مسابقة: عمل ميّزك عن الآخرين

شو معقول هيك
هلأ حتى اكتشفت انو ما بعرف شي

ممممم طيب انا رح احكي عن شي ولو خارج اطار المسابقة

الفكرة كانت تصنيع جهاز طبي

اثناء عملي باحدى الشركات التي تستورد الاجهزة الطبية ومن خلال الاحتكاك الدائم مع الوسط الطبي
لم الاحظ أي جهاز طبي صناعة محلية... الا بعض المحاولات البسيطة والتي كانت تقليد اعمى للاجهزة
الصينية
معظم المستوردين ببلدنا بيجيبو اجهزة من الصين بسبب الاسعار المنخفضة لهذه التجهيزات
ولكن بما انو مابتهمهم الا مصالحهم الشخصية تناسو ان هذه الاجهزة غير موثوقة ويمكن ان تودي بحياة المرضى
كنت دايما فكر انو نحن نملك العقول لماذا لانبدأ .. لماذا لانحاول؟؟؟؟
في احدى المرات كنت باحد المشافي في مدينة حلب ولاحظت طفل خديج موجود بحاضنة اطفال صينية
ووصل الطفل لمرحلة الشواء دون ان يراقبه احد وحتى الحاضنة ماعطت انذار ولا أي تنبيه بهذه المشكلة
ومن هنا خطرت ببالي فكرت تصنيع شي مختلف
بلشت ادرس الفكرة واسال الاطباء شو الاشيا اللي ممكن يحتاجوها بحاضنة اطفال شو الافكار اللي ممكن تخدم المريض
تكونت الفكرة بذهني وقررت انو ابدأ بالتنفيذ
وركزت على موضوع وجود فريق عمل وليس العمل وحيدا وذلك حتى تكون الجودة اعلى والافكار اغنى
تكون فريق العمل من ثلاثة اشخاص مني انا كمختص بالامور الطبية والاكترونية.. ومن زميل كان يعمل للعمل على الهيكل والشكل العام للجهاز وملحقاته .. والثالث لتصنيع الهيكل والامور الميكانيكية
على مدى اول ستة اشهر تم وضع الافكار ورسم المخططات ( الدارات الاكترونية) ولم يتم الاستعانة بمخططات جاهزة كم يفعل الكثيرون
ايضا تم اجراء الاختبارات على نوعية القطع المراد استعمالها واستقرارها الحراري
طبعا نحن ما منقدر نشتغل كل الوقت لانو عنا دوام ومسؤوليات بالشركة اللي منشتغل فيها
كنا نشتغل ع مشروعنا بقترة الاستراحة الضهر وبعد الدوام الليلي وايضا ايام الجمع والعطلات الرسمية

بعد سنتين من العمل المضني والمجهد جدا اصبح مشروعنا بحيز الوجود

مواصفات الجهاز الجديد:
كانت المواصفات مميزة جدا ولايوجد أي جهاز بالاسواق لا امريكي ولا ياباني يضاهي مواصفات مشروعنا
حتى الموثوقية كانت مضاعفة ثلاث مرات وتم وضع دارات اضافية حتى في حال فشل دارة معينة يتم التحويل بشكل الي على الدارة الاحتياطية
اذا في حدا هون بيعرف بالامور الطبية رح يعرف من المواصفات اللي رح اذكرها اديش عملنا كان مختلف

هلئ فكرة الحاضنة بشكل عام تعتمد على تامين جو صحي للطفل الخديج وذلك برفع حرارة حجرة اصطناعية والمحافظة عليها وايضا التحكم برطوبة هذه الحجرة
جهازنا:
- يتحكم بالحرارة عن طريق سخان رئيسي واخر احتياطي يعمل حالتين
1- الحاجة الملحة للحاضنة وعدم الرغبة بالانتظار حتى الوصول الى درجة الحرارة المناسبة
2- في حالة فشل السخان الرئيسي يعمل الثاني عوضا عنه بشكل الي

- قياس نسبة الاكسجة بدم الطفل وحساب عدد دقات قلبه
- قياس عدد مرات التنفس واعطاء الانذارت في حال تخطي الحدود الطبيعية او المرضية
- مراقبة حرارة جلد الطفل بشكل دائم
- التحكم الاكتروني بالرطوبة
- مراقبة وزن الطفل بشكل دائم
- سعرها لايشكل 20 بالمية من سعر باقي الاجهزة القريبة من مواصفات جهازنا
- قطع التبديل متوفرة بالاسواق المحلية بشكل كبير وبسعر منخفض جدا

