والله وبدي قولها

salam4ever* كتب:

هذا الموضوع هو الثالث تقريبا من نوعه ضمن هذين الأسبوعين.

الموضوع مؤلم وصعب، بغضّ النظر عن الجلطات عندك كمان التحسس ونوبات الربو والسرطانات
كش برا وبعيد، والقذارة اللي عايشين فيها بقى كيف رأينا باللي عم يدخل لمتنفسنا،بالفعل كارثة وكبيرة وبدنا نجدة سريعة.

ملاحظة(يمكن ما حدا يرد بسبب .......الخاتمة الغير جيّدة لموضوعك الجيّد)

شكرا

مشكورة ع المرور
بس الخاتمة هي شي واقع شي صح
مين رح يشيلنا من ارضنا
لا رح يسكرو المصفاية ولا رح يوقفو المحطة
وبدها تم الشحاوير
انا كتبت الموضوع بس فشة خلق وقهرا

Why Not....!!?o كتب:لك صحي انت شلشة بس هالمرة شالشها صح
يعني متل ما قلت ضراط عالبلاط يعني منضل منحكي للصبح ولشي شهر بس عالفاضي حكيي بس الواحد بيفش خلقو وبعد شوي بيوقف عالشباك مشان يستنشق فيتامين المحطة والمصفاية

مشكور

معك حق هاد هوي اللي عم يصير

مرحبا ..
كلامك مزبوط يا الشحنة وموضوعك بالصميم ..
حسبي الله ونعم الوكيل ..
أكيد ما في شي بعوض فقدان شخص عزيز ... بس أنا بشوف إذا أهالي الضحايا بيجمعو حالن وبيوكلو شي محامي منيح ..
وبيرفعو دعوى على المصفاية والمحطة .. على الأقل بيحصلو تعويضات لأهالي الضحايا ..
في منهم تركو وراهن اولاد ونسوان ويتامى ..
المشكلة أنو أهالي بانياس ماعم يصيبن غير الضرر ..يعني اذا الدولة بتعفي كل بانياس من الضرائب والرسوم وفواتير الكهربا بتضل مقصرة بحقنا ..
نحنا عايشين بقبر موقوت ..
لا حول ولا قوة إلا بالله

والله على صرعنا العالم ببانياس فصرعناهم
نحن هون بالسعودية صرعنا العالم على كلمة جبل وبحر وما بعرف شو وعزمنا بعض معارفنا يجوا ويشوفوا بلدنا وفعلا هادا اللي صار
بتعرفو شو كان أول تعليق منهم............
قالولنا انجوا بحالكم وصحتكم ودبروا مكان تاني تسكنوا فيه حرام تعيشوا وسط هالسموم
و مع اننا حكينالهم ع الوضع بس طلعنا بالخجلة
ما بعرف هالحالة لأيمت

بعين الله

العصماء كتب: دعونا نتذكَّر أنَّ (صدق الطَّلب يري العجب )
وبأنَّه لا يموت حقّ وراءَه مطالب وأنا شخصيَّاَ متفائلة بتحقُّق مانريد إذا قمنا بذلك

أوافق تماما ما قلته ياالعصماء ..

وما استغربه.. هذه الحالة من السكوت عن التلوث المخيف في بانياس ... الكل يضجّ باعتراض ولكن في قلبه فقط

" على مبدأ مارح يطلع منها شي " ولكن لو تعاملنا مع المسألة على أنها شأن شخصي يخصّ كل مناوبصدق وجدية متناهية .. مؤكد سنلقى نتيجة نرضاها ..


شكرا لك الشحنة على اثارة هكذا موضوع هام ..

بيعين الله ما الكن الا الصبر ولا تنسى انك عم تطلب المستحيل لانو نملك اذن من طين واذن من عجين

بدل ما تكون بانياس مدينة السياحة صايرة يا حسرة مدينة التلوث

عنا محطة حرارية .. و الكهربا عم تنقطع للتقنين

ايه بلاها لانو صاير التقنين بأعداد البشر
الحياة صعبة أول 100 سنة

مرحبا ..
أنا أيضا أوافق على ما قالته العصماء تماما وأضم صوتي إلى صوتها وصوت فيولا ..
والأفضل أن يتابع الأمر أحد الحقوقيين في البلد .. فهذا أفضل ..
شكرا لكم