ادخلو شوفوا مدارس بانياس الساحل

تذكير بمساهمة فاتح الموضوع :

الحقيقة انا اليوم ما جبت الكن صور لمدارس بانياس جبتلكن موضوع فظيع بمدارس بانياس للاسف الاغلب لا يعلم به او حتى ان كان يعلم به فهو لا يعلم خطورة هذا الامر
اكيد الكل بيعرف بالاختلاط عندنا بالمدارس بين الشباب والبنات مو هيك
طيب مناظر الطلاب بالصف بين شباب وبنات مع بعض حلوه او مناظر ان كل شب واقف يتكلم بزاوية من الباحة مع صديقته {حبيبتو} الي ما بتمدله باي صلة طيب
الحقيقة انا شفت هذا الشيء بعيني وانزعجت منه كتير
بتمنى تكتبولي رايكن بهذا الموضوع حتى لو كنتوا مع هذا الامر ام ضده مو مشكلة

the man

مشكورة يا RoOoRoOo
على تعليقك الحلو

اكيد الاختلاط سبب اساسي لانحراف طلاب المدارس لانو بهالعمر بتكون العاطفة عند الجنسين باوجها واحيانا حتى لو كان الشخص متربي منيح ببيت اهلو رفقاتو بيجرو وبياثرو عليه وبينحرف متلهم لهيك انا ضد الاختلاط سواء بالمدارس او الجامعات

أصدقائي ..



انتم على العين والراس وكلامكم كلام الغالبية بالبلد حسب الاستفتاء اللي جرى بالموضوع اللي قام عليه الشاب (أحمد الشغري) وتابعه رئيس التحرير إياس بياسي معه باهتمام والشكر لهما ثم جرى العمل على موضوع آخر بين طلاب الجامعات خارج بانياس, ولكن.... هذه مجرد محاولة وينقصها الكثير من الخبرة في تحديد العينات المناسبة وهذا كان اعتراضي على الموضوعين منذ البداية للأهمية البالغة.

أن يكون رأي الغالبية من أساتذة وطلاب "لا اختلاط" لا يعني أنه كلام سليم بل يعني أنه مريح أكثر لهم لا أكثر ...

يعني شو بدهم الأساتذة غير يرتاحوا من مسئوليتهم بحل مشاكل طلابهم ... علماً أنها رح تتضاعف بحالة الفصل بين الطلاب بهيك أيام

وشو بدهم الطلاب غير يرتاحوا من مشاكل المراهقة بدل ما يواجهوها ... علماً أنهم رح يواجهوا مشاكل مضاعفة بحالة الفصل

ونحنا شو بدنا غير نحط الحق على أقرب (سبب) مناسب وخصوصاً إذا الدولة وراه - ولا تقولولي مو طائفية – لانه واضح شو رح يكون ردكم لو كانت المدارس مفصولة ببانياس والمشاكل أضعاف زي مدارس حلب والشام اللي صار فيها عصابات, وأبسط شغلة بيصير بدها بانياس ضعف المدارس الموجودة.

يعني يسأل عن هيك أمور الأخصائيين, والأخصائيين فقط مو الأساتذة اللي أغلبهم أخذها وظيفة ومهنة لا أكثر ولا أقل ...

فيكم تستفتوا الموظفين بأي شركة شو بيفضلوا؟ طبعاً باستثناء اليابان

وظيفة بمشاكل وتفكير, أو بلا مشاكل وبلا تفكير

طبعاً ما حدا بحب المشاكل بس المشاكل موجودة معنا وبمدارسنا وين ما كنا بسوريا ولا بأوربا ولازم يكون في مين يحلها مو يتهرب منها .. ربك اللي خلق الاختلاف

أغلب مشاكل المراهقة واقع لا مفر منه بالمدرسة وخارجها, على الأقل الغلط بهيك عمر ممكن الناس واللي خلقها تغفروا بس اللي بيغلط بعمر كبير نتيجة عقد نقص بالمراهقة مين رح يغفرلو وخصوصاً اللي عم نسمع فيه كل يوم من هون وهنيك.

يعني يصير فصل بالجامعات ولا يصير بالمدارس, مو أفضل؟

وللي مفكر أنه أوربا مثل أعلى لازم تعرف أنه نحنا بدنا مدارس مختلطة وفيها تربية أخلاقية ودينية, مو مدارس أوربية ولو منفصلة بلا تربية ولا دين ولا أخلاق.