بعد الانتهاء من الاختبارات تم وضع الجهاز بعدة مشافي من اجل الاختبارات العملية ومعرفة اراء المستخدمين

متل مابيقولو راحت السكرة واجت الفكرة.. بلشنا ندور عالتمويل حتى نقدر نصنع
سالنا بعدة بنوك والكل قالولنا مافي غير مكافحة البطالة هم المسؤولين عن هيك امور
بعد يومين انتظار على باب مركز مكافحة البطالة قدرنا نقابل احد المسؤولين فيه
استمع النا بانصات وكتير شكرنا على تعبنا وقلنا بحييكم مشروعكم مافي منو بسوريا وفكرة كتير ممتازة
ياريت كل العالم تفكر متلكم... بس مابقدر اعطيكم مصاري.. سالناه ليش؟؟؟
قال لازم نشتري الات حتى يوافقو يعطونا قرض.... رجعنا شرحنالو انو نحن اللي بدنا نصنع الالات ما بدنا نشتريها... نحن محتاجين مصاري لشراء مواد اولية وعمل القوالب اللي منحتاجها واننا مستعدين لتقديم كل الضمانات المصرفية..... بس للاسف دون نتيجة... ومن وقتها قررت الرحيل والسفر الى أي مكان.......

طولت عليكم بس هيدا كان العمل وهيدا كان الوجع
احترامي للجميع

مالقيت عندي صور لكل الجهاز.. انما لقيت صورتين للوحة التشغيل والاظهار

إدارة : خجلتنا بهالموضوع والله !!!!!!!

أما sailor : فصدقني كنت رح أتفاجأ لو حدا اهتم بالموضوع ....بس مع ذلك المهم الواحد يعمل اللي عليه .

عند نشر الصور المسيئة للرسول صلى الله عليه وسلم
أحببت أن أستنكر هذا العمل الإجرامي من قبل الرسام الدنيماركي
بأن دعوت لمظاهرة وتجمع أمام مدرسة ابن خلدون في يوم من تلك الأيام وقمت بنشر المنشورات التي ملأت
جامع الفرقان ومدرسة عماد عرنوق وكثير من المناطق
ولكن ماميزني أني فشلت بذلك رغم تجمع العديد من الناس وبعض المعلمين
وذلك بسبب استنكار الأمن البانياسي لهذه المظاهرة وأوقفوها على الفور وخصوصا أنها من قبل فتاة وأيضا دون إذنٍ منهم
فعاد ذلك علي بالضرر لا بالنفع وعشت كم يوم رعب برعب وذلك بسبب
أن الأمن العسكري والسياسي والتربية طلبتني حاضرةً
ولكن لفلف الموضوع على أنه عمل أولاد
ولكن شعرت بالتميز بين الكثيرين والفخر والإعتزاز بنفسي
وتمنيت أن أكون قبل ليلة في دمشق لأشاهد السفارة الدنيماركية وهي تحترق وتدمر
ونرفع راية الإسلام عاليا
تمنيت أن أرفع صوتي لأدافع عن الصادق الأمين الذي ليس بحاجة لصوتنا لأن الله معه

i have great works in my life
but the greatest one, i had where i give you

best regards

لو بتسمع مني يا عبد ترجع تكتب بالعربي
لانو بعيد لعنك ما الكل بيعرف english

طبعا كبيرتنا الها فضل على الجميع و الف شكر الها

اما المتوكل على الله اهلا وسهلا بك

وفقك الله

بدها صفنة

يا أصدقائي لازم يكون عند كل شخص فينا شي مميز بحياتو وميزو عن غيرو عالأقل
المعروف عن البانياسية انه ما بتحكي حدا منهم الا بيطلعلك بأمجاد وأعمال شخصية غيرو ما عملها ولا بيعملها
وين هالأعمال.؟؟
دمتم

أنا و أعوذ بالله من كلمة أنا
أول عمل مميز عملتو هوي إني قليت بيضة
وتاني عمل حطيت لساني فوق أنفي
تالت عمل رسمت يحيى بسنوات الضياع وأسمر بوتمضي الأيام و رسمت أساتذتي
بدون سخرية عم بحكي جد
والعمل القادم_رح بنسحب من البكلوريا
وإذا ماعملت هالعمل
رح أعم عمل مميز كتير..رح برسب

