واقع مدارس بانياس

تذكير بمساهمة فاتح الموضوع :

المدارس على الأبواب
شو رأيكن نناقش موضوع المدارس في بانياس باعتباره موضوع مهم ويعاني منه المجتمع البانياسي
يعني ما حدا راضي عن المدارس لا الطلاب ولا الأهل ولا المدرسين
حبيت اطرح الموضوع لأنه يوجد أعضاء في المنتدى من الطلاب ومن الاهل ومن المدرسين (وفي طلاب عم تدرس فروع تدريسية)
خلونا نناقش الموضوع مع الكل

ياريت ما حدا ياخد الموضوع بالمزح أو المسخرة وبطلب من الإدارة حذف أي تعليق فيه مزح وياريت ما حدا يطلع عن الموضوع
هالموضوع كتبته أنا ورفيقتي بنت الساحل بعد مشاورات وتوصلنا على ان ننزل الموضوع بالمنتدى لعلنا ان نصل غلى حل ونتخلص من هالواقع السيء لأسف

والله انا الي من الخامس بجلال انا بحب مدرستي كتير ومافيني اتخلى عنها ولا عن الآنسات
صحي في آنسات وأساتذة مو كتير مناح بس كمان في اساتذة كتيييييييييييير مناح
بس بقلكن شي الاستاذ الطيب بيتاكل حقو يعني حسب ماقالت روريتا عالاستاذ عبد الله يوجهلو الخير ويوفقو كان مافي أطيب من قلبو والكل مستغل هالشي
اما ادارتنا مافي منها والاستاذ عمر كتير كويس ومابينحكى عليه أبداً
و الطلاب كمان الهم دور يعني زايد الحكي الطالع والنازل وقلة الذوق والمشاكل وكل شي كل شي ...
من جهتي أنا كل يوم منعمل شي مقلب أو شي حركة صعب اقعد عاقلة !!
كل مدرسة فيها المنيح والقبيح وكل مدارسنا بنفس المستوى
بس كمان يعني مشان الدورات انا مابحب الانسة يلي بتعلم الطلاب بالبيت وبتكون بتعلمههم بالمدرسة باستثناء الشهادات لأنو بدها دورات شي طبيعي والبكلوريا خصوصي
بس يعني كمان والله بعرف كم استاذ مابينفهم عليهم شي بالمدرسة والبيت مافي منهم حسب قولة رفقاتي انا ماجربت
الله أعلم بالناس وشكراً لك...

صحي نسيت احكي عن دوام الضهر بمدرستنا جلال اي قسماً بالله الواحد مابيطيق حالو آخر الدوام كمان مو قليلة نص الشهر مو طايق حالك
الله يريحنا من هالدوام
ادعولنا الله يصبرنا برمضان عالبكلوريا ودوام الضهر والدرس والدوراااااااااااااااااااات

سلام فور ايفر : شكرا لك واهلا فيك بس ترجعي بس على كلمة غصب وقفت عندها كتير في انسة بتعطينا والمادة فيزيا يعني من الطبيعي الوتحد ما يفهم من اول مرة اذا قلنالها يا انسة عيديلنا الفقرة بتقلنا اذا الله خالقن بهايم انا ما فيني فهمكن بس بترجع بتعيد (عذرا على هالالفاظ بس والله هيك بتقلنا بالحرف الواحد)

عزيزتي نورا:اكيد كل مدرسة فيها المنيح والقبيح بس والله مدارس بانياس غير مدارس سوريا بالتحديد من ناحية تطبيق النظام والله يعينكن على دوام الضهر اما نحنا الحمد لله من الساعة 7 ونص لل 12 ونص

فعلا موضوع رائع وانا حبيت اضع راي بالموضوع:اولا انا درست بمدرسة المحطة الحرارية حلقة تانية الطلاب اذكياء وشاطرين وانا برجع نجاح المدرسة وفشلها للثلاثة للادارة والطلاب ولاخلاص المدرسين بشرح الدروس اذا اجتمع هؤلاء الثلاتة شكلوا مدرسة نموذجية ولكن مافي حدا كامل بظل في نقص وهالنقص لازم بسدوا المحنك الفهمان المتواضع للادارة وللطلاب وللشرح يعني بدها شوية ذكاء والشاطر الي بيلعبها صح وبفيد جميع الاطراف هذا راي مابعرف يمكن يعجبكن وشكرا

غروب شكراً وانتي اول مدرسة بترد وانا كنت ناطرة رد المدرسين قبل الكل
فشكرا

الحمد لله انا بوقتي كان الدوام صباحي بس
بالنسبة للدروس الخصوصية يلي حكيت عنها كمان متل ما قالت سلام الوقت غير كاف بالمدرسة للشرح الكاف..كمان هادا السبب بيلعب دور هام
يعني الدروس الخصوصية عند الاستاذ بالبيت بتاخد وقت منيح غير المدرسة
هادا غير انو راتب الاستاذ والله بصراحة ما يكفي خز طول الشهر

