واقع مدارس بانياس

المدارس على الأبواب
شو رأيكن نناقش موضوع المدارس في بانياس باعتباره موضوع مهم ويعاني منه المجتمع البانياسي
يعني ما حدا راضي عن المدارس لا الطلاب ولا الأهل ولا المدرسين
حبيت اطرح الموضوع لأنه يوجد أعضاء في المنتدى من الطلاب ومن الاهل ومن المدرسين (وفي طلاب عم تدرس فروع تدريسية)
خلونا نناقش الموضوع مع الكل

ياريت ما حدا ياخد الموضوع بالمزح أو المسخرة وبطلب من الإدارة حذف أي تعليق فيه مزح وياريت ما حدا يطلع عن الموضوع
هالموضوع كتبته أنا ورفيقتي بنت الساحل بعد مشاورات وتوصلنا على ان ننزل الموضوع بالمنتدى لعلنا ان نصل غلى حل ونتخلص من هالواقع السيء لأسف

انس شكرا لمرورك بسا لمشكلة هيي مشكلة الفوضى وعدم النظام وعدم الشرح الكافي من قبل بعض المدرسين والكلام السيء من بعض المدرسين

نحنا طلاب مدارس ليش انت ما قعدت بالمدرسة

شكرا انس لمرورك
انا بحط الحق عالادارة مثلا وقت بكونفي 6 موجهين و3 منهم شغلتهم الانضباط ولا طالب بالمدرسة حاطط اشارات او لابس نظامي
او المدرسين وقت بيعطوا درس خصوصي لطالب عندهم بالصف هادا مو بيعني انو المدرس بالصف ما عم يشرح انا مع اعطاء الدروس الخوصية باعتبار الراتب ما بيكفي بهالايام بس ضد اعطاء الدرس من مدرس لطالب عنده بالصف
طيب ووقت المدرسين بيتكلموا كلمات مسيئة للأخلاق وأحيانا بيوصل الامر
للكفر
انا مرة كان الي رفقات عم ياخدوا عند دروس خصوصية عند نفس الانسة اللي بتعطينا بالمدرسة والانسة شرحها مو كتير فسألتن انتو عم تفهموا بالمدرسة قالوا لأ قلتلن كيف قاعدين عندها قال شرحها بالبيت غير قلتلن كيف يعني غير قل بالمدرسة ما بيفهموا ولا كلمة بس بالبيت بيفهموا كل شي
انس بالنسبة لملاحظتك انا ماني جابرتك على انك تشارك ووقت نزلت الموضوع كان قصدي اني احكي عن هالمشكلة وربمامنلاقيلها حل
واذا قصدك عليي اني بحط الحق عالادارة واني من الطلاب الفاشلين بقلك انا من الطالبات المتفوقات والمهذبات وهادا رأي المدير والموجهين واذا بتحب تسألن ما عندي مانع ابدا
اما بالنسبة للفشل بعتقد طالبة اخدة 60 بالرياضيات و40 بالعلوم بالتاسع مانا طالبة فاشلة
شكرا لمرورك

شكرا كتير سن لاين عردك ومابخفي عنك اني بحب ادرس بمدرسة فهيم بس بعيدة وفعلاً الحزم هو أفضل دواء
بشكرك مرة تانية

