/الترفيه : المطالعة
    المزاج : متقلب
    تاريخ التسجيل : 12/05/2008

    قضايا مفتوحة Empty رد: قضايا مفتوحة

    مُساهمة من طرف soso 10/2/2009, 01:24

    وجهة نظر تانية للموضوع

    لما تهمو بنتو لكبير الحارة باهل الراية بانها زنت وجابو شهود زور وحلفو يمين كزب على القران حتى الكبير والفهمان بالحارة صدق الناس وشك بتربايتو لبنتو واخلاقها

    المغزى اذا بيجو هيك ناس مثاليين على حياتنا المليانة تزوير وغش وخداع ما رح يقدر يعمل شي

    ولا يغير شي

    شكرا سلام وشكرا لاياس على القسم الجديد
    OUBAI
    OUBAI
    خيرة شباب البلد
    خيرة شباب البلد


    ذكر عدد الرسائل : 457
    العمر : 44
    العمل/الترفيه : ManyThings
    المزاج : Always in love
    تاريخ التسجيل : 05/04/2008

    فري زون
    ملاعب بانياس الساحل:

    قضايا مفتوحة Empty رد: قضايا مفتوحة

    مُساهمة من طرف OUBAI 10/2/2009, 01:28

    ندى الأيام كتب:كتير حلوة فكرتك يا إياس كالعادة
    وبما انو زوربا كتب بأنو
    الله جميل يحب الجمال
    احدى المواد التي قدمتها هالفصل هي (الفكر الجمالي)تتناول حديث 12 فيلسوف عن الجمال
    ورح شارككن اما هون او بموضوع مستقل عن اهم ما يتضمن مذهب كل فيلسوف عن الجمال


    ناطر هالمشاركات يا ندى الأيام. تحياتي الك Smile
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 10/2/2009, 14:55

    مرحبا ..
    مشكورين جميعا عالمرور .. ميسون وإياس وأبي ..
    فيولا شكرا إلك كلامك عن الجمال أعطاه جمالا أكثر ..
    سلام شكرا إلك بس هيك انتي فتحتي موضوع جديد ..
    يا لا خلونا نحكي عن الإيام الخووالي والقيم والكبارية وما إلى ذلك ..
    شكرا لكم
    إياس بياسي
    إياس بياسي
    رئيس "هيئة التحرير" .. نائب "الإدارة العامة"
    رئيس


    ذكر عدد الرسائل : 1198
    العمر : 45
    العمل/الترفيه : Graphic Designer
    المزاج : مقبول
    تاريخ التسجيل : 06/10/2007

    فري زون
    ملاعب بانياس الساحل: eiasb@hotmail.com

    قضايا مفتوحة Empty رد: قضايا مفتوحة

    مُساهمة من طرف إياس بياسي 10/2/2009, 23:28

    على سيرة "الكبارية" .. وانو أنا أمير وأنت أمير مين رح يرعى الحمير..
    هاد المتل كان والدي يقلي ياه..
    هاد متل الإيميل الي يمكن وصل لأغلب الناس عن "الفريق العربي" و "الفريق الياباني"
    كيف أنو الفريق الياباني نجح بالتجديف لأنو على رأسو مدير واحد ينسق الأمور
    أما العربي .. ففشل لأنو كل أعضاء الفريق مدراء وواحد بس الي عم يجدف..
    ...
    من جهة أخرى:
    نظام المدراء عنا بسوريا مثلا مابيسمح للي صار مدير يرجع على رتبة موظف عادي..
    أما في أغلب بلدان العالم فإن الذي يصبح رئيس وزراء ممكن يرجع وزير..
    هلأ ليش هيك القانون ماعرفت..!!
    ياريت حدا ينورنا
    محمدعثمان
    محمدعثمان
    إبن البلد
    إبن البلد


    ذكر عدد الرسائل : 707
    العمر : 35
    الموقع : pk125s@hotmail.com
    العمل/الترفيه : حاليا طالب....... علم
    المزاج : هاليومين بس مزهزه.....
    تاريخ التسجيل : 24/11/2008

    فري زون
    ملاعب بانياس الساحل: ممكن ليش لأ .....

    قضايا مفتوحة Empty رد: قضايا مفتوحة

    مُساهمة من طرف محمدعثمان 10/2/2009, 23:32

    عنا العربي عقلو ما يستحمل انو ينزل لتحت ما بيعرف غير يطلع لفوق
    كيف ليش وين ايمتا
    المهم لفوق
    Anonymous
    زائر
    زائر


    قضايا مفتوحة Empty رد: قضايا مفتوحة

    مُساهمة من طرف زائر 10/2/2009, 23:34

    على حكيك يا اياس انا دايماً بفكر انو كل شخص تكسرت مرتبته او نزل درجة عن السلم
    إما بيقعد ببيته او بيطق عقله او بينتحر
    لانو متعود دايماً على الطلعة
    بس ليش هيك القانون اكييييييييييييد ما بعرف

      الوقت/التاريخ الآن هو 25/4/2024, 15:49