ادخلو شوفوا مدارس بانياس الساحل

الحقيقة انا اليوم ما جبت الكن صور لمدارس بانياس جبتلكن موضوع فظيع بمدارس بانياس للاسف الاغلب لا يعلم به او حتى ان كان يعلم به فهو لا يعلم خطورة هذا الامر
اكيد الكل بيعرف بالاختلاط عندنا بالمدارس بين الشباب والبنات مو هيك
طيب مناظر الطلاب بالصف بين شباب وبنات مع بعض حلوه او مناظر ان كل شب واقف يتكلم بزاوية من الباحة مع صديقته {حبيبتو} الي ما بتمدله باي صلة طيب
الحقيقة انا شفت هذا الشيء بعيني وانزعجت منه كتير
بتمنى تكتبولي رايكن بهذا الموضوع حتى لو كنتوا مع هذا الامر ام ضده مو مشكلة

the man

اكيد ياخي غلط لو ماغلط ماحرم الاسلام الاختلاط والله خلى الاختلاط في مدارسنا فشل طلابنا بالاخلاق والدراسة الله يرحمنا برحمته

يا جماعة شو رأيكم نرفع طلب كمان لإدارة الموقع القادمة تلغي الإختلاط بالمنتدى مو بيكون أفضل
ما بعتقد منع الإختلاط رح يكون الحل وإذا بتسمحولي المشكلة تربوية بحتة وبيكفي الأهل يحطه الحق عالاختلاط وينسو ادوارهم
من الإبتدائية للإعدادية للثانوية للجامعة وما حدا قدر يأثر بأخلاقي وتربيتي مع أني حر وبحياتي ما حدا قيد حريتي او تنقلاتي غير تفكيري وأخلاقي

بعرف بشو عم تفكرو
"يا ريت في منك كتير يا عبد الرحمن كانت الدنيا بخير"

دمتم

مرحباً..
موقع بانياس والساحل سبق وأن نشر هذا الموضوع على صفحته الرئيسية..
يمكنكم اتباع هذا الرابط..
ماذا عن الاختلاط في المدارس؟؟

وشكراً
ولنا عودة..

اكيد هذه ظاهرة الاختلاط موجودة بس بانياس

وبالمدرسة عنا صار شي عادي عند بعض الطلاب طبعا

والبنات اذا كانوا ثانوي او اعدادي صار ما بيهمن شي اذا وقفوا مع الشباب ال يعنيboy friend


شكرا لك على الموضوع المهم

انا ضد الاختلاط 100% لان ما عم يجي من وراه غير المشاكل

و الاهل صار بدل ما يطمنو عوجود اولادهم بالمدارس صاروا ياكلو هم و يخافو

و هاد السن اللي هو من الاساسي للثانوي هو اخطر سن لانه سن المراهقة
الله ينجي اولادنا من مشاكله

متل ماقال عبد الرحمن الموضوع تربوي بالبيت
بعدين ماوقفت عالمدارس
الاختلاط صار وين ماكان وهالشي عم يصير برة المدارس كمان
ونسبة التربية صايرة قليلة هالايام

بس يا روريتا ما تنسي نحن الي فتحنا هالباب علينا من المدارس أول شي بعدين صرنا نشوفه أمر عادي ,اق من عادي في المجتمع

انا بخالفك الرأي اخي حياتي كلها لله
في ناس مادخلو مدارس ومع هيك بتلاقيهم برة اووووووووووه غير شكل من حالات السوء

روريتا كتب:انا بخالفك الرأي اخي حياتي كلها لله
في ناس مادخلو مدارس ومع هيك بتلاقيهم برة اووووووووووه غير شكل من حالات السوء

صح كلامك
بس ليش ما دخلوا المدرسة من أصله ؟
لان اهلهم اصلا غير واعيين وعلى الاغلب غير ملتزمين
فهم لا يملكون من الوعي ما يلزم لاصلاح اولادهم ومتابعتهم

خريستو كتب:انا برأيي يصير في مدارس مخصصة للشباب و مدارس مخصصة للبنات و يمنع الاختلاط بالمدارس

و يصير في شوارع للبنات يمشو فيهن و شوارع للشباب يكزدروا و يتسلوا و يمنع الاختلاط بالشوارع

و يصير في مقاهي للشباب و مقاهي للبنات .. و يمنع الاختلاط بالانترنت و يصير لكل شب اتجاه يروح فيه

