خبراتكم يا ستات البيوت

مرحبا جميعا :
يا ريت لو كل ست بيت تفيدنا بمعلومات عن تجاربها و خبراتها اللي صارت معها

مثلا اي منتج استخدمته حسيته افضل من منتج
او جهاز معين استفادت منه اكتر من تاني
اواني و مستلزمات مطبخ استفادت منهم بشغل المطبخ
يعني في شغلات كتير بتمر على ست البيت ممكن تفيد اللي حواليها منها
و اسئلة ممكن نطرحها على بعض لنستفاد
؟و انا حابة اعرف منكم شو نوع الطناجر اللي حسيتوها افضل شي بالطبخ و بتبقى لوقت اطول من غيرها

مشكورة كتير سوسو(اذا بتسمحيلي دلعك) على هالمعلومة المهمة اللي أخد فيها ان شاء الله
بس دخلك بكم سعرهم ببانياس اذا ما فيها سئلة
مشكورة بنت الساحل على مرورك الخفيف

لا مو مشكلة ما تغلبي حالك انا قلت بسألك إذا عندك علم
مشكورة بكل الاحوال على تواصلك

الله يبارك فيكي عزيزتي شمس و شكرا كتير للمعلومات و لتفاعلكم
جزاكي الله الجنة

شكرا صبايا على هالمعلومات
ياريت يكون في تفاعل اكبر من بقيه الاعضاء

مشكورة اختي العزيزة و ما توفيقي الا بالله على مرورك العطر
و بالفعل كنت بتمنى يصير تفاعل اكتر من هيك
على كل نحن بالانتظار

انا بصراحة عندي اسئلة كتير بس حاسة حالي رح كون مزعجة اذا بقيت اسال لوحدي
على كل رح اطرح اسئلتي
بالنسبة للبراد و البوتوغاز و الغسالة الستانلس ستيل عمليين اما لا
و يا ترى موجود فرع لايكيا بسوريا اللي هو مختص بفرش المنازل او معرض مفروشات مشابه اله للفرش المودرن

و مشكورين سلفا

من لاحظ انه بهالشوب البرغش بيزيد و بيبقى كتير مزعج خصوصا بالمطبخ انا كنت سمعت عن حل هو انه نوزع نعناع اخضر حوالين المكان اللي بيتواجد فيه فحبيت جرب بما اني جربت جهاز البف بف و ما مشي حاله
المهم طلع بالفعل النعناع مفيد بهالمشكلة
ابقوا جربوا و خبرونا لنشوف برغشكم متل البرغش اللي هون مزوق اما بده روح النعناع

الله يجزيكي كل خير اختي العزيزة شمس على المعلومات نورتي الموضوع يا شمسنا المنورة نهار و ليل
و ندى الايام عزيزتي متابعتك للموضوع و مرورك كتير بيسعدوني بتشكرك و ان شاء الله عن قريب منفرح فيكي و بتصير احسن ست بيت ان شاء الله

أيكيا موجود عدنا بالسعودية وما أظن أنه متواجد بسوريا هونيمكن بالشام متل ما قال شمس -وأدوات المطبخ الستانلس جيدة متوافرة بسوريا وببانياس ومتل ما قال شمس بدها كتير عناية-بالنسبة للنعنع ما جربت بس جربت الكمون للنمل مشي الحال كتير وخاصة أنه عندي صغيرة بالبيت فبنفس الوقت ما بيسمم -بهالنزلة لفتني زيادة الحشرات بالبيوتلازم يصير عنا بسوريا متل الخليج مكاتب متخصصة بطرد الحشرات ورش المنازل

أسعدني مرورك اختي فلورا
بشكرك على المعلومات المفيدة
هو ايكيا غالبا مش موجود بسوريا بس لازم يكون في معارض على نفس المبدأ مودرن يا ترى حدا عنده معلومات عن اسم شي معرض و موقعه

شكرا كتير للجميع