والله يا شباب صحيح انه الاساتذة بينلامو بس من وجهة نظري كطالب اللي بينلامو اكتر هني الطلاب
لك والله قدام عيوني بالصف لما يدخل الاستاذ كانه دخل مهرج على الطلاب (ليس كذب وانما حقيقة ولا اقصد السخرية ) شوف الاستاذ بقى بده يخلص من الضحك والسخرية عليه ااخ
مين والا مين
بس كمان في من مناظر بتخجل يعني كمان ماحدا عاد استحى يعني في اساتذة قدامي بالصف يصيرو يحكو شروي غروي وكلام مابينحكى بالشارع
بس يللا (بانياس ترحب بكم ) ششش

César كتب:

نور الدنيا كتب:سيزار...... بأول يوم ما بيكون الجميع حاضر

ممكن.... لنشوف بكرا

ونقطة تانية بالاساس في بكل صف فرقة شباب وتنين بنات

هادا ما معناه انو البنات ضعف الشباب او اكتر

اي صحيح عدد البنات ضعف الشباب

اي صحيح عدد البنات ضعف الشباب

من طيبها عجبتني هالمدرسة
--------------------------------------------------------------------
هلق ماهون المشكلة.............. المشكلة شو السبب

باعتقادي انو معظم الشباب بهل المنطقة بيتركوا المدارس يمكن من صف الخامس وبيروحوا على الشغل (مع اني ماني متأكد(

روريتا, ذا مان , سيزار, نور الدنيا, ذا بوس
شكرا للمرور والتعليق
سيزار متل ما قالت نور اول يوم نص الطلاب ما بيجوا عالمدرسة وبالذات الشباب وفي نسبة شباب كبيرة من الاعدادي ما طلعلها عامة
ذا بوس معك حق بكلامك بس الاهل هلق ما حدا عم يرد لانهم بيعرفوا بظلم المدرسين يعني كتير منشوف اولاد الانسات علاماتهم كاملة بالمواد الترفيهية بينما غيرهم كل علاماتهم راحت على هالمواد
انا مرة بصف من الصفوف كانت عدد العلامات اللي ناقصتني عالمواد الرئيسية اقل من العلامات اللي ناقصتني عالمواد الترفيهية بقى شو رأيك

وبالنهاية بشكركم مرة تانية

انا راي الامور الثلاثة هي سبب واقع المدارس

مافي داعي تفتحي كتاب التاريخ او تشتريه

رح يعطونا بالاخير شي درسين نحفظ منهم كم سطر وخلصت القصة

ونفس الشي الفلسفة

نور الدنيا . سيزار
شكرا

والله انا السنة افضل ومتل ما قلتي يا نور الكل مصدوم وانا سألت التوجيه قالوا السنة احسن بس هالشي كان برمضان وما منعرف اذا رح يبقى الوضع هيك


اما عن استاذ التاريخ الله يعينا يعني بيشرح حرام بس وقت ينسجم بالدرس بيصير الكلام بيدخل مع بعضه بقى شو ذنبنا

بعدين يانور لو رحتي ادبي كان بعلمك جغرافيا وشي اربع خمس حصص بالاسبوع
بقى خليكي حصة احسن والاستاذ ما بدو يانا نحفظ قال ما بيرسب حدا


سيزار شكرا لك وان شاء الله بتكون مبسوط بهالمدرسة مع انو طلاب جلال عملوا ازمة السنة بالمقاعد بس بيبقوا ضيوف واهلا وسهلا فيهن

أحسب التعميم في قضيَّة ٍ كهذه أمرٌ مردودٌ مرفوض..لأنَّنا لا نستطيع أن نلقيَ باللائمة في تردّي حال

مدارس بانياس على الأهل فقط ولا على المدّرسين وحدهم وكذلك من الإجحاف والظّلم قصرها على الإدارة إذ

ليس الأهلون سواسية وليس المدرسون متماثلين في تقواهم وحرصهم على راحة ضمائرهم وتحليل قروشهم

..وليس المدراء على سويَّة ٍ واحدة من الأخلاق والغيرة والالتزام ..والمقال الأسلم في هذا المقام هو

أنَّ جهود الأطراف الثَّلاثةيتوجَّبُ عليها التَّضافر والتكاتف للقضاء على العقبات الكأداء ولتذليل

الصعاب وتمهيد الطريق أمام مسيرة التربية والتعليم في مدينتنا الحبيبة..


ولي رأي شخصيّ في هذه المسألة يتمثَّل في أنَّ الاختلاط لعب دوراً في ذاك التّردّي ولن يستطيع المرء إدراك

ما أعنيه إلا أن يكون في مثل موضعي ويسمع ويشهد ما أورث الاختلاط أبناءنا وبناتنا من قلة

التركيز وانصراف العناية والاهتمام إلى أمور ثانوية بعيداً عن الدراسة والتحصيل والتفوّق .

ودمتم حريصين على نهضة [/b][/color]

والله برأيي شو بدك بهل وجع الراس