انس بشكرك على إبداء رأيك وتفاعلك معنا
وإذا حسستك إنك شرير انا بعتذر
آسفة

اولاً حلو كتير نقاشكن ونتمنى أن يستمر على هذا..
الكل مسؤول برأي وخصوصاً الإدارة والأساتذة لأنو بكل الأحوال الكبير والناضح غير الطفل والمراهق وحتى الشباب ولكن من الأكيد أن المنظومة التعليمية وقوانينها وأسلوب تعاطيها مع الإداريين والمعلمين والطلاب في هذه الظروف تتحمل المسؤولية الكبرى وهي ذات نمظ اشتراكي كلاسيكي قليل الديناميكية والقدرة على التفاعل مع الطلاب وخصوصاً على المستوى العملي.. وفي أيامنا هذه يتم تطوير هذه المنظومة بخطى متسارعة حبذا لو يذكرنا ببعضها الأساتذة الموجودون معنا..
كطالب سابق في مدارس الثورة (ابن خلدون) وحسن طراف وجلال خدام وقد هجرت المدرسة في الصف الحادي عشر من الفرع العلمي لأسباب اشكالية مع الأهل كنت من أكثر الطلاب المتضررين من هذه المنظومة التقليدية لطبيعتي اللاتقليدية
يعني احياناً كنت اشرد ذهنياً بحصة الآنسة خديجة عثمان (الفيزياء) الله يوجهلها الخير واتخيل حالي بحصة الآنسة المميزة وفاء الجندي (العربي) طبعا الحصص الأخيرة كلها نوم من فلسفة وديانة اسلامية وما الى ذلك
برأي كان لازم تكون العربي للآنسة خديجة والفيزياء للآنسة وفاء كان أفضل
بشكل عام كان النوم والارهاق والشرود ميزاتي بالاضافة لأني ما كنت ادرس الا بحصص الفراغ والعطلات وباقي الأيام عطلة وكنت مهذب وعاقل جداً على حسب علمي .. والفكرة هون أنو هالمنظومة المتخلفة اللي عنا بالتعليم لم تكن لديها القدرة على استيعاب طالب بطبيعة غير تقليدية على عكس المنظومات المتحضرة في أوربا وأمريكا واليابان وربما في السودان في أيامنا هذه
الحمد لله على كل حال والى مزيد من الحوار

اخي سيزر
بنصحك ما تتردد ابدا وتنتقل عمدرسة سوق الهال اذا هيك هاد الشي بيرجعلك
مشان واقع المدارس اجمل اللحظات اللي مرت بحياتي
بس دايما كانت الفوضى من الطلاب عموما والاساتذة كمان يعني يفوت الاستاذ ما الو نفس يشرح
او يمكن هني وعم يشرحوا بحسوا انن شرحوا وما شرحوا نفس الشي متل الانسة الكيميا هيي صراحة ما بتعرف تشرح لان بفكرن انو كل الطلاب قاعدين دروس خصوصي
بس يعني كنا نحنا الطلاب ما نقصر نهرب من حصص بعض الاساتذة يلي ما خرجن يعلمو غير الابتدائي وحصص الاساتذة المحترمين ما حدا يسترجي يهرب احتراما لهاالآنسة او الاستاذ ونكون مهذبين يعني
بس جد المارس بهالايام ما عادت متل هديك الايام من بعد ما صار في دروس خصوصس ما بقى حدا عم يعطي من قلبو بس طبعا ما الكل
وبتشوف هالطلاب متل كانن جايين عشي مشوار هاللبس والشعر للشباب والحجابات لهابنات متل كانن بشي سهرة والادارة دايما عم تردن عن هالشي بس ما بيمشي الحال
بقى انا برأيي سبب هالشي هني الطلاب بالدرجة الاولى والاساتذة طبعا ما الكل بالدرجة الثانية وشوي للادارة بالدرجة التالتة
وبالاخير شكرا الكم عتعليقكم ودمتم بخير

بنت الساحل كتب:اخي سيزر
بنصحك ما تتردد ابدا وتنتقل عمدرسة سوق الهال اذا هيك هاد الشي بيرجعلك

شكرا كتير عن النصيحة شجعتيني اكتر .

انا سمعت على المدرسة .. خصوصا بعد ما انتقل واحد رفيقي بالفصل التاني وقعد يحكيلي

على المدرسة والفرق بين جلال وسوق الهال.

و انا من النوع يللي بيهوى التجديد بكل الشغلات.

ومشان باقي حكيك فهو كتير منطقي ومظبوط .

بتمنى كتير المساهمة من قبل الاساتذة المتواجدين بالمنتدى

وخصوصاانه في نسبة كبيرة منهم.

العفو سيزر +
----
-


بتمنى كتير المساهمة من قبل الاساتذة المتواجدين بالمنتدى

وخصوصاانه في نسبة كبيرة منهم
اي ياريت منشوف رأيكم بالطلاب وبالادارة .

مرحبا ..
موضوع مهم ومميز .. والتفاعل فيه جيد ..
يمكن انا بعيد كتير عم جو المدارس واللي عم يصير فيها لأنو عأيامنا كان كل شي غير ..
الإدارة غير والطلاب غير والمدرسين غير ..
صعب عليي حط اللوم على طرف من دون دراية ومعرفة بواقع الأمر ..
بس في ناحية مهمة بتلفت نظري جدا .. في حال إهمال المدرسين لواجباتن والتقصير في إعطاء الدروس بظن سبوو الدروس الخصوصية
على زماننا قلال كتير اللي كانو ياخدو دروس خصوصية واذا صار واخدو كم مادة مو أكتر ...
بس هلأ اختلف كتير الوضع بظن .. الطالب من اولى مراحل الابتدائي عم ياخد دروس وبكل المواد أحيانا .. ممكن اختلف المنهاج أو صار أصعب ..بس أكيد هاد الشي الو تأثير على مستوى الطلاب وعلى أداء المدرسين .