وأنت يا "مشرف الدين الإسلامي" بعرف أنه الدين عند الله واحد, كيف صارت تعاليم "الإسلام" غير تعاليم "المسيحية"

لا تقول هاد غير "الدين" اللي نزل فيه عيسى عليه السلام, لأنه اللي عم تظهروه بديننا غير الإسلام اللي نزل فيه محمد عليه الصلاة والسلام ...

الكل بيعرف انه بانياس ويمكن طرطوس المحافظة الوحيدة بسوريا اللي فيها اختلاط, بالله شوفوا معدل التراجع الأخلاقي بين بانياس وباقي مناطق سوريا بتلاقوا بانياس جنة ولا تضطروني جبلكم معلومات تفصيلية بالموضوع ويمكن من خارج سوريا من السعودية والإمارات مثلاً ... عندي قصص كتير وبيناتنا اساتذة كتير بالخليج يحكوا ويعطوا رأيهم

وللحديث تتمة .... دمتم

عبد الرحمن الجندي كتب:أصدقائي ..





أن يكون رأي الغالبية من أساتذة وطلاب "لا اختلاط" لا يعني أنه كلام سليم بل يعني أنه مريح أكثر لهم لا أكثر ...

يعني شو بدهم الأساتذة غير يرتاحوا من مسئوليتهم بحل مشاكل طلابهم ... علماً أنها رح تتضاعف بحالة الفصل بين الطلاب بهيك أيام



يعني يسأل عن هيك أمور الأخصائيين, والأخصائيين فقط مو الأساتذة اللي أغلبهم أخذها وظيفة ومهنة لا أكثر ولا أقل ...



وظيفة بمشاكل وتفكير, أو بلا مشاكل وبلا تفكير



الكل بيعرف انه بانياس ويمكن طرطوس المحافظة الوحيدة بسوريا اللي فيها اختلاط, بالله شوفوا معدل التراجع الأخلاقي بين بانياس وباقي مناطق سوريا بتلاقوا بانياس جنة ولا تضطروني جبلكم معلومات تفصيلية بالموضوع ويمكن من خارج سوريا من السعودية والإمارات مثلاً ... عندي قصص كتير وبيناتنا اساتذة كتير بالخليج يحكوا ويعطوا رأيهم

وللحديث تتمة .... دمتم

اولا انت لست مدرسا او معلما حتى تقدر المتاعب التي يلاقيها المربون في مدارسنا...هذه مناظرة او تنظير منك لاأكثر ....ولعلمك بانياس قبل الاختلاط لم يكن فيها مشاكل مطلقا ...المدينة صغيرة والكل يكون على علم بالشاردة والواردة...لم نسمع بقصص الحب والغرام وفلان تصيّد فلانة من قبل. او فلانة من الطالبات حامل
..
هل تنكر ان هذه القصص صحيحة أولم تحدث ؟

وهل تعلم لمَ الأساتذة يريدون ان يرتاحوا من المشاكل ...مع انهم دائما يساعدون ويسهمون في حلها ...لان وظيفتهم التربوية يُضاف اليها التعليمية ...متى سيقوم الاستاذ بواجبه في التعليم طالما ان المشاكل لا تنتهي ...هذا الكلام لا يصدر عن عاقل يعرف مهام الاستاذ المربي
ويطلع على همومه في المدرسة اضافة الى همومه المنزلية ..الا يحق له ان يرتاح ؟

ولماذا يجب ان تكون الوظيفة بمشاكل وتفكير ....لمَ لاتكون بلا مشاكل ولا تفكير حتى يتسنى للاساتذة اداء واجبهم على اكمل وجه ...

وليكن بمعلومك ان وظيفة المربين في المدارس هي من اسهل الوظائف لاتعب فيها ولا عناء ...اذ غالبا ما يكتفون بأخذ الطالب المشاغب ويوسعونه كلاما لايليق بمربين هذا ان لم يوسعوه ضربا .
القصص وكثرتها تتناسب طردا مع اتساع بقعة المدينة يا استاذ عبد الرحمن ...ولان بلدنا صغيرة قصصها قليلة ...وقصص المدن الأكبر هي اكثر بالطبع .