و اشتراك للبنات و اتجاه يروحوا فيه

و شو رأيكن بلا ما نعذب حالنا لان هالشي مكلف مادياً ... ما عاد حدا يخلف ولاد احسن حل

ولك يا عالم صرنا بالقرن الواحد و العشرين .. المشكلة مو بالشباب و البنات المشكلة بالتربية اللي عم يتربوها بالبيت .. و الواحد اذا ما اختلط و اتعرف على تفكير الاخر .. كيف بدنا نعيش و نفهم المجتمع و العالم اللي عايشين فيه و لك ايمت بدنا نخلص من قصة ( ابصر شوفي بينهم )

حاجة بقى بيكفي حكي بمواضيع الفصل بين الجنسين إذا بدكن ترتقوا إلى مجتمع حضاري و اذا بدكن بانياس تصير ( المدينة الفاضلة )


مع احترامي

صديقي العزيز
اولا ما هكذا تعالج القضايا ولا بهذا الكلام تعالج
فلا ينفع ان نأخذ الموضوع بشيء من الإستهزاء يا صديقي
ثانيا ومع احترامي لك ولرأيك لكن كلامك خاطئ
فالغرب المتمدن والمتقدم في عيون البعض في هذا الزمان اصبح يطالب بالفصل لانه علم اضرار الخلط بين الجنسين
ثم بصارحة انا لا اتعجب من رأيك ( ولا مؤاخذة ) فالاختلاط مباح عندكم في دور العبادة وفي الكنيسة فكيف في باقي الأمكنة
أما نحن المسلمون فالاختلاط محرم في ديننا
هذا من ناحية الدين
لكن إن جئنا نعالج القضية بشكل علمي وبعيد عن الدين فالاختلاط له اضرار شديدة الخطورة على المجتمع
وشكرا لك
تقبل رأيي مع فائق احترامي لك

خريستو كتب:
شكرا لك أخي العزيز حياتي كلها لله


بس بحب قول شغلة مو أيمت ماكان بدنا منتشبه بالغرب و وقت اللي بدنا منرفض و منحط اللوم على الغرب

نحنا بدنا نرتقي بالمجتمع اللي نحنا عايشين فيه

ومين قال يا صديقي العزيز أننا نتشبث بالغرب
انا ذكرت لك أن تعاليم ديننا التي نزلت على نبينا محمد عليه لصلاة والسلام من أكثر من 1400 سنة تقول أن الإختلاط محرم ونحن نعمل بتعاليم ديننا ونطبقها ... لكني ذكرت لك ومن قبيل المعية ( يعني الشيء بمثله يذكر ) أنه حتى الغرب الذي يقلده دعاة الإختلاط قد تراجع عن أراءه القديمة وبدأ يدعو للفصل بين الجنسين .

خريستو كتب:و ثانياً أنا أتعجب منك كيف أنك تحدثت عن الاختلاط في دار العبادة و أنه مباح لأن دار العبادة و جدت لجماعة المؤمنين الذين أتوا بقلوب نقية للصلاة و التضرع إلى الله ليخفف عن العالم جميعاً مصائبه ولم توجد من أجل العهر و الفسق و الفجور كما فهمتها أنا من كلمة مباح

بل الدين حلل لنا الاختلاط في مجالسنا من باب التعايش الاجتماعي و تبادل الافكار و الارتقاء بالفرد في جميع نواحي الحياة و هنالك موجهون إجتماعيون يساعدون شبابنا في حل مشاكلهم و خصوصاً المراهقين فالكنيسة تحتضنهم في عدة برامج تربوية و تثقيفية و توجيهية تساعدهم في هذه المرحلة من العمر

طبعا تقصد دينكم هو الذي حلل لكم الاختلاط
يا صديقي لا أريد قلبها مسألة دينية هنا بل أريد ابقائها مسئلة اجتماعية تربوية فهل يمكن لنا أن نبقيها كذلك ؟
لأنتعاليم دينكم تختلف عن تعاليم ديننا هنا
فهل تستطيع مناقشة الموضوع بشكل علمي ؟
مع العلم أني لا أتهرب لأني من النوع الذي يدخل الدين في كل شيء وحتى في هذا الأمرولكني هنا ادعوك لفتح باب العلم وتناوله
ثم ارجع لإحصائيات أبناء البلد نفسه في الموضوع الذي اشار إليه إياس ... اذا كانت هذا ارادة أبناء البلد فلماذا نقف ضدها ؟
فلنفتح مدارس مختلطة ومدارس غير مختلطة ... أليست هذه هي لغة العقل ؟ أو أننا يجب أن نلزم الناس بما نعتقده صوابا ؟ اجبني يا صديقي

