وصل إلى إدارة الموقع بخصوص أحداث بانياس الأخيرة بتاريخ 11/4/2011

الى ادارة مشفى بانياس الوطني الكرام

انا نسرين فندي ممثلة خريجة المعهد العالي للفنون المسرحية و مقدمة برامج اطفال في التلفزيون العربي السوري القناة الفضائية.. السادة الكرام اود الاستفسار عن الطريقة التي نستطيع بها ان نشارك معكم في الوقت الراهن بما نستطيع .. تبرعات او اذا كان من الممكن التطوع للمساعدة انا و اصدقائي نود المساعدة فعلا ... الرجاء الرد انا لست منظمة في اي تنظيم و دافعنا شخصي غيور على دم السوريين .. وشكرا لكم


نعتذر عن التأخير بعرض الرسالة نتيجة الأوضاع الأمنية السائدة في بانياس خلال الأسبوع الماضي

هاد الإعلان مابفيدنا يا سيد ( مدير المنتدى المبجل ) لأنه ممنوع على أبناء بانياس التداوي في تلك المجزرة المعدة لنا

ياريتك ماكنت نشرت هالخبر عنا هون بمنتدانا

على كل حال في أحداث كتيرة بتطلب منك تسجل موقفك هلأ يا عبد الرحمن وياريت تكون على قد مسؤولية الحدث متل ماعودتنا عليك

دمتم مسؤولين

موقفي واضح من أول لحظة لأني مع التغيير والاصلاح والتظاهر السلمي وسبق حكيت هالشي لكن في ظل هذه الأحداث الأخيرة التي لا أستطيع تفريغ ما في جعبتي لأحد فيها حفاظاً على سلامة أهل بلدي ما فيني غير قلك "حسبي الله ونعم الوكيل" و"إنا لله وإنا إليه راجعون"وأنا نادم لأنو كان إلي دور بشي نتيجتو اللي صاير و"حيران" وبقلك بناء على هالشي "اللهم أشغل الظالمين بالظالمين وأخرجنا من بينهم سالمين يارب" يعني اللي بدو يخرب سواء كان بيناتنا أو بالأمن أو حتى بالجيش

أما بخصوص المشفى الوطني يا عزيزي الصح أنو جماعة البلد خايفين يوصلوهن عالمشفى الوطني تجنباً لانن ممكن يتعرضو للإعتقال وليس المنع من قبل المشفى وحليب الأطفال والخبز "غير متوفر" نتيجة الاغلاق وظروف أمنية بالبلد وليس "ممنوع" والله على ما أقول شهيد
..
.
ودمتم بخير