سيدتي المعلمة الفاضلة
ربما لم أمارس مهنة التعليم بالمدرسة مثلكم ولكنني مارستها بأتعس صورها في الخدمة العسكرية ولا تستغربي فالفتيات كانوا في الحقل حول العساكر وفي القرى المجاورة وفي عقولهم طيلة اليوم وعملي كان توجيههم وتحذيرهم ومعاقبتهم اذا تطلب الأمر

ومارستها في كل حياتي التي هي عبارة عن تقشف ونصيحة وموعظة وتكبر على كل واقعي ومجتمعي وحتى أصدقائي المقربين فأنا لا أتوقف عن التفكير والتحليل في هذه الأمور والبحث عن حلول لها

ومارستها في هذا الموقع الذي يزورني يومياً أعضاؤه الكرام من المراهقين واليافعين وأنا علي توجيههم وإرشادهم والتوفيق بينهم وبين الأعضاء والمشرفين القديرين وحتى رئيس لتحرير أحياناً (وليغفر لي هذا) ولا تنسي ما كان رأي في الاشكاليات التي حصلت في الفترة السابقة

ليت كل المدرسين مثلك في التربية والاهتمام ومتابعة الطلاب كالأبناء
ليت كل المدرسين يمتلكون الوقت الكافي للقيام بمهام إضافية مع التعليم

ولكن أنا أقول اللي بيشوف حاله مو قد هالمصلحة ما يشتغلها واللي صاير أنها أسهل طريقة للحصول على وظيفة والسفر أيضاً

لا تقوليلي قصص حب وغرام وحمل (ويمكن الاستاذ هوي الأب قبل الطالب) وما بعرف ايش اذا بدي تقارني مع أي منطقة خارج بانياس حتى لو جبلة لا زم تضربي ب 100 ضعف وجبلة مو اكبر من بانياس بكتير

ثم أقول لك شكراً جزيلاً على تأكيدك على كلامي بخصوص ما يريح المدرسين وهي مشكلتنا ونسيتي أن التعليم تربية ومسئولية أكبر ولكن أين المعلم القدوة

وشكراً لك على رأيك

عبد الرحمن الجندي كتب:أصدقائي ..



انتم على العين والراس وكلامكم كلام الغالبية بالبلد حسب الاستفتاء اللي جرى بالموضوع اللي قام عليه الشاب (أحمد الشغري) وتابعه رئيس التحرير إياس بياسي معه باهتمام والشكر لهما ثم جرى العمل على موضوع آخر بين طلاب الجامعات خارج بانياس, ولكن.... هذه مجرد محاولة وينقصها الكثير من الخبرة في تحديد العينات المناسبة وهذا كان اعتراضي على الموضوعين منذ البداية للأهمية البالغة.

أن يكون رأي الغالبية من أساتذة وطلاب "لا اختلاط" لا يعني أنه كلام سليم بل يعني أنه مريح أكثر لهم لا أكثر ...

يعني شو بدهم الأساتذة غير يرتاحوا من مسئوليتهم بحل مشاكل طلابهم ... علماً أنها رح تتضاعف بحالة الفصل بين الطلاب بهيك أيام

وشو بدهم الطلاب غير يرتاحوا من مشاكل المراهقة بدل ما يواجهوها ... علماً أنهم رح يواجهوا مشاكل مضاعفة بحالة الفصل

ونحنا شو بدنا غير نحط الحق على أقرب (سبب) مناسب وخصوصاً إذا الدولة وراه - ولا تقولولي مو طائفية – لانه واضح شو رح يكون ردكم لو كانت المدارس مفصولة ببانياس والمشاكل أضعاف زي مدارس حلب والشام اللي صار فيها عصابات, وأبسط شغلة بيصير بدها بانياس ضعف المدارس الموجودة.

يعني يسأل عن هيك أمور الأخصائيين, والأخصائيين فقط مو الأساتذة اللي أغلبهم أخذها وظيفة ومهنة لا أكثر ولا أقل ...

فيكم تستفتوا الموظفين بأي شركة شو بيفضلوا؟ طبعاً باستثناء اليابان

وظيفة بمشاكل وتفكير, أو بلا مشاكل وبلا تفكير

طبعاً ما حدا بحب المشاكل بس المشاكل موجودة معنا وبمدارسنا وين ما كنا بسوريا ولا بأوربا ولازم يكون في مين يحلها مو يتهرب منها .. ربك اللي خلق الاختلاف

أغلب مشاكل المراهقة واقع لا مفر منه بالمدرسة وخارجها, على الأقل الغلط بهيك عمر ممكن الناس واللي خلقها تغفروا بس اللي بيغلط بعمر كبير نتيجة عقد نقص بالمراهقة مين رح يغفرلو وخصوصاً اللي عم نسمع فيه كل يوم من هون وهنيك.