خريستو كتب:و حيث أنك كتبت ( إذا كان الاختلاط مباح في دور العبادة فكيف في باقي الأمكنة ) ارجو منك التوضيح في ما قلته لأن هذا اتهام واضح و
صريح بما لا أريد التطرق إليه و أنا على علم بأن الجميع قد فهموا معناها
و أرجو إبعاد مسألة الدين عن هذا الموضوع لانو مشكلتنا هي بالمجتمع

و شكراً

لا أبدا لأا تفهم منه اتهاما يا صديقي
فأنا أقصد أنكم اذا كنتم تبيحونه بمكان العبادة فبالتأكيد هو مباح عندكم في باقي الأماكن
فلا يعقل اباحته في الكنيسة وتحريمه في المدرسة والطريق
كلامي واضح يا صديقي لو دققت النظر فيه
وشكرا لك

عبد الرحمن الجندي"]يا جماعة شو رأيكم نرفع طلب كمان لإدارة الموقع القادمة تلغي الإختلاط بالمنتدى مو بيكون أفضل
ما بعتقد منع الإختلاط رح يكون الحل وإذا بتسمحولي المشكلة تربوية بحتة وبيكفي الأهل يحطه الحق عالاختلاط وينسو ادوارهم
من الإبتدائية للإعدادية للثانوية للجامعة وما حدا قدر يأثر بأخلاقي وتربيتي مع أني حر وبحياتي ما حدا قيد حريتي او تنقلاتي غير تفكيري وأخلاقي

بعرف بشو عم تفكرو
"يا ريت في منك كتير يا عبد الرحمن كانت الدنيا بخير"

دمتم[/quote]
في مثل بيقول يا استاذ عبد الرحمن : قل لي من تعاشر أقل لك من أنت ..
وما في مثل بيقول :::قل لي من رباك لاقول لك من أنت .. يعني المعشر بيغلب الأساس التربوي في سنين المراهقة ...
وحلّني لبين ما يكبر هالمراهق ويرجع لأصل التربية اللي ترباها في بيت أهله , ويعرف انه كان غلطان ...بعد ما بيكون شاف ...وعرف ...وارتكب من الأخطاء ما يمكن أن يكون مدمرا
هدا إذا ما فشل بدراسته فشلا ذريعا ....

خريستو كتب:انا برأيي يصير في مدارس مخصصة للشباب و مدارس مخصصة للبنات و يمنع الاختلاط بالمدارس

و يصير في شوارع للبنات يمشو فيهن و شوارع للشباب يكزدروا و يتسلوا و يمنع الاختلاط بالشوارع

و يصير في مقاهي للشباب و مقاهي للبنات .. و يمنع الاختلاط بالانترنت و يصير لكل شب اتجاه يروح فيه

و اشتراك للبنات و اتجاه يروحوا فيه

و شو رأيكن بلا ما نعذب حالنا لان هالشي مكلف مادياً ... ما عاد حدا يخلف ولاد احسن حل

ولك يا عالم صرنا بالقرن الواحد و العشرين .. المشكلة مو بالشباب و البنات المشكلة بالتربية اللي عم يتربوها بالبيت .. و الواحد اذا ما اختلط و اتعرف على تفكير الاخر .. كيف بدنا نعيش و نفهم المجتمع و العالم اللي عايشين فيه و لك ايمت بدنا نخلص من قصة ( ابصر شوفي بينهم )

حاجة بقى بيكفي حكي بمواضيع الفصل بين الجنسين إذا بدكن ترتقوا إلى مجتمع حضاري و اذا بدكن بانياس تصير ( المدينة الفاضلة )


