تعو شوفو بالصور مين المضرر الأول من هدم أصر تحوف

ذكرتو أهم الشخصيات لعاشت بهاد الأصر بس ليش ماذكرتو الأطط ولا هدون مانون خلئة ألله أصلاً هني أكبر المضررين من هدم الأصر بحكم إنون كانو ساكنينو من عشرات السنين يمكن أبل ما تتشكل مديرية الأثار وهون بدي إلقي الضو على الأجواء ليخيمة على عيلة الأطط لساكنة باالأصر أبل الهدم بيوم لتشوفو المأساة بعينا

هاد أحد الأطط لساكن تحت مقر البلدية بجانب النهر وهوي من الشّماتة إجا عميخبر الأط لساكن باالأصر بطريئة لئيمة وعم يئلو طبعاً بااللهجة البانياسية
شو ياحبيب آل بوكرة الهد ها هيك سمعت طول بالك حيوتي إتي




وهاد القط لساكن باالأصر عميئول بقرارة نفسو يلي بيحط أملو بمديرية الأثار متل ليميمارس الفروسية عاال 0000 ولك كيف بدنا نخبر المرا والولاد





وهون وأت عرفت مرتو بعئت بهداك الصوت وكانت إنجلطت




وهون على شدة الصوت حسّو ولادا وهاد كان عم يئلا خير شبك ياإمي



وهون وأت عرف أخو التاني عمل مناحة وبلش ينوي باالمئلوب



وهون نهار الخميس وش الصبح تركو الأصر وراحو عخان بيت ياسين




ولنهار الخميس بعد الضهر مكان أبون لل إطط مسداء إنو بدون يهدو الأصر لحتى شاف بعينو
إيه بشرفي إجو






وبهيك منكون شفنا إنو المضرر الأكبر من هدم أصر تحوف هني الأطط يلي كانو ساكنينو من عشرات السنين وبالنسبة إنو خسرنا معلم أثري هاد صحيح بس السائح الأجنبي مجرد ما إجا عبانياس وباالنسبة للمقارنة بين بلادو وبانياس مارح يختلف معنا على 200 سنة لمعلم نحنا شايفينو أديم باالنسبة للحضارة المعمارية الفذة ببانياس لأن السائح بيشوف حضارتنا المعمارية بيبانياس مقارنة مع بلادو من ناحية الجمال والتنظيم أكبر أنتيكا وبمقدمتا مديرية الأثار
هاد الموضوع ترفيهي بس مابيعني إني عم إسخر من بعض الأراء المؤيدة أو المعارضة بيبئا الصح صح والخطأ خطأ وإذا في خطأ بيكون من مديرية الأثار لأنو هي المسؤلة عن حماية الأثار وحاجة نحمل غيرون الذنب 0 باي

هههههههههههههههههههههههههههههههههههههههههههههههههههههه

لا تعليق ... !!

ههههههههههههه
موضوع نهفة
شكرا على الموضوع فادي

شكراً صديقي فادي ولو كانت حركة مزح وترفيه بس فينا نعتبرها نوع من الترويج للموضوع حتى لا حدا ينسى
بس هيدي فكرة أنو السائح بيشوف حضارتو وتقنيات البناء عندو أرقى ما عجبتني كتير وبصراحة حساباتك مو مظبوطة ورح نعتبرها نكتة
يعني كونو القصر مسكون بالقطط والفيران من عقود هيدا بياخد عدة أبعاد
الأول أنه دليل على قدمة اذا كان مسكون من القطط من عقود اذا كان مسكون من البشر من قرون
الثاني هيدا لازم يحسدونا عليه السياح الأجانب لأنو بيدل على الإهتمام بحقوق الحيوانات عنا اذا القطط والفيران بتسكن قصور عنا
.
.
دمتم على رواء

عبد ... نسيت قلك .. حليان بهالصورة ..
.
.
دمت على وفاق

والله طلعت يا فادي مانك قليل

الأسيف شكراً لقراءة الموضوع ومتل مائلت حليان عبد


مشكور أبو الفدا ونشالله تكون عجبيتك


كيفك عبد هيئتك إساك متوتر منيح من ورا هاالئصة من شان هيك فهمتني غلط أنا لئصدتو إنو السائح وهو تشبيه بليغ إنو لو بدو ينهد الأصر ويطلع محلو شي تحفة معمارية كنّا إلنا بس بدو يطلع محلو بناية عادية بتنعد أنتيكا باالنسبة للحضارة المعمارية عند الأجانب وطبعاً ماكل الأجانب فهي المقارنة بين العمار الحديث ببانياس وبين لعندون باالغرب فمن شان هيك إلت مرح تفرء معو ومبين هون إنو في بكلامي نوع من السخرية بشكل عام ومافي تنين براسون عئل بيختلفو على الأصة لصارت بس الزبدة باالموضوع إنو المسؤلية كلا بتوئع عامديرية الأثار والأستئثار بئا خي عبد إنت روء وإذا ضلت هيك بدي إنجبر إفصلك من المنتدى وأحلى عبد شكراً كتير


the man بربك كلامي مانو مظبوط يعني مكان ساكن في إلا البسينات متل مابيئولو باالبانياسي بئا حرام نسلط الضو على هاالشريحة المضطهدة شكراً إلك مرة تانية

صحيح عمارتنا ببانياس أكبر أنتيكا نسبة للتطور المعماري عندهم

دمك خفيف جدا جدا فادي وخاصة بفكرة هجرة القطط الى خان بيت ياسين

و الموضوع ظريف كتييير بغض النظر متل ماقلت عن رأينا بهد القصر

شكرا

aomoonlight مشكورة كتير وخان بيت ياسين جنب محلاتنا من شان هيك إجا ببالي وهونيك في مئات الإطط يعني بيتسلو وخصوصاً بعد ماإجو عربابات السمك صار وسط تجاري إلون وشكراً مرة تانية


روز سوريا متل مابيئولو شر البلية مايضحك مشكورة كتير كتير

الله يحلي ايامك يا أسيف وشكراً
ولا يهمك خي فادي لكن على ما يبدو في عالم انبسطت كتير لما شافت الموضوع أقل احراجاً اله عالمستوى الشخصي ولا قت باب تدخل منو
بس بسيطة الجد جاي بهاليومين ورح تنكشف الروس كلها
.
.
دمتم برؤوس

لا يا جماعة انا بريئ من الموضوع ما حذفت شي بالعكس في ناس عم تحذفلي وتعدلي
عالأقل رجاع كتوب التعليق يحيى من جديد بيبين من محتواه مين ممكن يكون الجاني لأنو بلوحة الإدارة مو مبين شي وهالشي ما بيصير الا بحالة انك ما ضفت المساهمة عالموضوع ويمكن بالغلط صارمعك
عالعموم فيك ترجع تضيفها
.
.
دمتم