يعني يصير فصل بالجامعات ولا يصير بالمدارس, مو أفضل؟

وللي مفكر أنه أوربا مثل أعلى لازم تعرف أنه نحنا بدنا مدارس مختلطة وفيها تربية أخلاقية ودينية, مو مدارس أوربية ولو منفصلة بلا تربية ولا دين ولا أخلاق.

وأنت يا "مشرف الدين الإسلامي" بعرف أنه الدين عند الله واحد, كيف صارت تعاليم "الإسلام" غير تعاليم "المسيحية"

لا تقول هاد غير "الدين" اللي نزل فيه عيسى عليه السلام, لأنه اللي عم تظهروه بديننا غير الإسلام اللي نزل فيه محمد عليه الصلاة والسلام ...

الكل بيعرف انه بانياس ويمكن طرطوس المحافظة الوحيدة بسوريا اللي فيها اختلاط, بالله شوفوا معدل التراجع الأخلاقي بين بانياس وباقي مناطق سوريا بتلاقوا بانياس جنة ولا تضطروني جبلكم معلومات تفصيلية بالموضوع ويمكن من خارج سوريا من السعودية والإمارات مثلاً ... عندي قصص كتير وبيناتنا اساتذة كتير بالخليج يحكوا ويعطوا رأيهم

وللحديث تتمة .... دمتم

كلامك يا عبد الرحمن كله مو منطقي وتنظير في تنظير فقط وما رح كلف نفسي ورد عليك لانو لوتس كفت ووفت
وأنا كمان درست طلاب في بانياس ودمشق وبالامارات والمشاكل مجودة متل ما قالت لوتس
وبعدين أنتم شو بيضركم لو فصلنا الشباب عن البنات مادام هذا رأي الناس ومطلبهم ؟
ومين قال بدنا مدارس ضعف الموجود حاليا ؟
ومين قال أنو سيادة الموظف الفهمان ضد الإختلاط ؟
أكيد مانو ضده ..شو بده أحسن من أنه بيطلع من بيته على وظيفته وبيقعد بيطق حنك مع موظفة فلتانة متله ( ماتواخذوني على هالتعبير ما بقصد الكل بقصد الفلتانات وانتو بتعرفوهم وبدون تصريح ) ولما بيجي المراجع بيقولوا له ارجع بعد يومين او بعد اسبوع او غير ذلك ... لك أنا شفتها بنفسي دخلت على احدى الدوائر على مكتب جالس فيه واحد وشي اربع بنات وعم يحكوا ويضحكوا ويشربوا متة وكان قبلي مراجع ( من شان ما حدا يقول منشاني ما كانوا يمشوا المعاملة ) قالوا له وبعدين لي طبعا ارجعوا بعد اسبوع لانو الموظفة الي معها الختم اجازة ..
شو رأيكم ؟ وكم لوح قاعد بالمكتب على شفط عملة من الدولة ومن الشعب وما في حدا لحدا
المهم صرنا بموضوع تاني هلا
وبحب قلك يا عبد الرحمن لا تدفن رأسك في الرمل وانظر بعينين مفتوحتين يا أخي لا بعين واحدة .. الإسلام والمسيحة تعاليمهم مختلفة تماما ..أصلا من قال لك أن التعاليم واحدة ؟
نحن اسلامنا اسلام محمد صلى الله عليه وسلم يا عبد إلا اذا حابب تكفرنا
لانو الي بيبدل دين محمد كافر .... فهل نحن كفار ؟ لانك عممت وجمعت في كلامك أنت تقول تظهروه ... من نحن ؟
شكرا لك يا سيادة المدير
ما تنزعج من نقدي
بس الي بيدق الباب بيسمع الجواب ... وخريستو ما تطور الموضوع بيني وبينه وما صار طائفي فلا تطوره أنت يا أخي
خلينا نحكي بالمجتمع وقيمه في هذه القضية

واضح كلامك بلا تفكير وبلا أدنى جهد وخبرة وإنما مع سبق الاصرار والترصد
بس بدي اتحداك بشغلتين بإختصاصك

الأولى أنا بعرف أنه الجوامع للرجال والنساء وما فيها مشكلة يكونوا مع بعض الرجال بالمقدمة النساء من الخلف وحالياً في اقسام مخصصة لكل جنس شو رايك؟

ثانياً أنا بعرف أنه الاسلام بيرفض الخلوة بين الذكر والأنثى وبمكان مقفل ولايرفض التواجد بمكان عام كالمدرسة شو عندك دليل بيعارض كلامي؟

أتحداك أيها المشرف الإسلامي تجيب شي ينفي كلامي الا اذا دينك غير ديني...

