شباب ظالم ببانياس

والله ياصاحبي كل كلمة التها بمكانها الله يكون بالعون شي بيوطي الراس ويا ليتهون بس بيكتفو بالكلام اللي قلتو واللي ضافو ابو عبيد عنهم لا والاوسخ من هيك انهم بدهون يصيروا رجال بكير بيقوموا بيدخنوا ويتعاطوا الممنوعات وبيقوموا بكل عادة قذرة بيسمعوا عنها وهيك بفكرهون انهم بيصيروا رجال وراح عن بالهن انو الرجال هو اخلاق انو الرجال هو اللي بيحمي بنت بلدوا وبنت دينو مو اللي بيلطش عليها وانو الرجال هو اللي بيعرف يطلع لقمة العيش من دون ما يشحدها من احد باي طريقه وممن كان وما بيعرفوا على غشمنتهون انو الرجال اللي بيفوت بمشكله وبيحلها مواللي بيعمل مشاكل وبياكل اتله بالاخير وفاتهون انو مو الرجال اللي بيغدر وانو موالرجال اللي بيشحد من شان يشتري ممنوعات يتخلى فيها عن عقلة وانو مو الرجال اللي بيلف على راسه بوشيه وبيحط على خصره سكين وبيطالع نصها من شان العالم تشوفها وتخاف منه وهو بالاصل ما بيخوف جاجه وانو الرجال اللي بيعرف يصون عرضه ويكفي اهل بيته واذا دورت على اهلهون اللهم عافينا (الا ما رحم ربي) بس بتعرف محمد مو الحق عليهون الحق على اهلهون بس للاسف اهلهون مانون فاضيين والحق علينا نحن لازم كل واحد مننا كل ما شاف واحد منهون يخبزوا قتله يكسرو فيها وانا هيك كنت اعمل بس كمان ما مشي الحال لانو كل ما واحدهون اكل قتله بيصير عكيد اكتر وخليها لله شو بدنا نسوي ما لنا الا تساعدنا الشرطة وتحبسهون كلهون بس كمان ما بيمشي الحال لانهون بيصيروا بعدين معترين اكتر وخريجين حبوس وبمعتقدون انو هاي شغله كتير كويسة وخليها لله اعذرني على الاطالة بس موضوعك كتيير عجبني ولازم الواحد يشبع وهو عم يرد
خي جهاد الله يخليك هلق لا دقق على الكتابه والاخطاء الاملائيه لاني انا بحب اكتب هيك بالعاميه تقبل احترامي
وشكرا الك محمد والله يخلصنا من هيك ناس وهيك تربايه