مع احترامي

يا ابني يا خريستو ...المشكلة بس في المدارس لانها هي مؤسسات تربوية بالدرجة الأولى ...من زمان كان اسمها وزارة التربية والتعليم ...ولانه التربية اهم من التعليم التغت كلمة التعليم لتبقى التربية فقط .
وبعدين ليش ببانياس حصرا بقي الاختلاط ...بكل المحافظات التانية مافي اختلاط ...اسأل وشوف الا في المدارس الخاصة ...
لا تخلط الأمور ببعضها .
لوفي المدارس الابتدائية عمموا الاختلاط ...يبقى فيها الطفل اللي بيكون في عمر التطور الفكري وصقل العقول والشخصيات ...
اما مدارس المراهقين والمراهقات فهذا هو الغلط بعينه ..لانه الشباب بهالسن بيتفننوا بتعليم بعض كل الأساليب الملتوية ...اسألني انا اللي مازلت عايشة بيناتهم ...بيفوت الطالب ابن ناس وعالم وأخلاق ما في أحلى من هيك ...ما بيطلع الا ملعون ابوه من قلة الأخلاق والوقاحة وسوء السلوك . وغالبا بيكون فشل بالتعليم ..

[quote="خريستو"


و حيث أنك كتبت ( إذا كان الاختلاط مباح في دور العبادة فكيف في باقي الأمكنة ) ارجو منك التوضيح في ما قلته لأن هذا اتهام واضح و
صريح بما لا أريد التطرق إليه و أنا على علم بأن الجميع قد فهموا معناها
و أرجو إبعاد مسألة الدين عن هذا الموضوع لانو مشكلتنا هي بالمجتمع

و شكراً [/quote]

ياعزيزي يا خريستو ..انا بدّعي اني فهمت قصد ابي الفداء ...يقصد بأن دور العبادة فيها اختلاط مثل الكنيسة ...وكما قلت هي للمؤمنين والطاهرة قلوبهم ...ولم يقل أنها لأشياء أخرى لا سمح الله ...ربما قصد ان لا مانع من الاختلاط في المدارس أيضا لان الشباب والشابات المسيحيين متعودين يشوفوا بعض في الكنيسة ومتعودين على الاختلاط ...
بينما الشاب المسلم لم يتعود على الأمر لأن المسجد للرجال فقط ...ومتله البنت ما تعودت تفوت على مسجد وتصلي جنب الرجل ..اليوم صار للنساء مكان خاص لهم فيه بعيد عن الرجال .
ومجتمع أهل بانياس بمسلميه ومسيحيه مجتمع متآلف ومتحابّ , ...لن يختلف أحدهم مع الآخر لاختلاف دينه .

رجاء لا تقلبوا الموضوع للدين ..خلوا الدين على جنب .وماكل واحد ينطر التاني على كلمة أساء التعبير فيها ليحاسبه ...
ما رح نتعود أبدا نكون طائفيين ....أبدا ابدا

خريستو كتب:شكرا جزيلا لك سيدة لوتس على إيضاح فكرة الأخ العزيز حياتي كلها لله

مجتمع بانياس المتحاب و المتآخي كان ولايزال و سيستمر على هذا النحو من المحبة و الأخوة و لا أحد يستطيع التأثير على هذا

و انا معك فلا أحب إدخال موضوع الدين بالمواضيع الأخرى لان للدين قسمه الخاص و لكن أجبرني الأخ العزيز حياتي كلها لله على إيضاح و جهة نظره في مسألة الاختلاط في الدين المسيحي مع أنني كنت أعطي رأيي الخاص بموضوع الاختلاط في مجتمعنا


و بعمرنا مارح نكون طائفيين أبداً أبدا


مرة أخرة شكراً لك يا ست الكل

بظن يا صديقي العزيز اني وضحت فكرتي قبل ما توضحها أمي الفاضلة الله يبارك بيها
بس لازم تعرف كمان يا صديقي أن الإنسان عندما يطرح رأيه ينبغي طرحه بأسلوب حكيم وبعيد عن التهكم خاصة وأن أغلب الأعضاء الذين علقوا على الموضوع كانوا ضد الإختلاط فالتهكم هنا يا عزيزي هو تهكم بهم جميعا
وشكرا لك
لن نكون طائفيين

لا يغير الله ما بقوم حتى يغيروا ما بانفسهم
انا برايي انه كل زمن واله حكمه وان برايي ما رح نطور لحتى نطبق شرع الله و سنّته
وطبعا بتعرفوا انه الله عز وجل حرم الاخطلاط بين الجنسين وما بدها اثنين يحكوا فيها
وطبعا لكل واحد حرية التعبير ومشكور يا اخي خريستو على رايك
و بشكر الكل على ردودهم الحلوه..