والله اللي بيحكم بيناتنا

مع حبي

عبد الرحمن الجندي كتب:واضح كلامك بلا تفكير وبلا أدنى جهد وخبرة وإنما مع سبق الاصرار والترصد
بس بدي اتحداك بشغلتين بإختصاصك

الأولى أنا بعرف أنه الجوامع للرجال والنساء وما فيها مشكلة يكونوا مع بعض الرجال بالمقدمة النساء من الخلف وحالياً في اقسام مخصصة لكل جنس شو رايك؟

ثانياً أنا بعرف أنه الاسلام بيرفض الخلوة بين الذكر والأنثى وبمكان مقفل ولايرفض التواجد بمكان عام كالمدرسة شو عندك دليل بيعارض كلامي؟

أتحداك أيها المشرف الإسلامي تجيب شي ينفي كلامي الا اذا دينك غير ديني...

والله اللي بيحكم بيناتنا

مع حبي

والله يا سيادة المدير الفاضل
في عهد النبي صلى الله عليه وسلم لما كان الرجال في مقدمة الصف والنساء في الأخير كان الرجال مع الأذن بيكونوا في المسجد ما بيجوا والإمام عم يسلم متل ايامنا هذه
أما في ايامنا هذه يا مدير رح يصير الناس الي في قلوبهم مرض يتأخروا قصد من شان النساء
ورح يختلط الحابل بالنابل
ولهيك في امكان خاصة للصلاة للنساء في المسجد من أجل منع ذلك وتفاديا للإختلاط
لكن أنا بدي أسألأك ...بتعرف أن صلاة المرأة بجانب الرجل عندنا في الإسلام تبطل صلاتيهما ؟ حتى وإن كانت زوجته ... والواجب أن تتأخر المرأة عن الرجل في الصلاة ... تعرف ذلك اكيد ..
وثانيا من شان سؤالك عن تحريم الخلوةلا الإختلاطهذا كلام خاطئ
فالخلوة محرمة والإختلاط محرم
شو رأيك اذا نظرنا للنساء بدعوة أننا نملك أنفسنا ونثق منها ومن المستحيل أن نقع في الزنا والفاحشة هل يجوز ؟
نجلس على مائدة فيها خمر ونقول نحن مستحيل نشرب الخمر ؟
القاعدة العلمية العقلية لمنطقية واضحة يا عبد
ما تحط نار بجانب بارود وتقول مستحيل يشتعل البارود
وشكرا لك يا سيادة المدير

انا مع كل كلمة قلتها يا اخي حياتي كلها لله وان شاء الله لا يصح الا الصحيح
the man

إياس بياسي كتب:

انا بصراحة الموضوع ماتوقعتو يوصل لهون..
وكظمت غيظي..لكني لم استطع السكوت
فاقبلوا حديثي..

سبحان الله الذي شرّع لنا شرائع على قدر طول ألسنتنا واتساع عيوننا التي لايشبعها إلا التراب..
المسألة برأيي ليست مسألة مبدأ أبداً
العرب فقط هم شعب "ممحون" وهذه الأخيرة في اللغة تعني أنهم أناس لايستطيعون السيطرة على غرائزهم ويتركونها "تسرح ويّا الرعيان" كيفما شاءت وشاء الهوى..
ألا تستغربون معي لماذا لاتحرك المناظر الخلاعية في وسط الطريق المواطن الأوروبي مثلا؟
ألأنه شبعان يا ترى؟
لماذا عندما تكون جالساً في أحد مقاهي لندن مثلا وتلتفت لتجد اثنين يكادان يمارسان الجنس أمامك على الطاولة لا أحد من مواطني البلد نفسه يلتفت إليهما أو يعبأ بهما؟
لماذا حينما تنزل النساء عاريات في بعض المدن "الغربية" لاتلفت ساقيها إلا انتباه العرب السوّاح؟
لماذا حين تتغاوى النساء في شوارع دبي لاتستيقظ إلا حواس العرب ولاتجد أحدا من "الغربيين" تميل عينيه صوب جسدها؟
لهذا.. المسألة ليست عامة ولاتخص أحداً إلا نحن "الممحونون"..
نحن الشعب الذي يسبقنا لساننا وهو يمتد أمامنا حين نرى امرأة مثيرة.. نلهث كالـ.....
لماذا نحن دائماً من يعاني من عقدة نقص في "جسد المرأة" رغم أن الله أحلّ لأحدنا أربعة نساء؟
ونعاني من عقدة نقص من عقل المرأة أيضاً؟
لهذا.. المسألة ليست عامة ولاتخص أحداً إلا نحن "الممحونون".. الذين اذا سب الله قد نألم.. لكن اذا سُبت أختنا أو امنا قد نثير حرباً ضروساً قد تفوق سنيها سني "البسوس" او داحس والغبراء..