العمل الحقيقي إني رسمت الإبتسامة على وجوه كتيرين
وزرعتلن الأمل اللي أنا بحاجتو

صارت ميزة قليلة عند الشباب في ايامنا صار كل واحد بدو يوصل للقمة بسرعة ليش الواحد مابيطلع السلم درجة درجة ويحسب خطوتو صح قبل مايمشي ومشكورين ماعندي اكثر من هيك وبعتقد الموضوع واضح

انا عملت شي بس كتير صغير بس احسن من ولا شي
انا الي رفيقه بالجامعه هي مسلمه بس ماكانت بتعرف تصلي
المهم تاثرت فينا وتعلمت الصلاه
بس لما كانت تسافر رفيقتا لبلدها ماكانت تصلي وكانت تجمعون
ولما سالتها ليش قلتلي انو بالغرفه يعني بالسكن الجامعي بتصلي بتياب رفيقتها
ولما بتروح رفيقتها مابعود عندها تياب صلاة فهديتا تياب صلاه
هو عمل صغير مابيستاهل ذكرو
بس حبيت قول انو اي عمل ولو كان صغير بس بيترك اتر

كمان بتذكر اني ساهمت بحمله عمرو خالد ضد المخدرات
وصورنا انا ورفقاتي المنشورات ولزقناهون بكليتنا وبشوارع الاذقيه
بس للاسف كنت بتمنى انشر هالمنشورات ببانياس
وطبعا لاني بنت مانزلت ولزقتون انا بالشوارع وللاسف مالقيت حدا يساعدني بنشرون
متل ماقلت هو مو عمل كبير
بس احسن من ولا شي

انا كمان رايي متل اخي يحيااا ليش لواحد مننا ما بيطلع الدرج خطوة خطوة ليش الاستعجال اما بلنسبة الي فانا انسان عادي وما بحب كون مميز الا بنظر الاخرين وشكرااااااا

ممممممممم بدا تفكيييييييييير كتيييييير بس فكرة حلوة

ليش ها التشاؤ م يابانياس عم ازرع ورد جديد وبسيط كل موسم بشكل مختلف روائح عطرة ومنظر جميييل اتمييز بهذا العمل ومانو سهل عن غير ي من المحيطين واعتز وافتخر بنفسي ..............................ياسمين ........ حبق........جوري......
ورد حديث وملون........

لدي الكثير وربما لا يوجد في حياتي ماليس مميز أيها البوس
ولكن سأترك الباب مفتوحاً للجميع وفي النهاية سيكون مالدي
..
.
دمتم على وعد

ronaldo7 كتب:انا عندي فكرة جديدة لسا ما نعملت شو اللي بيضمنلي انو ما تنسرق الفكرة ؟؟؟؟ وانا ما عم احكي عن الجميع كبعا بس الا ما يكون في قلة بتعمل هيك شغلات وعلى فكرة انا قبل ما اكتب هالكلام كتبت نص الفكرة .....وبعدين قلت بركي حدا اخدها ..........

صديقي نحن هنا نتحدث عن (عمل ميزك عن الآخرين) وليس (فكرة ميزتك عن الآخرين)
أي إذا كنت لم تقم بتنفيذ الفكرة فلا تحدثنا بها هنا
..
.
دمتم مميزين

أنا ألفت رواية رومانسية رائعة حسب ما قلي إستاذ العربي بس لهلق ما قدرت نشرتا
واسمها الصراع مع القلب ورح أكتب لمحة عنها :
القلب ذاك الجزء الحساس موطن أرق المشاعر والأحاسيس وأنبلها كيف من الممكن أن يكون عدواً***
جمان فتاة عمرها18سنة طالبة في المرحلة الثانوية مشاكة ونزقة ترفض الحب*******
أحمد ابن خالتها القادم من الخارج والذي ربطته بها وصية جدهما بشكل غريب
وتستمرالقصة مع محاولات أحمد التقرب منها ورفضها له رغم مشاعر الحب التي بدأت تسطو على قلبها
فهل يبقى أحمد رقيقاًمتسامحاً مع هذه القطة المتوحشة الصغيرة كما تقول عنها أمها