مغتربي بانياس: بين مطرقة الوطن وسندان الزمن

كثيراً ما يتردد هذه الأيام الحالة التي وصلت اليها الأوضاع في دول الاغتراب وخصوصاً الخليج والامارات العربية وبالتالي دبي الأسطورة على وجه التحديد.
حديث متواصل عن قوافل قادمة من المغتربين السوريين والعرب الى بلادهم مع نهاية الموسم التعليمي نهاية الشهر السادس , وأخبار متقطعة عن تحول مدن الثراء الفاحش الى مدن اشباح حتى بات المغترب يعمل ضعف الفترة السابقة ولا يستطيع تأمين حياته وبقاءه في تلك البلاد.
هل انتهى عصر الخصب وبدأ موسم الجفاف أم أن آلهة الخصب عادت الى موطنها الأصلي في ربوع الشام وستعود المياه لمجاريها وتنبع من ينابيعها؟
دمتم

معك حق عبد الرحمن انا مبارح كنت عم احكي مع قريبي وقللي انو دبي صار اسمها مدينة الاشباح
وكتير ناس عم تتفيش وقال في شي 40 الف لبناني كمان عادوا غير السوريين
الله يوفق هالشباب كلهم

شكرا عالمشاركة والاهتمام
طبعاً الأزمة نسبية وليست على نفس المستوى من الخطورة في المناطق المختلفة
دبي مثلاً عاصمة المال وليس فيها شيء او قيمة لا ترتبط بالمال ولهذا كانت من اكثر المتأثرين بالازمة , فلا رابط بين الناس والارض هناك وانما المال هو المحرك الاساسي لكل شيء
دمتم

شكرا اخي عبد على الموضوع الجميل ---بس انا عندي توضيح حول الوضع بالامارات ----وهو انو الناس مضخمة الامور كتير -صحي انو الامارات تأثرت بالازمه العالميه الاقتصاديه بس الحمد لله مو بالشكل اللي الناس متوهمته - اولا هي متل ما تفضلت دبي هي الاماره الوحيده اللي متضررة - وفي قطاع البناء فهو الجال الوحيد الذي بان فيه التاثر الكبير - بس يا اخي عبد الناس اللي تعودو على التويوتا لاند كروز 2009 -او الانفنتي بنت سنتها - او اللاكذيس - ما عاد بيرضو يركبو تويوتا كورولا - او امثالها من السيارات او تعودوا على ان يستأجرو بيت ب150 الف درهم بالسنه لا يستطيعو ان يسكنو بيت ب20الف - ودواليك .......ولكني ابشرك والحمد لله بان دبي بدأت تتحسن احوالها بفضل الله عز وجل بعد أن قدمت امارة ابو ظبي المساعدات ..............ولكن مما لا شك فيه من يستطيع العوده الى الوطن والعيش به لن يقصر

اي والله الوضع الاقتصادي هون متدهور والشغل خف كتير عن اول بس لساتنا موجودين بهالبلاد ومستمرين فيا لحتى يصيرو الصغار كبار بس اللي شايفتو انو مو الوضع الاقتصادي اللي رح يخلينا نرجع للبلد لاء هلق صار في عنا انفلونزا الخنازير وبظن هيدا اللي رح يخلي كتار عايشين باوروبا يرجعو اذا لا سمح الله صار وباء عالمي لان الواحد بيقول طول ماني عم اشتغل رح ابقى بس لما بيوصل الامر للصحه بيقول يا فكيك

لا تعليق

عم يقولو هون انو الوضع رح يرجع يمشي بعد شي شهرين
بس ما رح يرجع متل ما كان قبل سنة, رح يرجع متل ما كان من حوالي 8 سنين
يعني لما كانت عملية البناء ماشية بسرعة معقولة ومنطقية
مرة في محلل اقتصادي قلن نحنا ما وقفنا بس كنا متل السيارة اللي ماشية 180 وهلأ بدنا نمشي 120
في محلل تاني كان عم يدافع عن دبي قلن انو طبيعي اللي بيكون راكض يتفركش و يوقع, بس رح يرجع يركض
بس اللي نايم ع الكنباية اكيد ما رح يتفركش
انا بتمنى لدبي كل خير بس بالنهاية في شي غلط كان عم يصير واللي عايش بالامارات بيشوفه بعيونه
يعني كانت عم تنبنى ابنية باعداد خرافية, واغلب اللي رح يسكنوا بهالابنية هني اللي رح يشتغلو بالابنية اللي رح تنبنى بعدها, يعني منطقيا مبين انو في شي غلط لانو المرافق الحيوية اللي عم تعملها دبي و اللي بدها موظفين جدد ما رح تحتاج موظفين بهالعدد اللي عم يحضرولو شقق
وفي شي الو علاقة بالفساد المالي بشركات العقارات وبالاسعار غير المعقولة اللي وصلتلها العقارات هون من حيث سعر البيع و الاجار
من كام يوم طلع الشيخ محمد بن راشد وقال انو ذروة الازمة مرقت وهلأ عم ترجع الامور تتحسن
بس حسب ما عم نسمع انو التفنيش ماشي وباعداد كبيرة و الله يسترنا

شكرا للجميع عالفائدة والمشاركات القيمة
هلا بيك بالوطن مستر اياس وانت حضار بيحضر واجبك
أحلى (بلاك سي) والله
دمتم

مرحبا
معكم حق ياجماعة عنجد الازمة بدبي رهيبة
كنا نروح من الشارقة لدبي بساعتين طبعا من الزحمة
بس هلأ ولا أحلا أبعد مشوار لدبي بدو ربع ساعة

شكراً لمشاركاتكم الطيبة اصدقائي وننتظر المزيد منكم
دمتم

يااخوان ليش كل هل التشائم صحيح دبي اكتر شي تأثرت بالأزمة بس مو بالشكل الي عم تحكو عنو
الحمد لله على كل حال