شكراً لإصغائكم

اتفق معك يا اياس على الجزئيةالأخيرة من كلامك
أننا قوم اذا شتم عرضنا غضبنا واذا شتم ربنا وديننا للآسف نسكت
لكن
كلامك الأول
هل هذا يعني ( مع اتفاقي معك على أن العرب ممحونين كما ذكرت ) أن وضعهم سليم والفحش الذي يملكونه مباح ؟

violaflower كتب:بصراحة لم أنتبه لهذا الموضوع الا بعد أن حمي وطيس المعركة , مع أنه سؤال بسيط ,,,,,

ما رأيكم بالاختلاط بين الجنسين في مدارس بانياس بالذات؟ أنا أرى أن الاختلاط مع مساوئه أحيانا

الا أنه يجب أن يكون عادي , طالما أن المقاهي , المنتزهات , الأسواق , الطرقات و المنتديات التي أنتم

بها مختلطة , تتكلمون مع فتيات وتمزحون , ثم تقولوا, لا للاختلاط , بصراحة لا أفهم هذا التناقض

أنا مدرسة وأدرس أيضا مختلط , أقول المدرسة كما الحياة فيها المؤدب والخلوق وفيها من بعكس

ذلك , أعرف نماذج تذهب للمدرسة للتعارف وللحب فقط , ونماذج من كلا الجنسين أتت للمدرسة

لتتعلم وهي نماذج كثيرة والدليل على ذلك العلامات المرتفعة التي يحصلها طلاب الشهادتين

الاعدادية والثانوية في محافظة طرطوس على الأخص , بما تفسرون ذلك ؟؟؟؟؟

عندما الأهل لا يشبعون أولادهم تربية جيدة وعلى أسس دينية سليمة وعلمية راقية , لن ينتظر

اختلاط المدرسة ليفعل ما يريد ......

أنا بعد ما التحقت بالجامعة بسنة أصبحت مدارس بانياس مختلطة ,,, لم أستغرب لأن مدرستي كانت

للبنات فقط , لكن لا أزال أذكر ولا أبالغ كم كنا نعاني عندما نخرج من المدرسة من الكم الهائل من الشباب


المنتظرين على الباب وفي الطرقات بطريقة بشعة جدا , وكانت السيارة خلاص رائع لنعود للبيت بدون ازعاج

ثم تقولون اختلاط ,,,,,,,,, التربية هي الأساس الأول والأخير

تقبلوا صراحتي

هل يمكن يا أختي ( وأنت مدرسة ومعلمة ) أن تعطينا نسبة مئوية للطلاب الذين تتكلمين عنهم ؟
وأطلب من السيدة لوتس نسبة آخرى لأنها مدرسة أيضا ...
أختي نحن من صنع الإختلاط ونحن من يحاول اليوم أن يقنع نفسه بأنه حل وبأنه لا بأس به
أنت كمعلمة ومدرسة ومثقفة وقبل كل شيء مسلمة هل تقبلين هذا لمن يخصك من البنات ؟
وشكرا

والله يا عبد ما كنت متوقع أبدا ردكيوصل لهذا المستوى أبدا ..
أنت المدير وبعرف انك ممكن تحذف ردي بدعو تطاولي على القيادة العليا في المنتدى ...
أنت دايما بتقول عن ردودي استفزازية ومتهورة و و و... ردك اليوم شو بتسميه ؟
رح قلك وين أخطاءك