شكرا لكم جميعا

شكرا لؤلؤة الحياة على الموضوع المميز

بس كل هاالمشاكل بالمدارس في مشكلة هي بالعامية بعني خيار وفقوس

وخاصة يعني بمدرسة جلال خدام يعني الطلاب لي معو واسطة قوية ما حدا

بيقدر عليه المهم تجيب امك او ابوك ويحكوا مع الانسات او الاساتذة مشان يعتنوا فيك

واذا ما عملت مية مكالمة للمعلمين ما بيطلعوا فيك

وغير كمان مشاكل تانية فرضا اذا رفضت طلب للانسة بتقول يلا عند المدير

والمدير بيطلع قرار فصل ثلاثة ايام

وهيدا ما بشوفوا المياعات يلي بالباحة وبالصف

والحكي ما بس على مدرسة جلال على كل المدراس


بس انا كنت بمدرسة ابدا ما كان فيا هيك شغلات

شكرا لؤلؤة المنتدى
أنا برأيي الحق على الطلاب بالدرجة الأولى حسب أدب الطالب وتربيته

وبالدرجة التانية ومع الأسف الشرح الغير الكافي ببعض المواد منضطر لمساعدة رفقاتنا ويعني صراحة السنة الجاي رح نضطر
لدروس خصوصية بمادة الفيزيا والكيميا وانا عن نفسي ما بحب هالدروس ابدا بس لابد منها اذا درستنا نفس انسة العاشر
أما الادارة فما بحملهم أي ذنب بالعكس هنن عم يبذلوا كل جهدن ويعطيهم الف عافية
مع تحياتي

أنس بعتذر منك مرة تانية

روريتا:أنا معك بان في سبب كبير من الطلاب بس بالنسبة للدروس بختلف معك شوي يعني اكيد بدو يفرق الامر بين 3 طلاب وبين 35 طالب بس مو ل 180درجة وطبعا هالشي من بعض الانسات وليس الكل

عبد الرحمن الجندي: شكرا لابداء رأيك وفعلا التعليم عنا ما عندو قدرة على استيعاب كل العقول بس انا بعمري ما سمعت من طالب بتبديل المواد للانسات بس فكرة حلوة والاحلى كان لازم نص الانسات يدرسوا ارشاد نفسي مع المادة


سيزار: معك حق بكل كلمة وأكيد الطلاب الهن دور كبير واهلا وسهلا فيك بمدرستنا


بنت الساحل:حكيتي واقع مدرستنا بشكل خاص والمدارس بشكل عام فشكراً لك



زوربا: شكرا لمناقشتك المميزة


جهاد: الطلاب الهم دور كبير بس بختلف معك انهم السبب الاول يعني بتلاقي الطلاب نفسهم بحصة قالبين الدنيا وبحصة ما الهم صوت


مكسورة القلب : أكيد الأهل الهم الدور الاكبر بس انتي شفتي بصفنا يعني من ورا كم طالب بيشاغبوا صار بنهاية المدرسة الكل بيشاغب المذوق وقليل الذوق وهون مو الحق عالطالب المذوق يعني شفتي التوجيه شو ما صار بهدلة كلمتين وللكل وهادا سبب اكبر للمشاغبة



سويت ليلي : أنا معك بقصة الواسطة بس على مستوى بانياس ما في طالب بالمدرسة الا والو واسطة يا من مدير يا من توجيه يا من مدرسين

نور الدنيا: أنا معك بالطلاب بس مو من الدرجة الاولى واكبر مثال صفنا بالعاشر يعني من اول السنة لو الادارة ضبطت الطلاب المشاغبين ما كان وصل صفنا لهالنتيجة يعني في طلاب بالصف المدير نفسه بيحلف بتهذيبهم بس بنهاية السنة ما تم حدا مهذب بالصف أما بالنسبة لانسة الفيزيا كيميا ما تسبعدي اني انتقل من المدرسة اذا علمتنا يعني غير الدروس الخصوصية ما فينا نتحمل كل يوم بهدلة منها وكلام سيء من غير ما نعمل شي ولا انا غلطانة


وبالنهاية بشكر الجميع على تفاعلهم مع الموضوع بشكل جدي