~" أبو حيدر "~ !!! ""رمز من رموز بانياس""

أبو حيدر وقهوة البحر\\وجهان لعملة واحدة

لطالما اقترن ها الإسمين ببعضهما
حتى أنك بس تذكر القهوة فورا بيخطر ببالك أبو حيدر ومعسلاتو اللذيذين وشاياتو اللي بطيرووو العقل

وبما أنو بهالايام "برمضان" عميتعذب كتير لاقيت أنو من واجبي أذكر خدماتو الجليلة لأهل البلد بهالمنتدى

والله يا حرام بهالايام بتلاقيه هلكان شي رايح بكاسة شاااي وشي راجع بأركيلو
وشي فحم بالروحة و فنجان قهوة بالرجعة
وعن جد أنو شغلو هاد بالقهوة خلَا إسمو يرتبط باسمها
ولأني وعدتو اليوم أني رح أكتب موضوع عنو وعن خدماتو للقهوة
بتمنى أنو تكونو قدرتو مكانة هالزلمة بالقهوة واللي ما بيعرفو يكون تعرف على دورو الرئيسي والحساس

ممكن البنات ما يفهمو مكانة أبو حيدر بالقهوة بس متأكد أنو الشباب كلهون اللي قرأو هالكلام بيعرفو شو معناه

معك حق بلا ابو حيدر القهوه ما بتسوى شي بس ما لازم ننسا حسين وديبو

اي معك حق يا أنس بس أبو حيدر زينة القهوة و سيد مين عمل راس أرجيلة وهو الكل بالكل لهيك حكيت عليه وبس

بس يا ريت المرة القادمة يا سيد memololoاذا بدك تكتب موضوع يا ريت يكون شوي بالفصحى....معقولة دكتور اضرب واطرح وكاتب الموضوع بلغة المقاهي....

بالتوفيق لأبو حيدر

شكرا على الرد الثمين سيد جهاد وانشاء الله دائما نستفاد من ردودك المفيده

سمعت عن ابو حيدر من أصدقائي الذين يسكنون بانياس وهم من زوار القهوة

ولكن ليس هذا ما أريد أن اتوقف عنده بل نقطتين

1- ماذكره الصديق أنس .....معك حق بلا ابو حيدر القهوه ما بتسوى شي
ما تنسى كمان رئيس البلدية

2-ما قالته سلام: حلو...صرنا بالقهاوي...فخامة والله.

كتير حلو الرد ومعك حق بس شو بدك تعملي ........لا تندهي.....

شكرا للمرور الكريم ست لوتس

والشكر موصول لأنس وجهاد والحق الواجب النظام القوة

ويا آنسة نور أنا بقدر أكتب بالفصحى بس أنا كاتب بالعامية لأنو الموضوع بيسلزم هالشي
يعني مو حلوة نحكي عن القهوة متل كأننا كاتبين مقالة

ويا سيد جهاد شكرا كتير كتير كتير عالرد البناء وما تواخزنا أخدنا من وقتك بعينك الله

ياسيدي الكريم بالرغم من عشرتي الطويلة مع هذا المقهى إلا أنه بدأ مؤخرا يتحول إلى ظاهرة مرضية في مدينتي الحبيبة
من ادمن على الجلوس فيها لن يتركها بسهولة.
لنذهب أنا وانتم ونلقي نظرة فيها من هم روادها
هم على الشكل التالي
طالب بكالوريا في عز أيام دراسته يترك الجمل بما حمل ويتخذ له مكانا على طاولات القهوة
طالب جامعة طنش عنها واستبدل باختصاصه علم الشدة وفنونها
رجل متزوج يشتهي أولاده أن يرو ووجهه وهو لايبرحها حتى تغلق
تقبلو اختلافي بكل حب
مع تحياتي الجزيلة لكاتب الموضوع ولابوحيدر

.اي شو هالتمييز
يعني ليش قهوة البحر للرجال فقط
لازم نحتج يابنات ويا ستات

شو بدك تعملي ياندى بعدين
هي الشغلة الوحيدة اللي باقيتلنا وما ممكن النسوان ياخدولنا هيي لهالمصلح
والله حرام عليكون
داقت عينكون عالقهوة
بس خلص ولا يهمكون لا تزعلو أنا رح أحكي مع العكيد أبو حيدر وخليه يحط طاولات على جنب للستات
بس بدكون تجو ها ما تخجلوني قدام الزلمة!

وشكرا للأخين خريستو على المرور والآراء المتناقضة لكليهما

وبقول لخريستو الله يردك بالسلامة

أما الهارب فبدي قلو أنو هيك همل صنف بالقهوة وهنن شباب بانياس الجامعيين أحلى عالم وكلون بينزلو عالقهوة وأنا وأنس و جهاد منهون نحنا بس مننزل لنتسلى بالوقت الفاضي ولنشوف بعضنا ونتفرج عالبحر والكورنيش

كلامك درر يا حبيبنا خريستو
وشكرا على المرور الجميل

salamat mn fadi la abo haydar wa dibbo wa hesen amani ya memololo etwasel alsalam shokran elak ektir ektir wakllo la abo haydar eza emsajal shi ala aldaftar ymsaho ha ha walla ahlla mawdooh

أهلا وسهلا فادي بالمنتدى وعقبال لما منشوفك بالقهوة وبأذن الله رح وصلك سلامك وخلي يمسح عنك الحساب
وشكرا الك عالمديح للموضوع والله أنت محلاه