عبد الرحمن الجندي كتب:
أقولها دائماً وأقولها فعلاً "هل يستوي الذين يعلمون والذين لا يعلمون"

شكراً لك (violaflower) على هذا الدفق المعنوي (الدموي) الكبير الذي قدمته, بكلامك المسترسل, المتتابع, الواضح, الصريح, الواعي, البناء أمام هذا السيل الهائل من الرثاء (لجثتي) الفكرية المتفتتة في صولات وجولات الجدال اللافكري في منتدانا العظيم

شو معنى كلامك ؟
أي واحد بيتابع الموضوع من أوله لآخره رح يقول : عبد الرحمن بيقصد أن كلام الأخت الفاضلة
(violaflower) كلامها متزن وعلمي وو و و أما أنا ولوتس وصاحب الموضوع و كل من علق في صفنا بضد هذا الكلام ونحن جهلة ولأنك استدللت بالاية الكريمة التي تصف فيها مخالفيك بالجهل ... ونحن جدالنا لا فكري ولا منطقي وغير ذلك ....
يا عبد نحن نتحاور بمنطق العلم والدين فليكن حوارنا ملتزم بآداب الحوار لو سمحت

عبد الرحمن الجندي كتب:
(ثم أنه كل تساؤلاتك مرفوضة ومردودة عليك, ونحنا منفتخر أنه باقي عنا شي من النخوة والكرامة والحميّة, وما بدنا نخسر اللي خلقه الله فينا وميّزنا عن الحيوانات, ولا مضطرين نتنازل عن كلشي من شان ولاشي, كل اللي بدنا إياه نطور أعرافنا وتقاليدنا ونناقشها, ونطور الخلل فيها مو أكثر ولا أقل .. يعني بالمختصر المفيد "أفكارك مرفوضة")

قد تكون مرفوضة عندك
بس ما أنت الي بتفكر بالنيابة عن باقي الأعضاء

عبد الرحمن الجندي كتب:أما أنت يا "حياتي" دائماً بتوصل معك الأمور لبواب مسكرة, وبقول ما بدي رد بس مافيني اسكت على هالكلام

وهون لاحظ أنت تركت الكل وقاعد تناقشنا أنا لوحدي وكأني انا الي مسكر الأبواب وأنا الي معقدها وأنا الوحيد الي هيك ... لك يا أخي هذا راي أهل البلد .. ما بدك تطبقه أو تشوفه أنت حر .. بس ما فيك تلغيه
وما أنا الوحيد الي عم ناقش هالموضوع انتبه لهذه القضية مع ان بعض الأعضاء ساكت ومخلاني أنا لوحدي بوش المدفع ..

عبد الرحمن الجندي كتب:بس بدي اعرف انت عم تحكي جد؟ عم تحكي عن الصحابة ولا المسلمين من الشرق للغرب, ومين قال يكونوا الرجال والنساء كتف بكتف؟ نحنا عم نحكي أنه بيوت العبادة بتشمل الجنسين ولو الأفضلية للرجال .... وأكيد بتعرف ليش.؟

المسجد عندنا للجنسين لكن ليس لاختلاط الجنسين يا عبد
لا تخلط ...هذا موضوع وهذا موضوع

عبد الرحمن الجندي كتب:عن جد كلام محرج... أنا بعرف "ولا تلقوا بأنفسكم إلى التهلكة" بس ما كنت بعرف انه لازم ضل بالبيت وما اطلع منشان ما احتك بالجنس الآخر لا بالطريق ولا بالشغل ولا بالمطاعم ولا بالمحلات ولا ببيت جارنا اللي حكي معي لعلم ابنه وبنته عالكومبيوتر, ولا جارتنا اللي عطلان عندها الجهاز وما عم يطلع "طيور الجنة" اللي ولادها طول اليوم عليه, والأفضل سكر المحل وما بيع حدا لأنه بيناتهم بنات وحلوين كتير, ولازم سكر اتصالاتي مع الأعضاء البنات منشان ما علم شي وحدة عالمنتدى كيف تشاركنا ولا كيف تنزل صور لأنه هالمنتدى للذكور فقط... شكراً الك

ومين قال لازم ما تعمل كل هالشي الي ذكرته !!!؟؟ ... نحن لا ندعو أن تجلس بالبيت ولا نتكلم عنالاختلاط الموجود في الطريق أو أي مكان آخر ..نحن نتكلم عن مشكلة الإختلاط بالمدارس وخطرها على التعليم ... لا تضيعوا الموضوع بمثل هذا الأسلوب ... أنت يا عبد ذكي ... بتعرف ليش ؟؟ لأنك عم تحاول تكسب الأعضاء لصفك بهذه المناقشة بطريقة عاطفية وتظهرني ليهم بشكل المتشدد بهذا الكلام وتظهرني بشكل المستهزء بالنساء كما في المقطع التالي لك ... أنت ذكي فلا تخرج عن الموضوع ... أنت اتهمت اياس بالخروج عن الموضوع وأنا أحب أن أقول لك أنك أنت من يخرج عن الموضوع يا صديقي ... ارجع لتقرأ ما سبق من ردود لترى بعينك ...

عبد الرحمن الجندي كتب:بس عجبتني هي تشبيه الجنس الآخر بـ"الخمر" منيح اللي ما شبهته بالـ ..

يا عبد اسأل أي استاذ لغة عربية عن التشبيه ... ما أخذته بالمدرسة ؟
هل يفهم من كلامي تشبيه النساء بالخمر ؟
اذا واحد بيقول نعم من المتخصصين باللغة بدي احلق لحيتي
يا عبد اذا بدك توظف اللغة بنقاشك فوظفها بمكانها لصحيح

عبد الرحمن الجندي كتب:لازم قبل ما حدا يحكي بالموضوع ينتبه لثلاث محاور:

الأول: المجتمع قبل عقود ... المجتمع اليوم

الثاني: المربي قبل عقود... المربي اليوم

الثالث: كيف ينظر المجتمع والدين للخطيئة عند المراهق... وكيف ينظر إليها عند البالغ

ونصيحة للشباب والبنات أدّوا "الخدمة العسكرية" لأنكم رح تتعلموا منها كتير

ممنوع ذهاب البنات عالجيش؟

وقبل هذه الثلاثة انتبه لموضوع المتغيرات والثوابت في الدين
هناك ثوابت لا تتغير
لا يعقل أن نلغي الصلاة مثلا لأننا في زمان مختلف وقد زادت مشاغلنا ومن الممكن أن يعمل أحدنا في اليوم لأكثر من 15 ساعة وخاصة في دول الخليج
،،،،،،،،،،،،،،،،،،،،،،،،،،،،،،،،،،،،،،،،،،،
أخيرا بحب قلك إلتزم بالرد المنطقي العقلي ولا ترد رد الإستهزاء بالآخر والتسخيف لرأيه
كل منا يملك فكر ... ناقشي فكري واحترمني
وشكرا لك

مين قال انك وحدك يا ابو الفداء ومتل ما قلت ما يصح الا الصحيح

خريستو كتب:Salam4ever

عنجد أنك { فسحة أمل }

أنا كنت بمدارس مختلط...ومبسوطة ان بنتي بمدارس فيها اختلاط...لأن لازم نتعلم شي بقى...لو غمضنا عيوننا عن شي فهاد ما معناه أنه ما موجود...واللي بده يعمل بيعمل..ولو كان تحت سابع أرض..واللي بده يغلط بيغلط والرك على الأساس....

بكلامك هذا أعطيتي فسحة أمل بأن هنالك من لا يزال يفكر بعقله .. الواعي .. المتفتح بحدود الطبيعي



مع احترامي الشديد لك

أعط رأيك يا صديقي بدون التجريح للآخرين
فكلنا نملك عقول وكلنا نفكر
فالرجاء منك عدم الطعن واللمز والإلتزام بآداب الحوار يا صديقي
وأنا هنا لا أتكلم باسمي فقط بل باسم كل من طالتهم كلمتك هذه
وشكرا لك

باقي نقد بس لأخي عبد الرحمن العزيز
أنت قلت في موضوع الإستفتاء ما نصه :
( وبصراحة حيث لا ترون في صفحات المنتدى الا من يبادل المجاملات ويناقش العواطف وهو أمر مفيد في اتخاذ القرارات ...)
طبعا هنا كنت تتكلم عن نفسك وتمدح العواطف وتشيد بها
لأن هذا يناسبك
اما عندما يتعلق الأمر بعضو نحبه ومنحكي معه بالعواطف معتبرين المنتدى بيتنا الكبير ...ومنحاول نرجعه على بيته
بتصير العواطف ما الها لزوم ولازم نحكم العقل

صح يا أخي العزيز ؟